ಕಳೆದ ತಿಂಗಳು ಪುಟ್ಟರಾಜ ನಗರದ ಮನೆಯೊಂದರಲ್ಲಿ 8 ಜನರ ತಂಡವೊಂದು ಕಳ್ಳತನ ನಡೆಸಿತ್ತು. ಮಾಸ್ಕ, ಗ್ಲೌಸ್ ಬಳಸಿದ್ದರಿಂದ ಆರೋಪಿಗಳ ಗುರುತು ಪತ್ತೆ ಕಷ್ಟವಾಗಿತ್ತು. ನಗರದ ಹೊರ ವಲಯದಲ್ಲಿ ಅಂದಾಜು ಐದಾರು ಕಿಮೀ ದೂರದಲ್ಲಿ ವಾಹನವನ್ನು ನಿಲ್ಲಿಸಿ ಕಾಲ್ನಡಿಗೆಯಲ್ಲೇ ಬಂದು ಕಳ್ಳತನ ಮಾಡುತ್ತಿದ್ದರು. ಇವರು ಮೊಬೈಲ್ ಬಳಸುತ್ತಿರಲಿಲ್ಲ. ಹೀಗಾಗಿ ಕಳ್ಳರ ಬಂಧನ ಸವಾಲಾಗಿತ್ತು. ಆದರೆ, ಕಳ್ಳತನ ನಂತರ ನಗರದ ಹೊರವಲಯದ ಹೊಲದಲ್ಲಿ ಕಾಲ್ನಡಿಗೆಯಲ್ಲಿ ತೆರಳಿದ್ದರು. ಆಗ ಮಳೆ ಆಗಿದ್ದರಿಂದ ಆರೋಪಿಯು ಹೊಲದಲ್ಲಿ ನಡೆದ ಗುತುಗಳು ಪತ್ತೆ ಆಗಿತ್ತು. ಆ ಜಾಡು ಹಿಡಿದು ಆರೋಪಿಗಳಿಗೆ ಬಲೆ ಬೀಸಲಾಗಿತ್ತು. ಬೆಳಗಾವಿ, ಹಳಿಯಾಳ, ಧಾರವಾಡ, ಕಾರವಾರ ಮತ್ತು ಮಧ್ಯ ಪ್ರದೇಶ ಸೇರಿದಂತೆ ವಿವಿಧ ಕಡೆ ಕಳ್ಳರ ಹಡುಕಾಟ ನಡೆಸಿ ಆರೋಪಿಗಳನ್ನು ಬಂಧಿಸಲಾಗಿದೆ. ಕಿತ್ತೂರು ತಾಲೂಕಿನ ಕಾದ್ರೋಳಿ ಗ್ರಾಮದ ಸುರೇಶ ಸಿಂಗನೂರು, ಅಳ್ನಾವರದ ನಾಗಪ್ಪ ದುರಗಮುರಗಿ, ಧಾರವಾಡ ಜಿಲ್ಲೆಯ ಗರಗ ಗ್ರಾಮದ ಶಿವು ಬೆಳಗಂಟಿ, ಹುಕ್ಕೇರಿ ತಾಲೂಕಿನ ದಡ್ಡಿ ಗ್ರಾಮದ ಸುರೇಶ ತಮ್ಮಣ್ಣವರ, ಧಾರವಾಡ ಜಿಲ್ಲೆಗೆ ವೆಂಕಟಾಪೂರ ಗ್ರಾಮದ ಶಂಕರ ಕರಿ, ಧಾರವಾಡ ಪಟ್ಟಣದ ಮಂಜುನಾಥ ಬಾದಗಿ, ಹಾನಗಲ್ಲ ತಾಲೂಕಿನ ಬೆಳಗಾಲಪೇಟೆ ಗ್ರಾಮದ ಹುಲಗೆಪ್ಪ ಹಾಗೂ ಧಾರವಾಡ ಜಿಲ್ಲೆ ಮುನವಳ್ಳಿ ಗ್ರಾಮದ ಆನಂದ ಯರಗಣ್ಣವರ ಅವರನ್ನು ಬಂಧಿತರು. ಇದರಲ್ಲಿ ಸುರೇಶ ಸಿಂಗನೂರು, ನಾಗಪ್ಪ ಮತ್ತು ಸುರೇಶ ತಮ್ಮಣ್ಣವರ ಆರೋಪಿಗಳು 2007ರಲ್ಲಿ ಕಳ್ಳತನ ಪ್ರಕರಣದಲ್ಲಿ ಶಿೆ ಅನುಭವಿಸಿದ್ದಾರೆ. ಗದಗ ಜಿಲ್ಲೆಯಯಲ್ಲಿ 7, ಬೆಳಗಾವಿ ಜಿಲ್ಲೆಯಲ್ಲಿ 4 ಸೇರಿ ಒಟ್ಟು 11 ಪ್ರಕರಣಗಳು ಇವರ ಮೇಲೆ ದಾಖಲಾಗಿದ್ದು, ಬಮಧಿತರಿಂದ 587 ಗ್ರಾಂ ಚಿನ್ನ, 3822 ಗ್ರಾಂ ಬೆಳ್ಳಿ, ಬೈಕ್ ಹಾಗೂ ಟಾಟಾ ಗೂಡ್ಸ್ ವಾಹನ ಸೇರಿ ಒಟ್ಟು 1.07 ಕೋಟಿ ಮೊತ್ತದ ಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಎಸ್ಪಿ ರೋಹನ್ ಜಗದೀಶ ಹೇಳಿದರು.
