ಲಕ್ಕುಂಡಿ ಡಂಬಳ ಪ್ರವಾಸೋದ್ಯಮ ಅಭಿವೃದ್ಧಿಗೆ 10 ಕೋಟಿ ರೂ. ಬಿಡುಗಡೆ

ಐತಿಹಾಸಿಕ ಹಾಗೂ ಪ್ರವಾಸೋದ್ಯಮದ ದೃಷ್ಟಿಯಿಂದ ಮಹತ್ವ ಪಡೆದಿರುವ ಜಿಲ್ಲೆಯ ಲಕ್ಕುಂಡಿ ಮತ್ತು ಡಂಬಳ ಗ್ರಾಮಗಳಲ್ಲಿನ ಪ್ರವಾಸಿ ತಾಣಗಳತ್ತ ಪ್ರವಾಸಿಗರನ್ನು ಆಕಷಿರ್ಸಲು ಮೂಲಭೂತ ಸೌಕರ್ಯ ಅಭಿವೃದ್ಧಿಗೆ ರಾಜ್ಯ ಸರ್ಕಾರವು ಪ್ರವಾಸೋದ್ಯಮ ಇಲಾಖೆ ಅಡಿಯಲ್ಲಿ 10 ಕೋಟಿ ಅನುದಾನ ಬಿಡುಗಡೆ ಮಾಡಿದೆ. ಈ ಮೂಲಕ ಎರಡೂ ಪಾರಂಪರಿಕ ತಾಣಗಳಲ್ಲಿ ಪ್ರವಾಸೋದ್ಯಮಕ್ಕೆ ಪೂರಕವಾದ ಸೌಲಭ್ಯಗಳನ್ನು ಅಭಿವೃದ್ಧಿಪಡಿಸುವ ಕಾರ್ಯಕ್ಕೆ ಹೊಸ ಚೈತನ್ಯ ದೊರೆಯಲಿದೆ.

ರಾಜ್ಯದ ಪ್ರಸಿದ್ಧ ಪಾರಂಪರಿಕ ತಾಣಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿರುವ ಲಕ್ಕುಂಡಿ ಮತ್ತು ಡಂಬಳ ಗ್ರಾಮಗಳಿಗೆ ದೇಶ ವಿದೇಶಗಳಿಂದ ಸಾವಿರಾರು ಪ್ರವಾಸಿಗರು ಹಾಗೂ ಇತಿಹಾಸಾಕ್ತರು ಭೇಟಿ ನೀಡುತ್ತಾರೆ. ಆದರೆ ಅಗತ್ಯ ಮಟ್ಟದ ಮೂಲಭೂತ ಸೌಕರ್ಯಗಳ ಕೊರತೆಯಿಂದ ಪ್ರವಾಸಿಗರು ಹಲವು ಸಮಸ್ಯೆಗಳನ್ನು ಎದುರಿಸುತ್ತಿದ್ದರು. ಹೀಗಾಗಿ, ರಾಜ್ಯ ಸರ್ಕಾರ ತನ್ನ ಆಯ್ಯವ್ಯಯದಲ್ಲಿ ಘೋಷಿಸಿದಂತೆ ಇದನ್ನು 10 ಕೋಟಿ ರೂ., ಬಿಡುಗಡೆ ಮಾಡಿದೆ.

ರಸ್ತೆ ಅಭಿವೃದ್ಧಿ, ಪಾದಚಾರಿ ಮಾರ್ಗಗಳ ನಿರ್ಮಾಣ, ಕುಡಿಯುವ ನೀರಿನ ವ್ಯವಸ್ಥೆ, ಸಾರ್ವಜನಿಕ ಶೌಚಾಲಯ, ವಿದ್ಯುತ್​ ದೀಪಗಳ ಅಳವಡಿಕೆ, ವಾಹನ ನಿಲುಗಡೆ ವ್ಯವಸ್ಥೆ, ಉದ್ಯಾನ ಹಾಗೂ ವಿಶ್ರಾಂತಿ ಕೇಂದ್ರಗಳ ನಿರ್ಮಾಣ, ಸೂಚನಾ ಫಲಕಗಳ ಅಳವಡಿಕೆ ಸೇರಿದಂತೆ ಪ್ರವಾಸೋದ್ಯಮಕ್ಕೆ ಅಗತ್ಯವಾದ ವಿವಿಧ ಮೂಲಭೂತ ಸೌಲಭ್ಯಗಳನ್ನು ಅಭಿವೃದ್ಧಿಪಡಿಸುವ ಯೋಜನೆ ರೂಪಿಸಲಾಗಿದೆ. ಈ ಕಾಮಗಾರಿಗಳಿಂದ ಪ್ರವಾಸೋದ್ಯಮಕ್ಕೆ ಉತ್ತೇಜನ ದೊರೆಯುವುದರ ಜೊತೆಗೆ ಸ್ಥಳಿಯ ಯುವಕರಿಗೆ ಉದ್ಯೋಗಾವಕಾಶಗಳು ಹೆಚ್ಚಾಗಲಿವೆ. ಸ್ಥಳಿಯ ವ್ಯಾಪಾರ, ಹೋಟೆಲ್​, ಸಾರಿಗೆ ಹಾಗೂ ಕರಕುಶಲ ವಸ್ತುಗಳ ಮಾರಾಟಕ್ಕೂ ಉತ್ತೇಜನ ಸಿಗುವ ನಿರೀಕ್ಷೆ ಇದೆ.

ಡಂಬಳದ ದೊಡ್ಡಬಸಪ್ಪ ದೇವಸ್ಥಾನ, ಸಣ್ಣ ಬಸಪ್ಪ ದೇವಸ್ಥಾನ, ರಥದ ಭಾವಿ ಹಾಗೂ ಡಂಬಳದ ಬೃಹತ್​ ಕೆರೆಯನ್ನು ಕೇಂದ್ರವಾಗಿ ಇಟ್ಟುಕೊಂಡು ಅಭಿವೃದ್ಧಿ ಯೋಜನೆಗಳನ್ನು ಕೈಗೊಳ್ಳಲಾಗುತ್ತಿದೆ. ಡಂಬಳ ಕೆರೆಯಿಂದ ದೊಡ್ಡಬಸಪ್ಪ ದೇವಸ್ಥಾನ ವರೆಗೆ ರಸ್ತೆ ನಿರ್ಮಾಣ, ಕೆರೆ ದಡದಲ್ಲಿ ಪ್ರವಾಸಿಗರಿಗೆ ಅನುಕೂಲ ಆಗುವಂತೆ ುಟ್​ಪಾತ್​ ನಿರ್ಮಾಣ, ಖುಚಿರ್ಗಳನ್ನು ಅಳವಡಿಸುವುದು, ಕೆರೆ ಸುತ್ತಲೂ ಉನ್ನತ ಮಟ್ಟಡ ತಂತಿ ಬೇಲಿ ನಿರ್ಮಾಣ, ಶೌಚಾಯಲಯ ನಿರ್ಮಾಣ, ಶುದ್ಧ ಕುಡಿಯುವ ನೀರಿನ ಟಕ ಅಳವಡಿಕೆ, ಕೆರೆ ದಂಡೆಯ ಮೇಲೆ ಉದ್ಯಾನವನ ಅಭಿವೃದ್ಧಿ. ರಸ್ತೆ, ಎರಡು ದೇವಸ್ಥಾನ ಮತ್ತು ರಥದ ಭಾವಿಯಲ್ಲಿ ತಲಾ ಒಂದರಂತೆ ನಾಲ್ಕು ಹೈ ಮಾಸ್ಕ ಅಳವಡಿಸಲಾಗುತ್ತದೆ.

ಲಕ್ಕುಂಡಿ ಬಳಿಯ ರಾಷ್ಟ್ರೀಯ ಹೆದ್ದಾರಿ ಪಕ್ಕದಲ್ಲಿ ಇರುವ ನಾಲ್ಕು ಎಕರೆ ಪ್ರವಾಸೋದ್ಯಮ ಇಲಾಖೆ ಜಮೀನಿನಲ್ಲಿ ುಡ್​ ಕೋರ್ಟ್​ ನಿಮಿರ್ಸಲಾಗುವುದು. ಪುರುಷ ಮತ್ತು ಮಹಿಳಾ ಪ್ರತ್ಯೇಕ ಶೌಚಾಲಯ, ಲಕ್ಕುಂಡಿಗೆ ಸಂಬಂಧಪಟ್ಟಂತೆ ಪಾರಂಪರಿಕ ಮಾಹಿತಿ ಕೇಂದ್ರ ಆರಂಭಿಸುವುದು, ಸ್ಥಳಿಯ ವಸ್ತುಗಳ ಮಾರಾಟಕ್ಕೆ ಅನುಕೂಲ ಆಗುವಂತೆ 5 ಮಳಿಗೆಗಳ ಕಾಂಪ್ಲೆಕ್ಸ್​ ನಿರ್ಮಾಣ, ಒಂದು ಕಾರು ಚಾರ್ಜಜಿಂಗ್​ ಪಾಯಿಂಟ್​, ನಾಲ್ಕು ಎಕರೆ ಜಮೀನಿಗೆ ಕಂಪೌಂಡ್​ ಗೋಡೆ, ನಾಲ್ಕು ಎಕರೆ ಜಮೀನಿನಲ್ಲಿ ಪಾಕಿರ್ಂಗ್​ ನಿರ್ಮಾಣ, ಉದ್ಯಾನವನ, ಹೈಮಾಸ್ಕ ಲೈಟ್​, ಎಲ್​ಇಡಿ, ರ್ಕುಚಿ, ಪೇವರ್ಸ್​, ಪೇಂಟಿಂಗ್​, ಕೊಳವೆ ಬಾವಿ, ಎಲೆಕ್ಟ್ರಿಕ್​ ವರ್ಕಗಳನ್ನು ರ್ಪೂಣಗೊಳಿಸಲಾಗುತ್ತದೆ. ಕಾಮಗಾರಿಗೆ ಸಂಬಂಧಿಸಿದಂತೆ ಈಗಾಗಲೇ ಟೆಂಡರ್​ ಕರೆಯಲಾಗಿದೆ.