ಮುಂಡರಗಿ ತಾಲೂಕಿನ ಹಮ್ಮಗಿ ಬಳಿ ಹರಿಯುವ ತುಂಗಭ್ರದ ನದಿಗೆ ಅಡ್ಡಲ್ಆಗಿ ನಿಮಿರ್ಸಿರುವ ಬ್ಯಾರೇಜ್ನಿಂದ ಗದಗ ನಗರಕ್ಕೆ ನಿರಂತರ ನೀರು ಸರಬರಾಜು ಆಗುತ್ತಿದೆ. ಈ ಹಿಂದಿನ ಯೋಜನೆಯಂತೆ ನಗರಕ್ಕೆ ಸರಾಸರಿ 32 ಎಂಎಲ್ಡಿ(ಒಂದು ದಿನಕ್ಕೆ 32 ಮಿಲಿಯನ್ ಲಿಟರ್ ನೀರು) ನೀರು ಪೂರೈಕೆ ಆಗಬೇಕಿತ್ತು. ಆದರೆ, ನೀರು ಸಂಸ್ಕರಣಾ ಸಾಮರ್ಥ್ಯಗಳ ಲಭ್ಯತೆಯ ಹೊರತಾಗಿಯೂ, ನೀರು ವಿತರಣಾ ವ್ಯವಸ್ತೆಯಲ್ಲಿ ಮಧ್ಯಂತರ ಸೋರಿಕೆ, ಕಳಪೆ ಪೈಪ್ಲೈನ್ ಅಳವಡಿಕೆಯಿಂದ ಪೈಪ್ ಒಡೆಯುವುದು, ಅಸಮರ್ಥ ಯಂತ್ರೋಪಕರಣ ಬಳಕೆಯಿಂದ ನೀರು ಎತ್ತುವಳಿ ಆಗದಿರುವುದು ಹಾಗೂ ನಗರದಲ್ಲಿ ನೀರು ವಿತರಣಾ ವ್ಯವಸ್ಥೆ ಸಮರ್ಪಕ ಇಲ್ಲಿದಿರುವ ಕಾರಣ ನಗರದಕ್ಕೆ ಪ್ರತಿದಿನ ಕೇವಲ 16 ರಿಂದ 18 ಎಂಎಲ್ಡಿ ನೀರು ಪೂರೈಕೆ ಆಗುತ್ತಿದೆ. ಪ್ರತಿವರ್ಷ ಬೇಸಿಗೆಯಲ್ಲಿ ನೀರಿನ ಅಭಾವ ಹೆಚ್ಚುತ್ತಿದೆ. ಹೀಗಾಗಿ ನಗರ ನೀರು ಸರಬರಾಜು ವ್ಯವಸ್ಥೆ ಸುಧಾರಿಸಲು ಕೇಂದ್ರ ಸರ್ಕಾರ 56 ಕೋಟಿ ರೂ. ಮಂಜೂರು ಮಾಡಿದ್ದು, ಯೋಜನೆ ಅನುಷ್ಠಾನ ನಂತರ ನಗರ ನೀರು ಪೂರೈಕೆ ವ್ಯವಸ್ತೆ ಉತ್ತಮಗೊಳ್ಳುವ ನಿರೀೆ ಇದೆ.
