ನಗರಸಭೆ ಅಡಿಯಲ್ಲಿ ಇರುವ 42 ಉದ್ಯಾನವ ನಿರ್ವಹಣೆಗೆ ಕಳೆದ ಎರಡು ವರ್ಷಗಳಲ್ಲಿ ಅಂದಾಜು 62 ಲಕ್ಷ ರೂ. ವ್ಯಯಿಸಲಾಗಿದೆ. ಆದರೂ ನಗರದಲ್ಲಿ ಒಂದೂ ಸುಸಜ್ಜಿತ ಉದ್ಯಾನವನಗಳನ್ನು ರ್ದುಬಿನ್ ಹಾಕಿ ನೋಡುವ ಸ್ಥಿತಿ ಉದ್ಭವಿಸಿದೆ. ಮೂಲ ಸೌಕರ್ಯದಿಂದ ವಂಚಿತವಾಗಿವೆ. ಅಕ್ರಮ -ಅನೈತಿಕ ಚಟುವಟಿಕೆಯ ತಾಣವಾಗಿ ಬದಲಾಗಿವೆ. ನಗರದ ಹಲವು ಉದ್ಯಾನಗಳಿಗೆ ದಶಕಗಳ ಇತಿಹಾಸವಿದೆ. ಹಲವು ಉದ್ಯಾನದ ಒಪನ್ ಜಿಮ್, ಬಯಲು ರಂಗಮಂದಿರಗಳು ಇವೆ. ಆದರೆ ನಿರ್ವಹಣೆ ಕೊರತೆಯಿಂದ ಅವೆಲ್ಲವೂ ದುಸ್ಥಿತಿಗೆ ಬಂದು ನಿಂತಿವೆ. ಸ್ವಚ್ಛತೆ ಕೊರತೆ ಪ್ರಮುಖವಾಗಿದೆ. ಉದ್ಯಾನವನಗಳು ಕಸಕಡ್ಡಿ ತುಂಬಿ ತುಳುಕುತ್ತಿವೆ. ಮಳೆ ನೀರು ನಿಲ್ಲುವ ಸ್ಥಳಗಾಳಾಗಿ ಬದಲಾಗಿವೆ. ಮಕ್ಕಳ ಆಟಕ್ಕೆ ಮೀಸಲಾದ ಜಾಗದಲ್ಲಿ ಪರಿಕರಗಳು ಕಿತ್ತು ಹೋಗಿವೆ. ಜಾರುಬಂಡಿ, ಜೋಕಾಲಿ ಮುರಿದು ಬಿದ್ದಿವೆ. ಕಬ್ಬಿಣದ ಸಾಮಾನುಗಳು ತುಕ್ಕು ಹಿಡಿದು, ಅಪಾಯಕ್ಕೆ ಆಹ್ವಾನ ನೀಡುತ್ತಿವೆ. ಉದ್ಯಾನ ನಿರ್ವಹಣೆ ಕೊರತೆ ಎದುರಿಸುತ್ತಿರುವ ಜೊತೆಗೆ ಅಕ್ರಮ- ಅನೈತಿಕ ಚಟುವಟಿಕೆಯ ತಾಣವಾಗಿ ಬದಲಾಗಿದೆ. ಸಂಜೆಯಾಗುತ್ತಲೆ ಕುಡುಕರು ಉದ್ಯಾನದ ಕಲ್ಲಿನ ಆಸನಗಳ ಮೇಲು ಕುಳಿತು ರಾಜಾರೋಷವಾಗಿ ಮದ್ಯ ಸೇವನೆ ಮಾಡುವುದು, ಗಾಂಜಾ ಸೇದುವುದು ಸಾಮಾನ್ಯವಾಗಿದೆ. ವಾಯು ವಿಹಾರಿಗಳು ನಗರಸಭೆ ಅಧಿಕಾರಿಗಳು ಮತ್ತು ಸದಸ್ಯರನ್ನು ಶಪಿಸುತ್ತಲೇ ಹೆಜ್ಜೆ ಹಾಕುವುದು ನಿತ್ಯವೂ ಕೇಳಿ ಬರುತ್ತದೆ. ಲಕ್ಷ ಲಕ್ಷ ರ್ಖಚಾದರೂ ಉದ್ಯಾನಗಳ ನಿರ್ವಹಣೆ ಏಕಿಲ್ಲ ಎಂಬ ಪ್ರಶ್ನೆ ಉದ್ಭವಿಸಿದೆ.
