ಕಾಂಗ್ರೆಸ್ಸಿಗೆ ಕಾನೂನು ಬಲ! ನಗರಸಭೆಯಲ್ಲಿ ಕೈ ಕಿಲ ಕಿಲ

ಜಿಲ್ಲೆಯಲ್ಲಿ ರಾಜಕೀಯ ಶೀತಲ ಸಮರಕ್ಕೆ ಕಾರಣವಾಗಿದ್ದ ನಗರಸಭೆಯ ಬಿಜೆಪಿ ಮೂವರು ಸದಸ್ಯರ ಅನರ್ಹತೆ ಪ್ರಕರಣದ ಕಾನೂನು ಸಮರದಲ್ಲಿ ಗೆಲವು ಸಾಧಿಸಿರುವ ಕಾಂಗ್ರೆಸ್​ ಪಕ್ಷಕ್ಕೆ ನಗರಸಭೆಯಲ್ಲಿ ಅಧಿಕಾರ ನಿಶ್ಚಿತವಾಗಿದೆ. ಮಾ.3 ರಂದು ನಡೆಯುವ ಅಧ್ಯಕ್ಷ ಉಪಾಧ್ಯಕ್ಷ ಸ್ಥಾನಕ್ಕೆ ನಡೆಯುವ ಚುನಾವಣೆ ನೆಪ ಮಾತ್ರಕ್ಕೆ ಎಂಬಂತಾಗಿದ್ದು, ಕಾಂಗ್ರೆಸ್​ ಅಧಿಕಾರದ ಚುಕ್ಕಾಣಿ ಹಿಡಿಯುವುದು ನಿಶ್ಚಿತವಾಗಿದೆ. ಸಂಖ್ಯಾಬಲದಲ್ಲಿ ಕುಸಿದಿರುವ ಬಿಜೆಪಿ ಸದಸ್ಯರು ರಾಜಕೀಯ ದೃಷ್ಟಿಯಿಂದ ಚುನಾವಣೆ ಬಹಿಷ್ಕರಿಸುವ ಮನಸ್ಥಿತಿಯಲ್ಲಿದ್ದು, ನಗರದಲ್ಲಿ ಕೈ ಕಿಲ ಕಿಲ ನಗೆ ಬೀರಿದ್ದು, ಕಾನೂನು ಸಮರದಲ್ಲಿ ಕಮಲ ಮುದುಡಿದಂತಾಗಿದೆ.

ಬಿಜೆಪಿಯ ನಗರಸಭೆ ಮೂವರ ಸದಸ್ಯರ ಅನರ್ಹತೆ ಪ್ರಕರಣಕ್ಕೆ ಸಬಂಧಿಸಿದಂತೆ ಬೆಳಗಾವಿ ಪ್ರಾದೇಶಿಕ ಆಯುಕ್ತರ ಸದಸ್ಯತ್ವ ಅನರ್ಹತೆ ಆದೇಶವನ್ನು ೆ. 10 ರಂದು ಎತ್ತಿ ಹಿಡಿದಿದ್ದ ಹೈಕೋರ್ಟ, ಅಧ್ಯಕ್ಷ ಉಪಾಧ್ಯಕ್ಷ ಸ್ಥಾನದ ಚುನಾವಣೆ ನಡೆಸುವಂತೆಯೂ ಆದೇಶದಲ್ಲಿ ಉಲ್ಲೇಖಿಸಿತ್ತು. ಹೈಕೋರ್ಟ ಆದೇಶ ಹೊರಬಿದ್ದ ನಂತರ ಬಿಜೆಪಿ ಸದಸ್ಯರು ಚುನಾವಣೆಗೆ ತಡೆ ನೀಡುವಂತೆ ಹೈಕೋರ್ಟ ದ್ವಿಸದಸ್ಯ ಪೀಠದ ಮೊರೆ ಹೋಗಿದ್ದರು. ಆದರೆ, ಬಿಜೆಪಿ ಸದಸ್ಯರ ಅಜಿರ್ಯನ್ನು ಹೈಕೋರ್ಟ ವಜಾ ಮಾಡಿದ್ದು, ಚುನಾವಣೆಗೆ ಯಾವುದೇ ಅಡತಡೆ ಇಲ್ಲದಂತಾಗಿದೆ. ಕಳೆದ ಒಂದೂವರೆ ವರ್ಷದಿಂದ "ಸದಸ್ಯತ್ವದ ಅನರ್ಹತೆ' ಕುರಿತು ಹಗ್ಗ ಜಗ್ಗಾಟದಲ್ಲಿ ನಗರದ ಪ್ರಥಮ ಪಜೆಯ ಹುದ್ದೆ ಇಲ್ಲದಂತಾಗಿತ್ತು. ಕಾಂಗ್ರೆಸ್​ ಬಯಸಿದಂತೆ ವಾತಾವರಣ ಸೃಷ್ಟಿಯಾಗಿದ್ದು, ಈ ಹಿಂದೆ ಅಧ್ಯಕ್ಷ ಉಪಾಧ್ಯಕ್ಷ ಸ್ಥಾನದಲ್ಲಿ ಸ್ಪಧಿರ್ಸಿದ್ದ ಕಾಂಗ್ರೆಸ್​ ಅಭ್ಯಥಿರ್ಗಳೇ ಮಾ. 3 ರಂದು ನಡೆಯುವ ಚುನಾವಣೆಯಲ್ಲಿ ಅಧಿಕಾರ ಗದ್ದುಗೆ ಏರುವುದು ನಿಶ್ಚಯವಾಗಿದೆ.

ನಗರದ ಮಧ್ಯಭಾಗದಲ್ಲಿ ಇರುವ 36 ಏಕರೆ ವಕಾರು ಸಾಲು ಪ್ರದೇಶವನ್ನು ಲೀಸ ನೀಡಲು ಮಾಡಿದ್ದ 378ನೇ ಠರಾವು ನಕಲಿ ಎಂದು ಕಾಂಗ್ರೆಸ್​ ಆರೋಪಿಸಿತ್ತು. ಈ ಹಿಂದೆ ನಗರಸಭೆ ಆಯುಕ್ತರಾಗಿದ್ದ ಪ್ರಶಾಂತ ವರಗ್ಗಪ್ಪನ್ನವರ ಅವರು ನನ್ನ ಸಹಿ ನಕಲು ಮಾಡಲಾಗಿದೆ ಎಂದು ಆರೋಪಿಸಿದ್ದರು. ಈ ಪ್ರಕರಣದಲ್ಲಿ ಕಾನೂನು ಹೋರಾಟ ನಡೆದು ಮೂವರು ಬಿಜೆಪಿ ಸದಸ್ಯರನ್ನು ಬೆಳಗಾವಿ ಪ್ರಾದೇಶಿಕ ಆಯುಕ್ತರು ಅಮಾನತ್ತು ಮಾಡಿದ್ದರು. ಪ್ರಾದೇಶಿಕ ಆಯುಕ್ತರ ಆದೇಶದ ಪ್ರಶ್ನಿಸಿ ಧಾರವಾಡ ವಿಭಾಗೀಯ ಹೈಕೋರ್ಟ ಏಕ ಸದಸ್ಯಪಿಠಕ್ಕೆ ನಗರಸಭೆ ಮಾಜಿ ಅಧ್ಯಕ್ಷತೆ ಮತ್ತು ಸದಸ್ಯೆ ಉಷಾ ದಾಸರ, ಅನೀಲ ಅಬ್ಬಿಗೇರಿ ಮತ್ತು ಗೋಳೆಪ್ಪ ಮುಷಿಗೇರಿ ಅವರು ಮೇಲ್ಮನವಿ ಸಲ್ಲಿಸಿದ್ದರು. ಕಳೆದ ಒಂದೂವರೆ ವರ್ಷದಿಂದ ವಿಚಾರಣೆ ನಡೆದು ಕಳೆದ ಮೂರು ತಿಂಗಳ ಹಿಂದೆ ಹೈಕೋರ್ಟ ತೀರ್ಪು ಕಾಯ್ದಿರಿಸಿತ್ತು. ೆ. 10 ರಂದು ಆದೇಶ ನೀಡಿದ ಏಕ ಸದಸ್ಯ ಪೀಠವು ಪ್ರಾದೇಶಿಕ ಆಯುಕ್ತರ ಆದೇಶ ಎತ್ತಿ ಹಿಡಿದು, ಸದಸ್ಯರ ಮೇಲ್ಮನವಿ ಅಜಿರ್ಯನ್ನು ತಿರಸ್ಕರಿಸಿದೆ.

ಒಂದೂವರೆ ವರ್ಷದ ಹಿಂದೆ ಪ್ರಾದೇಶಿಕ ಆಯುಕ್ತರ "ಅನರ್ಹತೆ ಆದೇಶ'ದ ನಂತರ ಹಲವು ವಿದ್ಯಮಾನಗಳು ನಗರಸಭೆ ಆವರಣದಲ್ಲಿ ಜರುಗಿದವು. ಬಿಜೆಪಿಯ ಮೂವರು ಸದಸ್ಯರ ಸದಸ್ಯತ್ವ ಅನರ್ಹತೆಯಿಂದ ಸಂಖ್ಯಾಬಲದಲ್ಲಿ ಬಿಜೆಪಿ ಸದಸ್ಯರ ಸಂಖ್ಯೆ ಕುಸಿದಿತ್ತು. ಆದರೂ ಸಹ ನಗರಸಭೆ ಅಧ್ಯಕ್ಷ ಉಪಾಧ್ಯಕ್ಷ ಚುನಾವಣೆಯಲ್ಲಿ ಮತದಾನ ಹಕ್ಕು ನೀಡುವಂತೆ ಹೈಕೋರ್ಟನಿಂದ ಆದೇಶ ಪಡೆಯುವಲ್ಲಿ ಬಿಜೆಪಿ ಸದಸ್ಯರು ಯಶಸ್ವಿ ಆಗಿದ್ದರು. ಈ ನಡುವೆ ನಗರಸಭೆ ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನದ ಚುನಾವಣೆ ಪೂರ್ವದಲ್ಲಿ ಪ್ರಾದೇಶಿಕ ಆಯುಕ್ತರ ಕಚೇರಿಯಲ್ಲಿ ನಡೆದ ಮೂಲ ದಾಖಲೆ ಪರಿಶೀಲನೆ ಪ್ರಕ್ರಿಯೆಯಲ್ಲಿ ಸೋತಿದ್ದ ಬಿಜೆಪಿ ಸದಸ್ಯರ ಸದಸ್ಯತ್ವವನ್ನು ಮತ್ತೊಮ್ಮೆ ಅನರ್ಹಗೊಳಿಸಿದ್ದ ಪ್ರಾದೇಶಿಕ ಆಯುಕ್ತರ ನಡೆಯಿಂದ ಮತದಾನದ ಹಕನ್ನು ಬಿಜೆಪಿ ಸದಸ್ಯರು ಕಳೆದುಕೊಂಡಿದ್ದರು. ಈ ನಡುವೆ ಕಾಂಗ್ರೆಸ್​ ಸದಸ್ಯರ ರಾಜತಾಂತ್ರಿಕ ಮತ್ತು ಚಾಣಾಕ್ಷ$್ಯ ರಾಜಕೀಯ ನಡೆಗಳಿಂದ 2025ರ ೆ. 28 ರಂದು ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಸ್ಥಾನಕ್ಕೆ ಕ್ರಮವಾಗಿ ಕೃಷ್ಣ ಪರಾಪುರ, ಶಕಂತುಲಾ ಅಕ್ಕಿ ಅವರನ್ನು ಚುನಾವಣೆ ನಡೆಸಿ ಆಯ್ಕೆ ಮಾಡಲಾಯಿತು. ಪರವಾಭವಗೊಂಡ ಬಿಜೆಪಿ ಸದಸ್ಯರು ದಿಕ್ಕಾರ ಕೂಗುತ್ತ ಹೊರ ನಡೆದಿದ್ದರು.

ಸಂಖ್ಯಾಬಲ:

ಬಿಜೆಪಿಯ ಮೂವರು ಸದಸ್ಯರ ಅಮಾನತ್ತು ಆದೇಶದಿಂದ ಮೂವರು ಸದಸ್ಯರು ಮತದಾನದ ಹಕ್ಕನ್ನು ಕಳೆದುಕೊಂಡಿದ್ದಾರೆ. ನಗರಸಭೆಯಲ್ಲಿ ಸದ್ಯ ಬಿಜೆಪಿ ಸದಸ್ಯರ ಸಂಖ್ಯಾಬಲ 18 ರಿಂದ 15ಕ್ಕೆ ಕುಸಿದಿದೆ. 17 ಜನ ಕಾಂಗ್ರೆಸ್​ ಸದಸ್ಯರಿದ್ದಾರೆ. ಸಂಖ್ಯಾಬಲದಲ್ಲಿ ಕಾಂಗ್ರೆಸ್​ ಮುಂದಿದ್ದು, ಗೆಲವು ನಿಶ್ಚಿವಾಗಿದೆ.