ರಾಜ್ಯ

ಬೆಳಗಾವಿ ಜಿಲ್ಲೆಯ ಅನ್ನಭಾಗ್ಯಕ್ಕೆ ಮಹಾ ಕನ್ನ

ಬೆಳಗಾವಿ ಜಿಲ್ಲೆಯ ಅನ್ನಭಾಗ್ಯಕ್ಕೆ ಮಹಾ ಕನ್ನ
ಬೆಳಗಾವಿ ಜಿಲ್ಲೆಯ ಅನ್ನಭಾಗ್ಯಕ್ಕೆ ಮಹಾ ಕನ್ನ
ಆನಂದಕುಮಾರ ಭಮ್ಮನ್ನವರ
Published on: 

ಪ್ರಮುಖ ಮುಖ್ಯಾಂಶಗಳು

  • ಬೆಳಗಾವಿ ಜಿಲ್ಲೆಯ ಅನ್ನಭಾಗ್ಯಕ್ಕೆ ಮಹಾ ಕನ್ನ
  • ರಾಜ್ಯದ ಅಕ್ಕಿ ಅಕ್ರಮವಾಗಿ ಮಹಾರಾಷ್ಟ್ರದಲ್ಲಿ ಮಾರಾಟ
  • ಗಡಿಯಲ್ಲಿ ನಿಲ್ಲದ ಅಕ್ರಮ ದಂಧೆ
ಜಿಲ್ಲೆಯ ಅನ್ನಭಾಗ್ಯಕ್ಕೆ ಮಹಾ ಕನ್ನ!
ಆನಂದ ಭಮ್ಮನ್ನವರ ಚಿಕ್ಕೋಡಿ:
ಗಡಿ ಜಿಲ್ಲೆಯಲ್ಲಿ ಅಕ್ರಮ ದಂಧೆಗಳಿಗೆ ಕಡಿವಾಣವೇ ಇಲ್ಲ. ರಾಜ್ಯದ ಗಡಿಯಲ್ಲಿ ಪೊಲೀಸ್ ಇಲಾಖೆ ತಪಾಸಣೆ ಕೇಂದ್ರಗಳಿದ್ದರೂ ರಾಜ್ಯದಿಂದ ಅಕ್ರಮವಾಗಿ ಅಕ್ಕಿ ಸಾಗಾಟ ದಂಧೆ ಎಗ್ಗಿಲ್ಲದೆ ನಡೆಯುತ್ತಿರುವುದು, ಇದಕ್ಕೆ ಆಹಾರ ಇಲಾಖೆ ಮತ್ತು ಪೊಲೀಸ್ ಇಲಾಖೆಯಿಂದ ಕಡಿವಾಣ ಬಿದ್ದಿಲ್ಲ.
ರಾಜ್ಯದ ಬಡಜನರ ಹಸಿವು ನಿಗಿಸಲು ರಾಜ್ಯ ಸರ್ಕಾರ ಆಹಾರ ಇಲಾಖೆ ಮೂಲಕ ನೀಡುತ್ತಿರುವ ಪಡಿತರ ಅಕ್ಕಿ ಅಕ್ರಮವಾಗಿ ನೆರೆಯ ಮಹಾರಾಷ್ಟ್ರದ ಕಾಳ ಸಂತೆಯಲ್ಲಿ ಮಹಾರಾಷ್ಟçದೊಂದಿಗೆ ಬೆಳಗಾವಿ, ಹುಕ್ಕೇರಿ, ಚಿಕ್ಕೋಡಿ, ಕಾಗವಾಡ ಮತ್ತು ಅಥಣಿ ತಾಲೂಕು ಗಡಿ ಹಂಚಿಕೊಆಡಿದೆ. ಇದನ್ನೇ ಬಂಡವಾಳ ಮಾಡಿಕೊಂಡ ಖದೀಮರು ರಾಜ್ಯದಲ್ಲಿ ಸಂಗ್ರಹಿಸುವ ಪಡಿತರ ಅಕ್ಕಿಯನ್ನು ಮಹಾರಾಷ್ಟ್ರಕ್ಕೆ ಅಕ್ರಮವಾಗಿ ಸಾಗಿಸುವಲ್ಲಿ ನಿರತರಾಗಿದ್ದಾರೆ.
ಹೇಗೆ ನಡೆಯುತ್ತಿದೆ ದಂಡೆ:
ಜಿಲ್ಲೆಯಲ್ಲಿ ಪಡಿತರ ಚೀಟಿದಾರನಿಗೆ ಸರ್ಕಾರ ನೀಡುವ ಪಡಿತರ ಅಕ್ಕಿಯನ್ನು ದಂಧೆಕೋರರು ಕೆಜಿಗೆ ೨೦.ರೂ ದಂತೆ ಖರೀದಿಸಿ ದಾಸ್ತಾನು ಮಾಡಿಕೊಳ್ಳುತ್ತಾರೆ. ಸರ್ಕಾರದ ಮುದ್ರಿತ ಚೀಲ ಬದಲಿಸಿ, ಅಕ್ಕಿಯನ್ನು ಪಾಲೀಶ್ ಮಾಡಿದ್ದಾರೆ. ಇದೆ ಅಕ್ಕಿಯನ್ನು ನೆರೆಯ ಮಹಾರಾಷ್ಟçದ ಹೆಚ್ಚಿನ ಬೆಲೆಗೆ ಮಾರಾಟ ಮಾಡುವ ದೊಡ್ಡಜಾಲವೆ ಜಿಲ್ಲೆಯಲ್ಲಿ ಸಕ್ರೀಯವಾಗಿದೆ. ಆಹಾರ ಇಲಾಖೆ ಅಧಿಕಾರಿಗಳು ಮತ್ತು ಪೊಲೀಸರು ದಾಳಿ ನಡೆಸುತ್ತಿದ್ದರೂ, ಅಕ್ರಮಕ್ಕೆ ಮಾತ್ರ ಕಡಿವಾಣ ಬೀಳುತ್ತಿಲ್ಲ.
ಜಿಲ್ಲೆಯಲ್ಲಿ 3 ವರ್ಷದ 37 ಪ್ರಕರಣ:
ಅನ್ನಭಾಗ್ಯದ ಅಕ್ಕಿ ಕಳ್ಳಸಾಗಾಣಿಕೆದಾರರ ಮೇಲೆ ಆಹಾರ ಇಲಾಖೆ ಕಳೆದ ಮೂರು ವರ್ಷದಲ್ಲಿ ೩೭ ಪ್ರಕರಣ ದಾಖಲಾಗಿದೆ. ಅಕ್ರಮವಾಗಿ ಸಂಗ್ರಹ ಮತ್ತು ಸಾಗಾಟದಲ್ಲಿ ತೊಡಗಿದ್ದವರ ಮೇಲೆ ದಾಳಿ ನಡೆಸಿದರು ೨೦೨೩-೨೩ ರಲ್ಲಿ ೧೧,೨೦೨೪-೨೫ರಲ್ಲಿ ೬ ಮತ್ತು ೨೦೨೫-೨೬ ರಲ್ಲಿ ( ಫೆ.3ರವರಗೆ) 20 ಪ್ರಕರಣದಲ್ಲಿ ಒಟ್ಟು 1.50 ಕೋಟಿ ರೂ.ಮೌಲ್ಯದ ಪಡಿತರ ಅಕ್ಕಿಯನ್ನು ವಶಕ್ಕೆ ಪಡೆದಿದ್ದಾರೆ.ಇದು ಕೇವಲ ಅಧಿಕಾರಿಗಳ ದಾಳಿಯಿಂದ ಬೆಳಕಿಗೆ ಬಂದಿರುವುದು.
ಗಡಿಯಲ್ಲಿ ಹೆಚ್ಚು:
ಕರ್ನಾಟಕ ಮಹಾರಾಷ್ಟçದ ನಡುವೇ ಗಡಿ ಹಂಚಿಕೊಂಡಿರುವ ಹುಕ್ಕೇರಿ, ನಿಪ್ಪಾಣಿ, ಚಿಕ್ಕೋಡಿ, ರಾಯಬಾಗ ಮತ್ತು ಅಥಣಿ ತಾಲೂಕಿನಲ್ಲಿ ಹೆಚ್ಚು ಅಕ್ಕಿಗೆ ಕನ್ನ ಹಾಕುವ ದಂಧೆ ಜೋರಾಗಿದೆ. ಇದಕ್ಕೆ ಕಾರಣ ಗಡಿ ದಾಟಿಸಲು ಸುಲಭವಾಗಿ ಈ ತಾಲ್ಲೂಕಿನಲ್ಲಿ ಅಕ್ರಮ ಪಡಿತರ ಅಕ್ಕಿ ಸಾಗಾಟಗಾರರಾಗಿದ್ದಾರೆ. ಇಲ್ಲಿಂದ ೧೦-೧೫ ಕಿಮಿ ಸಾಗಿಸಿದರೆ ಮುಗಿಯಿತು. ಮಹಾರಾಷ್ಟದಲ್ಲಿ ರಾಜ್ಯದ ಅಕ್ಕಿಗೆ ಬೇರೆ ಸ್ವರೂಪದ ಮೂಲಕ ಮಾರಾಟ ಮಾಡಲಾಗುತ್ತಿದೆ.
ಕೋಟ್
ಅಕ್ರಮ ಪಡಿತರ ಅಕ್ಕಿ ಮಾರಾಟ ದಂಧೆ ಬಗ್ಗೆ ನಿಗಾವಹಿಸಲಾಗಿದೆ.ಅಕ್ಕಿ ಸಾಗಾಟದ ಮಾಹಿತಿ ಬಂದರೆ ದಾಳಿ ನಡೆಸಿ ಪ್ರಕರಣ ದಾಖಲಿಸಲಾಗುತ್ತದೊಡೆ.ಜಿಲ್ಲೆಯಲ್ಲಿ ಮೂರು ವರ್ಷದಲ್ಲಿ 37 ಪ್ರಕರಣ ದಾಖಲಾಗಿದೆ.ಹಾಗೂ ಪಡಿತರ ಚೀಟಿದಾರರು ಅಕ್ಕಿ ಮಾರಾಟ ಮಾಡುವುದು ಕಂಡು ಬಂದರೆ ಪಡಿತರ ಚೀಟಿ ರದ್ದುಗೊಳಿಸಲಾಗುವುದು.
ಮಲ್ಲಿಕಾರ್ಜುನ ನಾಯಕ
ಉಪ ನಿರ್ದೇಶಕರು.ಆಹಾರ ಮತ್ತು ಸರಬರಾಜು ಇಲಾಖೆ ಬೆಳಗಾವಿ.
ಮಹಾರಾಷ್ಟ್ರ
ಬೆಳಗಾವಿ
ಅಕ್ರಮ
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net