ಗಾಳಿಯಿಂದ ವಿದ್ಯುತ್​ ಉತ್ಪಾದನೆ ಯೋಜನೆ ರೈತರಿಗೆ ಲಾಭ: ಎಚ್​.ಕೆ. ಪಾಟೀಲ್​

ಜಿಲ್ಲೆಯಲ್ಲಿ ಗಾಳಿಯಿಂದ ವಿದ್ಯುತ್​ ಉತ್ಪಾದನೆ ಮಾಡುವ ಯೋಜನೆಗಳನ್ನು ರೈತರ ಪಾಲುದಾರಿಕೆಯಲ್ಲಿ ಜಾರಿಗೆ ತಂದರೆ ಜಿಲ್ಲೆಯ ರೈತರಿಗೆ ದೊಡ್ಡ ಆಥಿರ್ಕ ಲಾಭವಾಗಲಿದೆ ಎಂದು ಕಾನೂನು ಮತ್ತು ಪ್ರವಾಸೋದ್ಯಮ ಸಚಿವ ಎಚ್​.ಕೆ. ಪಾಟೀಲ ಹೇಳಿದರು.

ನಗರದ ಕಾಟನ್​ ಸೇಲ್​ ಸೊಸೈಟಿ ಆವರಣದಲ್ಲಿ ಸೋಮವಾರ ಏರ್ಪಡಿಸಿದ್ದ ಕೆ.ಎಚ್​. ಪಾಟೀಲ ಅವರ 101ನೇ ಜನ್ಮ ದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ರೈತರ ಹೊಲಗಳಲ್ಲಿ ಗಾಳಿಯಂತ್ರ ಸ್ಥಾಪನೆ ಮಾಡಿದಲ್ಲಿ ರೈತರಿಗೆ ಅದರ ಆದಾಯದಲ್ಲಿ ಪಾಲು ನೀಡುವ ವ್ಯವಸ್ಥೆ ಮಾಡಬೇಕು. ಉತ್ಪಾದನೆಯಾಗುವ ವಿದ್ಯುತ್​ ಆದಾಯದಲ್ಲಿ ರೈತರಿಗೆ ಶೇಕಡಾವಾರು ಪಾಲು ನೀಡಿದರೆ ಅವರ ಆಥಿರ್ಕ ಸ್ಥಿತಿ ಸುಧಾರಿಸಲಿದೆ ಎಂದು ಹೇಳಿದರು.

ವಿದ್ಯುತ್​ ಉತ್ಪಾದನೆಯಯಲ್ಲಿ ರೈತರಿಗೆ ಪಾಲು ನೀಡುವ ಯೋಜನೆಗಳು ಹೊಸದೇನಲ್ಲ. ಕೆಲವು ಕಡೆಗಳಲ್ಲಿ ರೈತರಿಗೆ ವಿದ್ಯುತ್​ ಉತ್ಪಾದನೆಯ ಆದಾಯದಲ್ಲಿ ಸುಮಾರು 5.08 ಶೇಕಡಾ ಪಾಲು ನೀಡುವ ಮಾದರಿ ಜಾರಿಗೆ ಬಂದಿದೆ. ಯೋಜನೆ ರ್ಪೂಣಗೊಂಡ ನಂತರ ಭೂಮಿಯನ್ನು ರೈತರಿಗೆ ಮರಳಿಸುತ್ತಾರೆ. ನಮ್ಮ ಗ್ರಾಮದಲ್ಲಿ ಸುಮಾರು 70 ಜನರು ರೈತರು ಈ ಯೋಜನೆಯಿಂದ ಲಾಭ ಪಡೆಯುತ್ತಿದ್ದಾರೆ. ಇಂತಹ ಯೋಜನೆಗಳು ರೈತರಿಗೆ ಆಥಿರ್ಕ ಭದ್ರತೆ ಒದಗಿಸುತ್ತವೆ ಎಂದು ಹೇಳಿದರು.

ಈ ಯೋಜನೆ ಜಾರಿಯಾದರೆ ಗದಗ ಜಿಲ್ಲೆಯ ರೈತರಿಗೆ ಹೊಸ ಆದಾಯದ ಮಾರ್ಗ ದೊರೆಯಲಿದೆ. ರೈತರು ಪಾಲುದಾರರಾಗುವ ರೀತಿಯಲ್ಲಿ ಯೋಜನೆಗಳನ್ನು ರೂಪಿಸಿದರೆ ಅದು ರೈತ ಸಮುದಾಯಕ್ಕೆ ದೊಡ್ಡ ನೆರವಾಗಲಿದೆ ಎಂದು ಅವರು ತಿಳಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಇಂಧನ ಸಚಿವ ಕೆ. ಜೆ. ಜಾರ್ಜ ಅವರು ಈ ಬಗ್ಗೆ ಸಿಎಂ ಸಿದ್ದರಾಮಯ್ಯ ಅವರೊಂದಿಗೆ ಚಚಿರ್ಸುವುದಾಗಿ ಹೇಳಿದರು.