ಸಿದ್ದಲಿಂಗ ನಗರ ಸರ್ಕಾರಿ ಪ್ರೌಢಶಾಲೆ ಶಿಕ್ಷಕರ ಸೇವೆ ಸಾರ್ಥಕವಾಗಿದೆ: ಸಭಾಪತಿ ಬಸವರಾಜ ಹೊರಟ್ಟಿ

ಸಿದ್ದಲಿಂಗ ನಗರ ಸರ್ಕಾರಿ ಪ್ರೌಢಶಾಲೆ ತನ್ನ 33 ವರ್ಷದ ಇತಿಹಾಸದಲ್ಲಿ 2026 ನೇ ಸಾಲಿನ ಎಸೆಸೆಲ್ಸಿ ಪರೀಕ್ಷೆಯಲ್ಲಿ ಪ್ರಥಮ ಬಾರಿ ಶೇ. 100 ರಷ್ಟು ಫಲಿತಾಂಶ ಬರುವ ಮೂಲಕ ದಾಖಲೆ ನಿಮಿರ್ಸಿದೆ. ಅದಕ್ಕೆ ಕಾರಣರಾದ ಶಿಕ್ಷಕರ ಸೇವೆಯನ್ನು ಸಮಾಜ ಶಿಕ್ಷಣ ಇಲಾಖೆ ಎಂದು ಮರೆಯದು ಎಂದು ಸಭಾಪತಿ ಬಸವರಾಜ ಹೊರಟ್ಟಿ ಅವರು ಹೇಳಿದರು.

ಸಿದ್ದಲಿಂಗ ನಗರದ ಸರ್ಕಾರಿ ಪ್ರೌಢಶಾಲೆಯಲ್ಲಿ ಸೋಮವಾರ ಏರ್ಪಡಿಸಿದ್ದ 2026 ನೇ ಸಾಲಿನ ಎಸೆಸೆಲ್ಸಿ ಪರೀಕ್ಷೆಯಲ್ಲಿ ಶಾಲಾ ಇತಿಹಾಸದಲ್ಲಿಯೇ ಪ್ರಥಮ ಬಾರಿ ಶೇ. 100ರಷ್ಟು ಫಲಿತಾಂಶ ಬರಲು ಕಾರಣರಾದ ಶಿಕ್ಷಕರಿಗೆ, ಸಾಧಕ ವಿದ್ಯಾಥಿರ್ಗಳಿಗೆ ಪ್ರತಿಭಾ ಪುರಸ್ಕಾರ ಹಾಗೂ ಬಡ್ತಿ ಹೊಂದಿ ವರ್ಗಾವಣೆಗೊಂಡ ಶಿಕ್ಷಕರಿಗೆ ಸನ್ಮಾನ ಕಾರ್ಯಕ್ರಮ ಉದ್ಗಾಟಿಸಿ ಮಾತನಾಡಿ, ಈ ಶಾಲೆಯನ್ನು ದತ್ತು ಪಡೆದು ಎಲ್ಲ ಮೂಲಭೂತ ಸೌಕರ್ಯಗಳನ್ನು ಕಲ್ಪಿಸಲಾಗಿದೆ. ಜತೆಗೆ ಗುಣಮಟ್ಟದ ಶಿಕ್ಷಣ ನೀಡುವಲ್ಲಿಯೂ ವಿಶೇಷ ಕಾಳಜಿ ವಹಿಸುವಂತೆ ಇಲ್ಲಿನ ಶಿಕ್ಷಕರಿಗೆ ಕೋರಲಾಗಿತ್ತು. ಆ ಹಿನ್ನೆಲೆಯಲ್ಲಿ ಈ ಬಾರಿ ಶೇ.100 ರಷ್ಟು ಫಲಿತಾಂಶ ಬರುವ ಮೂಲಕ ಶಾಲಾ ಇತಿಹಾಸದಲ್ಲಿ ಒಂದು ಮೈಲುಗಲ್ಲಾಗಿ ಉಳಿದಿದೆ. ಇಲ್ಲಿನ ಶಿಕ್ಷಕರು ವಿದ್ಯಾಥಿರ್ಗಳು ಸಮರ್ಪಣಾ ಮನೋಭಾವದಿಂದ ಸ್ಪಂದಿಸಿದ್ದರಿಂದಲೇ ಇದು ಸಾಧ್ಯವಾಗಿದೆ. ಇವರ ಸಾರ್ಥಕ ಸೇವೆಯ ಜೊತೆಗೆ ನಾವು ದತ್ತು ಪಡೆದದ್ದು ಸಾರ್ಥಕವಾಗಿದೆ. ಈ ಶಾಲೆಯ ಬೆಳವಣಿಗೆಯಲ್ಲಿ ಸದಾಕಾಲ ನಿಂತು ಅಭಿವೃದ್ಧಿಪಡಿಸಿ ಒಂದು ಪ್ರತಿಷ್ಠಿತ ಶಾಲೆಯನ್ನಾಗಿ ಬೆಳೆಸುವಲ್ಲಿ ದತ್ತು ಉಸ್ತುವಾರಿಯನ್ನು ನೋಡಿಕೊಂಡ ಡಾ. ಬಸವರಾಜ ಧಾರವಾಡ ಅವರ ಸೇವೆಯನ್ನು ಮರೆಯಲಾಗದು ಎಂದು ಹೇಳಿದರು.

ವಿಧಾನ ಪರಿಷತ್​ ಸದಸ್ಯ ಪ್ರೊ. ಎಸ್​. ವಿ. ಸಂಕನೂರ ಮಾತನಾಡಿ ವಿಧಾನಪರಿಷತ್​ ಇತಿಹಾಸದಲ್ಲಿ ಎಂಟು ಬಾರಿ ಆಯ್ಕೆಯಾಗಿ ಗಿನ್ನಿಸ್​ ದಾಖಲೆ ನಿಮಿರ್ಸಿದ ಸಭಾಪತಿ ಬಸವರಾಜ ಹೊರಟ್ಟಿ ಅವರು ಈ ಶಾಲೆಯನ್ನು ದತ್ತು ಪಡೆದು ಉತ್ತ ಗುಣಮಟ್ಟದ ಶಿಕ್ಷಣ ದೊರೆಯುವಂತೆ ಮಾಡಿದ್ದಾರೆ. ಶೈಕ್ಷಣಿಕ ಪರಿಸರಕ್ಕೆ ಇವರು ನೀಡಿದ ಕೊಡುಗೆಯನ್ನು ಗದಗ ಜನತೆ ಎಂದು ಮರೆಯದು. ಹೀಗಾಗಿ ಅವರಿಗೆ ವಿಶೇಷ ಕೃತಜ್ಞತೆಗಳನ್ನು ಸಲ್ಲಿಸುತ್ತೇನೆ. ಸಾರ್ಥಕ ಸೇವೆ ಸಲ್ಲಿಸಿದ ಶಿಕ್ಷಕರಿಗೆ ಸಾಧನೆ ಮಾಡಿದ ಪ್ರತಿಭಾವಂತ ವಿದ್ಯಾಥಿರ್ಗಳಿಗೆ ಅಭಿನಂದನೆಗಳು ಎಂದರು.

ಶಾಲಾ ದತ್ತು ಉಸ್ತುವಾರಿ ಡಾ. ಬಸವರಾಜ ಧಾರವಾಡ ಮಾತನಾಡಿ ಬಸವರಾಜ ಹೊರಟ್ಟಿ ದಂಪತಿಗಳು ಎಲ್ಲರಿತಿಯಿಂದ ಸಹಕಾರ ನೀಡಿದ್ದರಿಂದ ದಲ್ಲಿ ಈ ಶಾಲೆ ಗುಣ್ಣಮಟ್ಟದಿಂದ ಬೆಳೆದಿದೆ ಎಂದರು.

ಕಾರ್ಯಕ್ರಮದಲ್ಲಿ ಶಿಕ್ಷಕರನ್ನು, ವಿದ್ಯಾಥಿರ್ಗಳನ್ನು ಸನ್ಮಾನಿಸಲಾಯಿತು. ತೋಂಟದಾರ್ಯ ಶಿಕ್ಷಣ ಸಂಸ್ಥೆಯ ಕಾರ್ಯದಶಿರ್ ಎಸ್​.ಎಸ್​ ಪಟ್ಟಣಶೆಟ್ಟಿ, ನಿವೃತ್ತ ಡಿಡಿಪಿಐ, ಐ.ಬಿ. ಬೆನಕಪ್ಪ, ಬಿ. ಎಫ್​ ಪೂಜಾರ, ಅಶೋಕ ಜೈನ, ಆನಂದ ಬದಿ, ಜಿ. ಎಂ. ಮುಂದಿನಮನಿ, ಎಂ. ಎಚ್​. ಕಂಬಳಿ, ವಿ. ವಿ.ನಡುವಿನಮನಿ, ಪ್ರಕಾಶ ಸೇಂದ್ರೆ, ಶರಣಪ್ಪ ನಾಗರಹಳ್ಳಿ ಹಲವರು ಇದ್ದರು.