ಏಜೆನ್ಸಿ ಮತ್ತು ಇಲಾಖೆ ನಡುವೆ ಸಮನ್ವಯ ಕೊರತೆ: ಇನ್ನೂ ವಿತರಣೆ ಆಗದ ಕಿಟ್​ಗಳು

ಶಿವಾನಂದ ಹಿರೇಮಠ ಗದಗ

ಏಜೆನ್ಸಿ ಮತ್ತು ಕಾಮಿರ್ಕ ಕಲ್ಯಾಣ ಇಲಾಖೆ ನಡುವಿನ ಸಮನ್ವಯ ಕೊರತೆಯಿಂದ ಕೋಟ್ಯಂತರ ರೂ. ವೆಚ್ಚ ಭರಿಸಿ ಸರ್ಕಾರ ಖರೀದಿಸಿದ ಕಾರ್ಮಿಕ ಕಿಟ್ ಗಳು ಜಿಲ್ಲೆಯಲ್ಲಿ ಕೊಳೆಯುತ್ತ ಬಿದ್ದಿವೆ. ಜಿಲ್ಲೆಗೆ ಕಳೆದ 2 ತಿಂಗಳ ಹಿಂದೆ 3000 ಕಾಮಿರ್ಕ ರಕ್ಷಣಾ ಕಿಟ್​ಗಳು ಏಜೆನ್ಸಿ ಮೂಲಕ ರವಾನೆ ಆಗಿವೆ. ರಾಜ್ಯಾದ್ಯಂತ ಎಲ್ಲ ಜಿಲ್ಲೆಗಳಲ್ಲಿ ಕಿಟ್​ಗಳು ವಿತರಣೆ ಆಗಿದ್ದು, ಜಿಲ್ಲೆಯಲ್ಲಿ ಮಾತ್ರ ಕಾಮಿರ್ಕರಿಗೆ ಕಿಟ್​ ಭಾಗ್ಯ ದೊರೆತಿಲ್ಲ. ಈ ನಡುವೆ ಏಜೆನ್ಸಿ ಖರೀದಿಸಿರುವ ಕಿಟ್​ಗಳು ಕೂಡ ಕಳಪೆ ಗುಣ್ಣಮಟ್ಟದ್ದಿವೆ ಎಂದು ಆರೋಪ ಕೇಳಿ ಬಂದಿದೆ. ಕಾಮಿರ್ಕರು ಇಲಾಖೆಗೆ ಅಲೆದು ಅಲೆದು ಸುಸ್ತಾಗುತ್ತಿದ್ದಾರೆ.

ಕಾಮಿರ್ಕ ಕಲ್ಯಾಣ ಮಂಡಳಿಯು ಖಾಸಗಿ ಏಜೆನ್ಸಿಗೆ ಟೆಂಡರ್​ ನೀಡುವ ಮೂಲಕ ಕಿಟ್​ ವಿತರಣೆಗೆ ಆದೇಶಿಸಲಾಗಿದೆ. ಖಾಸಗಿ ಏಜೆನ್ಸಿಯವರು ಎಲ್ಲ ಜಿಲ್ಲೆಗಳಿಗೆ ಕಳೆದ ಎರಡು ತಿಂಗಳ ಹಿಂದೆ ಕಾಮಿರ್ಕರ ರಕ್ಷಣಾ ಕಿಟ್​ಗಳನ್ನು ರವಾನಿಸಿದ್ದಾರೆ. ವೆಲ್ಡಿಂಗ್​, ಎಲೆಕ್ಟ್ರಿಸಿಯನ್​, ಪೇಂಟರ್​ ಸೇರಿದಂತೆ ಇತರೆ ಕಾಮಿರ್ಕ ಕಾರ್ಡ ಹೊಂದಿರುವರಿಗೆ ಕಿಟ್​ ಸಂಗ್ರಹಿಸಲಾಗಿದೆ. ಕಿಟ್​ ವಿತರಣೆಗೆಮದೇ ಹೊಸದಾಗಿ ಕಚೇರಿಯನ್ನು ಜಿಲ್ಲೆಯಲ್ಲಿ ಆರಂಭಿಸಿ ಎಲ್ಲ ಸಿದ್ಧತೆ ಮಾಡಿಕೊಳ್ಳಲಾಗಿದೆ. ಜಿಲ್ಲೆಗೆ ಒಟ್ಟಾರೆ 3.53 ಕೋಟಿ ವೆಚ್ಚದಲ್ಲಿ ಅಂದಾಜು 7 ಸಾವಿರ ಕಿಟ್​ ಪೂರೈಕೆಗೆ ಅನುಮತಿ ನೀಡಲಾಗಿದ್ದು, ಈ ವರೆಗೆ 3000 ಕಿಟ್​ ಸಂಗ್ರಹ ಇದೆ. ಆದರೆ, ಕಿಟ್​ ವಿತರಣೆಗೆ ಅರ್ಹ ಕಾಮಿರ್ಕರ ಪಟ್ಟಿ ನೀಡಿ ಎಂದು ಏಜೆನ್ಸಿ ಸಿಬ್ಬಂದಿಗಳು ಜಿಲ್ಲಾ ಕಾಮಿರ್ಕ ಇಲಾಖೆಗೆ ದಿನನಿತ್ಯ ಮನವಿ ಮಾಡುತ್ತಿದ್ದು, ಈ ವರೆಗೂ ಅರ್ಹ ಕಾಮಿರ್ಕರ ಪಟ್ಟಿ ನೀಡಲು ಜಿಲ್ಲಾ ಕಾಮಿರ್ಕ ಇಲಾಖೆ ಹಿಂದೇಟು ಇಟ್ಟಿದೆ. ಹೀಗಾಗಿ ಕಿಟ್​ ಯಾರಿಗೆ ವಿತರಿಸಬೇಕು ಎಂಬ ಗೊಂದಲದಲ್ಲಿ ಇರುವ ಏಜೆನ್ಸಿ ಸಿಬ್ಬಂದಿ ಕಿಟ್​ ಸಂಗ್ರಹಿಸಿ ಇಟ್ಟುಕೊಂಡಿದ್ದಾರೆ.

ಈಗಾಗಲೇ ಹಲವು ಬಾರಿ ಜಿಲ್ಲಾ ಕಾಮಿರ್ಕ ಇಲಾಖೆ ಅಧಿಕಾರಿಗಳಿ ಅರ್ಹ ಕಾಮಿರ್ಕರ ಪಟ್ಟಿ ನೀಡಲು ಮನವಿ ಮಾಡಿದ್ದೇವೆ. ಕಳೆದ ಬಾರಿ ಕಿಟ್​ ಪಡೆದವರು ಈ ಬಾರಿ ಕಿಟ್​ ಪಡೆಯಲು ಅರ್ಹರಾಗುವುದಿಲ್ಲ. ಹಾಗಾಗಿ ಕಾಮಿರ್ಕ ಕಿಟ್​ ಪಡೆಯದ ಕಾಮಿರ್ಕರ ಪಟ್ಟಿ ನೀಡಲು ಮನಸ್ಸು ಮಾಡಬೇಕು. ಕಿಟ್​ ಪಡೆದ ಕಾಮಿರ್ಕರ ದತ್ತಾಂಶಗಳು ಇನ್ಮುಂದೆ ತಂತ್ರಾಂಶದಲ್ಲಿ ಅಳವಡಿಸುವುದರಿಂದ ಕಿಟ್​ ವಿತರಣೆ ನಕಲು ಆಗುಲು ಸಾಧ್ಯವಿಲ್ಲ. ಹಾಗಾಗಿ ಅರ್ಹರ ಪಟ್ಟಿ ಇಲಾಖೆ ನೀಡಿದ ನಂತರವೇ ಕಿಟ್​ ವಿತರಿಸಲಾಗುವುದು ಎಂದು ಏಜೆನ್ಸಿ ಪ್ರತಿಕ್ರಿಯಿಸಿದೆ.

ಜಿಲ್ಲೆಯಲ್ಲಿ ಕಾಮಿರ್ಕ ಕಲ್ಯಾಣ ಯೋಜನೆಗಳ ಅಡಿಯಲ್ಲಿ ಕಾಮಿರ್ಕರಿಗೆ ವಿತರಿಸಲು ಖರೀದಿಸಿರುವ ಸುರಕ್ಷತಾ ಕಿಟ್​ಗಳ ಗುಣಮಟ್ಟದ ಬಗ್ಗೆ ಗಂಭೀರ ಆರೋಪಗಳು ಬರುತ್ತಿವೆ. ಕಳಪೆ ಗುಣಮಟ್ಟದ ಸಾಮಗ್ರಿಗಳಿದ್ದು, ಕೆಲವೇ ದಿನಗಳಲ್ಲಿ ಹಾಳಾಗುವಂತಹ ಕಿಟ್​ಗಳಿವೆ ಎಂದು ಹೇಳಲಾಗುತ್ತಿದೆ. ಮುಖ್ಯವಾಗಿ ವೆಲ್ಡಿಂಗ್​ ಕಾಮಿರ್ಕರಿಗೆ ಅಗತ್ಯ ಇರುವ ಮಾಸ್ಕ್​ ೈಬರ್​ ವಸ್ತುವಾಗಿದ್ದು, ಬೆಂಕಿ ಕಿಡಿಗೆ ಕರಗುವ ಸಾಧ್ಯ ಇದೆ. ಎದೆಗವಚ ಕೂಡ ಗುಣ್ಣಮಟ್ಟದ್ದಿಲ್ಲ. ಹೀಗಾಗಿ ಕಿಟ್​ ವಿತರಣೆ ಆದರೂ ಬಹಳ ದಿನ ಬಾಳಿಕೆ ಬರಲು ಸಾಧ್ಯವಿಲ್ಲ ಎನ್ನಲಾಗಿದೆ. ಕಿಟ್​ಗಳ ಖರೀದಿಯಲ್ಲಿ ಪಾರದರ್ಶಕತೆಯ ಕೊರತೆಯಿದೆ ಎಂಬ ಅನುಮಾನಗಳಿವೆ. ಕಡಿಮೆ ಬೆಲೆಯ ಹೆಸರಿನಲ್ಲಿ ಕಳಪೆ ಗುಣಮಟ್ಟದ ವಸ್ತುಗಳನ್ನು ಖರೀದಿಸಲಾಗುತ್ತಿದೆ ಎಂಬ ಆರೋಪಗಳಿವೆ. ಟೆಂಡರ್​ ಪಡೆದ ಕಂಪನಿಗಳು ನಿಯಮಗಳ ಪ್ರಕಾರ ಗುಣಮಟ್ಟದ ವಸ್ತುಗಳನ್ನು ಪೂರೈಸಿವೆಯೇ ಎಂಬ ಪ್ರಶ್ನೆ ಉದ್ಭವಿಸಿದೆ. 3.53 ಕೋಟಿ ಹಣ ನೀರಲ್ಲಿ ಹೋಮ ಮಾಡಿದಂತೆ ಎಂದು ಕಾಮಿರ್ಕರು ಆರೋಪಿಸಿದ್ದಾರೆ.