ಕಸ ವಿಲೇವಾರಿಗೆ ಪಿಪಿಪಿ ಮಾಡಲ್​ ಯೋಜನೆ

ಶಿವಾನಂದ ಹಿರೇಮಠ ಗದಗ

ನಗರದಲ್ಲಿ ಹೆಚ್ಚುತ್ತಿರುವ ನತ್ಯಾಜ್ಯ ವಿಲೇವಾರಿ ಪ್ರತಿನಿತ್ಯ ತಲೆನೋವಾಗಿ ಪರಿಣಮಿಸುತ್ತಿದೆ. ನಗರದಿಂದ ದಿನಂಪ್ರತಿ 80 ರಿಂದ 110 ಟನ್​ ತ್ಯಾಜ್ಯ ಹೊರಹೊಮ್ಮುತ್ತಿದ್ದು, ತ್ಯಾಜ್ಯ ನಿರ್ವಹಣೆ ಎಂಬುದು ಕಬ್ಬಿಣದ ಕಡೆಲೆಯಾಗಿದೆ. ಈ ಸಮಸ್ಯೆಗೆ ಶಾಶ್ವತ ಪರಿಹಾರ ಕಂಡುಕೊಂಡಿರುವ ನಗರಸಭೆ ಸಾರ್ವಜನಿಕ&ಖಾಸಗಿ ಸಹಭಾಗಿತ್ವ (ಪಿಪಿಪಿ) ಮಾದರಿಯಲ್ಲಿ ಹೊಸ ನಿರ್ವಹಣಾ ಟಕ ಸ್ಥಾಪನೆ ಮಾಡುತ್ತಿದ್ದು, ಸ್ಥಳಿಯ ಸಂಸ್ಥೆಗಳಲ್ಲಿ ನತ್ಯಾಜ್ಯ ವಿಲೇವಾರಿಯ ಪಿಪಿಪಿ ಮಾದರಲ್ಲಿ ರಾಜ್ಯದಲ್ಲೇ ಮೊದಲು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ನಗರದ ನತ್ಯಾಜ್ಯ ವಿಲೇವಾರಿ ನಿರ್ವಹಣೆಯನ್ನು ಪಿಪಿಪಿ ಮಾದರಿಯಲ್ಲಿ ನಿರ್ವಹಿಸಲು ಇತ್ತೀಚೆಗೆ ಜರುಗಿದ ವಿಶೇಷ ಸಂಪುಟ ಸಭೆಯಲ್ಲಿ ಚರ್ಚೆ ಜರುಗಿತ್ತು. ಸಚಿವ ಎಚ್​.ಕೆ. ಪಾಟೀಲ ಆಸಕ್ತಿ ಹಿನ್ನೆಲೆ ಈ ಯೋಜನೆಗೆ ಸಂಪುಟವು ಅಸ್ತು ಎಂದಿದೆ. ಯುಡಿಡಿ ಇಲಾಖೆ ಮುತುವಜಿರ್ ವಹಿಸಿ ಈ ಯೋಜನೆ ಅನುಷ್ಠಾನಕ್ಕೆ ಅನುಮತಿ ನೀಡಿದೆ.

ಐಎನ್ವಿರೋ ಎಂಬ ಸಂಸ್ಥೆಗೆ ಮುಂದಿನ 15 ವರ್ಷಗಳ ಕಾಲ ನಗರದ ತ್ಯಾಜ್ಯ ನಿರ್ವಹಣೆ ಗುತ್ತಿಗೆ ನೀಡಲಾಗಿದೆ. ಮುಂದಿನ 15 ವರ್ಷಗಳಲ್ಲಿ ಯಂತ್ರೋಪಕರಣ, ಕೂಲಿಕಾಮಿರ್ಕರು, ನಿರ್ವಹಣೆ ಸೇರಿ ಒಟ್ಟು 8.70 ಕೋಟಿ ಹಣವನ್ನು ಸಂಸ್ಥೆಯು ತ್ಯಾಜ್ಯ ನಿರ್ವಹಣೆಗೆ ಹೂಡಿಕೆ ಮಾಡಲಿದೆ. ಹಸಿ ಮತ್ತು ಒಣ ಕಸ ಎಂದು ಬೇರ್ಪಡಿಸುವ ವಿಧಾನದ ಜತೆಗೆ ಪುನರ್ಬಳಕೆ ಮತ್ತು ಪುನರ್ಬಳಕೆ ಮಾಡದ ಕಸವನ್ನು ಪ್ರತ್ಯೇಖಿಸಿ ವಿಲೇವಾರಿ ಮಾಡುವ ತಂತ್ರಜ್ಞಾನವನ್ನು ಇಲ್ಲಿ ಬಳಸಲಿದೆ. ಹಸಿ ಮತ್ತು ಒಣಕಸವನ್ನು ಕಾಂಪೋಸ್ಟ್​ ಗೊಬ್ಬರವಾಗಿ ಮಾಡುವ ವಿಧಾನ ಅಳವಡಿಸಕೊಳ್ಳಲಾಗಿದೆ. ಮುಂದುವರಿದು, ಪುನರ್ಬಳಕೆ ಮಾಡಬಹುದಾದ ಕಸದಲ್ಲಿ ದಿನಬಳಕೆ ವಸ್ತುಗಳ ಉತ್ಪಾದನೆ ಮತ್ತು ಸಿಮೆಂಟ್​ ್ಯಾಕ್ಟರಿಗಳಿಗೆ ಉರುವಲಾಗಿ ಬಳಸುವ ವಸ್ತುಗಳನ್ನು ಉತ್ಪಾದಿಸಲಾಗುವುದು. ಕಸದಿಂದ ಉತ್ಪಾದನೆ ಮಾಡಿದ ಬಳಕೆ ವಸ್ತುಗಳ ಮಾರಾಟದಲ್ಲಿ ಶೇ. 50 ರಷ್ಟು ಲಾಭ ನಗರಸಭೆಗೂ ದೊರೆಯಲಿದೆ. ಜತೆಗೆ ನತ್ಯಾಜ್ಯ ವಿಲೇವಾರಿ ಟಕದಲ್ಲಿ ಒಂದು ಟನ್​ ಕಸ್​ ಬೇರ್ಪಡಿಸುವ ನಿರ್ವಹಣಾ ಕೆಲಸಕ್ಕೆ ನಗರಸಭೆ ಏಜೆನ್ಸಿಯವರಿಗೆ 460 ರೂ. ಪಾವತಿಸಲಿದೆ.

ಹೊಸ ಕಸ ನಿರ್ವಹಣೆಗೆ ಐಎನ್ವಿರೋ ಸಂಸ್ಥೆಯು ಪಿಪಿಪಿ ಮಾದರಿಯಲ್ಲಿ ಯೋಜನೆ ಅನುಷ್ಠಾನಕ್ಕೆ ಸಿದ್ಧತೆ ನಡೆಸಿದೆ. ಸದ್ಯದಲ್ಲೇ ಯೋಜನೆಗೆ ಸಚಿವ ಎಚ್​.ಕೆ ಪಾಟೀಲ ಚಾಲನೆ ನೀಡಲಿದ್ದಾರೆ. ಈ ನಡುವೆ ಗದಗ ಜಿಲ್ಲೆಯ ಎಲ್ಲ ಸ್ಥಳಿಯ ಸಂಸ್ಥೆಗಳಲ್ಲಿ 2001 ರಿಂದ 2024ರ ವರೆಗೆ ಸಂಗ್ರಹ ಆಗಿರುವ ಸಾವಿರಾರು ಟನ್​ ತ್ಯಾಜ್ಯವನ್ನು ಒಂದು ಬಾರಿ ನಿರ್ವಹಣೆ ಮಾಡಿ ವಿಲೇವಾರಿ ಮಾಡುವ ಯೋಜನೆ ಈಗಾಗಲೇ ಆರಂಭವಾಗಿದೆ. ರಾಜ್ಯದಲ್ಲಿ ಎಲ್ಲ ಸ್ಥಳಿಯ ಸಂಸ್ಥೆಗಳಲ್ಲಿ 20 ವರ್ಷಗಳಿಂದ ಸಂಗ್ರಹವಾದ ತ್ಯಾಜ್ಯವನ್ನು ವಿಲೇವಾರಿ ಮಾಡಲು ರಾಷ್ಟ್ರೀಯ ಹಸಿರು ನ್ಯಾಯಾಧೀಕರಣ ಆದೇಶ ನೀಡಿತ್ತು. ಹಾಗಾಗಿ ಜಿಲ್ಲೆಯ ಗದಗ ನಗರಸಭೆ ವ್ಯಾಪ್ತಿಯಲ್ಲಿ 20 ವರ್ಷಗಳಿಂದ ಸಂಗ್ರಹವಾದ 81 ಸಾವಿರ ಟನ್​, ಗಜೇಂದ್ರಗಡ ಪುರಸಭೆ ವ್ಯಾಪ್ತಿಯಲ್ಲಿನ 23 ಸಾವಿರ ಟನ್​ ಮತ್ತು ನರಗುಂದ ಪುರಸಭೆ ವ್ಯಾಪ್ತಿಯಲ್ಲಿನ 26 ಸಾವಿರ ಟನ್​ ತ್ಯಾಜ್ಯವನ್ನು ಸೌರಾಷ್ಟ್ರ ಎನ್ವಿರೋ ಎಂಬ ಸಂಸ್ಥೆ ವಿಲೇವಾರಿ ಮಾಡುತ್ತಿದೆ. ಮಾರ್ಚ 2026ರ ಒಳಗಾಗಿ ತ್ಯಾಜ್ಯ ವಿಲೇವಾರಿ ಮಾಡುಕೊಡುವ ನಿಯಮಕ್ಕೆ ಒಳಪಟ್ಟು ಕಾರ್ಯಾರಂಭ ಮಾಡಲಾಗಿದೆ. ಈ ಸಂಸ್ಥೆಯು ಗದಗನ ನಗರದ ತ್ಯಾಜ್ಯ ವಿಲೇವಾರಿ ಟಕದಲ್ಲಿ 1000 ಟನ್​ ಸಾಮರ್ಥ್ಯ, ಗಜೇಂದ್ರಗಡ ಮತ್ತು ನರಗುಂದದಲ್ಲಿ 100 ಟನ್​ ಸಾಮರ್ಥ್ಯ ಹೊಂದಿರುವ ಯಂತ್ರವನ್ನು ಅಳವಡಿಸಿ ವಿಲೇವಾರಿ ಮಾಡುತ್ತಿದೆ.

ತ್ಯಾಜ್ಯ ನಿವರ್ಹಣೆಗೆ ನೂತನ ಯೋಜನೆಯು ಸಚಿವರಾದ ಎಚ್​.ಕೆ. ಪಾಟೀಲ ಅವರ ಆಸಕ್ತಿಯಿಂದ ಆರಂಭಗೊಳ್ಳುತ್ತಿದೆ. ರಾಜ್ಯದ ಇನ್ನಾವುದೇ ಸ್ಥಲಿಯ ಸಂಸ್ಥೆಗಳು ಇದನ್ನು ಅಳವಡಿಸಿಕೊಂಡಿಲ್ಲ. ಈ ಯೋಜನೆಯಿಂದ ಪ್ರತಿನಿತ್ಯದ ತ್ಯಾಜ್ಯ ಸಂಗ್ರಹ ವಿಲೇವಾರಿ ಆಗುತ್ತದೆ. ಪರಿಸರ ಸ್ವಚ್ಚಗೊಳ್ಳುತ್ತದೆ.

ಹೊಸ ಯೋಜನೆ ಜತೆಗೆ ಹಳೆ ತ್ಯಾಜ್ಯವನ್ನು ನಿರ್ವಹಿಸಲು 9 ತಿಮಗಳ ಅವಧಿಗೆ ಗುತ್ತಿಗೆ ನೀಡಲಾಗಿದೆ. ತ್ಯಾಜ್ಯ ಟಕದಲ್ಲಿ 21 ಎಕರೆಗಳಷ್ಟು ಹಳೆಯ ತ್ಯಾಜ್ಯ ಶೇಖರಣೆಗೊಂಡಿತ್ತು. ಮುಂಬರುವ ಮಾರ್ಚನಲ್ಲಿ ಎಲ್ಲ ತ್ಯಾಜ್ಯ ವಿಲೇವಾರಿಗೊಳ್ಳುತ್ತದೆ. ಮತ್ತು ತ್ಯಾಜ್ಯ ವಿಲೇವಾರಿ ಟಕವನ್ನು ಪರಿಸರ ಸ್ನೇಹಿ ಟಕವಾಗಿ ಮಾರ್ಪಾಡು ಮಾಡುವ ಉದ್ದೇಶ ಹೊಂದಲಾಗಿದೆ.