ಹೆಲ್ಮೆಟ್​ ಧರಿಸದ ಬೈಕ್​ ಸವಾರರಿಗೆ ದಂಡ

ಹೆಲ್ಮೆಟ್​ ಧರಿಸಿ ವಾಹನ ಓಡಿಸಲು ಕಳೆದ ಡಿಸೆಂಬರ್​ನಲ್ಲಿ ಗಡವು ನಿಗದಿಪಡಿಸಲಾಗಿತ್ತು. ಗಡುವ ಮುಗಿದು, ಹಲವಾರು ಬಾರಿ ದಂಡ ವಿಧಿಸಿದರು ಜನ ಎಚ್ಚೆತ್ತುಕೊಳ್ಳದ ಕಾರಣ ನಗರ ಠಾಣೆ ಪೊಲೀಸರು ಸೋಮವಾರ ರಸ್ತೆಗಿಳಿದು ಹೆಲ್ಮೆಟ್​ ಹಾಕದ ಬೈಕ್​ ಸವಾರರಿಗೆ ದಂಡ ವಿಧಿಸಿದರು.

ಚಿಂತಾಮಣಿ ನಗರ ಪೊಲೀಸರು ಠಾಣೆ ಸಮೀಪದ ಅಂಜನಿ ಬಡಾವಣೆಯ ಪ್ರವೇಶದ ವೃತ್ತದಲ್ಲಿ ಹೆಲ್ಮೆಟ್​ ಹಾಕದ ಬೈಕ್​ ಸವಾರರಿಗೆ 500 ರೂ. ದಂಡ ವಿಧಿಸಿದ್ದಾರೆ. ಇದುವರೆಗೂ ನಗರ ಸೇರಿ ತಾಲೂಕಿನ ಎಲ್ಲ ಠಾಣೆಗಳಿಂದ ಲಕ್ಷಾಂತರ ರೂಪಾಯಿಗೂ ಹೆಚ್ಚು ದಂಡ ವಸೂಲಿ ಮಾಡಲಾಗಿದೆ ಎಂದು ಅಂದಾಜಿಸಲಾಗಿದೆ.

ಹೆಲ್ಮೆಟ್​ ಧರಿಸದ ಬೈಕ್​ ಸವಾರರಿಗೆ 1,000 ದಂಡ ವಿಧಿಸಲಾಗುತ್ತದೆ ಮತ್ತು ಡೆವಿಂಗ್​ ಲೈಸೆನ್ಸ್​ 3 ತಿಂಗಳವರೆಗೆ ಅಮಾನತುಗೊಳ್ಳಬಹುದು. ಜತೆಗೆ ಅರ್ಧ ಹೆಲ್ಮೆಟ್​ಗೂ ದಂಡವಿದೆ. ಕರ್ನಾಟಕದಲ್ಲಿ ಇತ್ತೀಚೆಗೆ ಇದರ ಕಟ್ಟುನಿಟ್ಟಿನ ಜಾರಿ ಆರಂಭವಾಗಿದ್ದು, ಪೆಟ್ರೋಲ್​ ಬಂಕ್​ಗಳಲ್ಲಿಯೂ ಹೆಲ್ಮೆಟ್​ ಧರಿಸದೆ ಇರುವವರಿಗೆ ಪೆಟ್ರೋಲ್​ ಹಾಕದಂತೆ ಸೂಚಿಸುವ ಮೂಲಕ ಹೆಲ್ಮೆಟ್​ ಬಗ್ಗೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಲಾಗುತ್ತಿದೆ. ಸಾರ್ವಜನಿಕ ವಲಯದಲ್ಲಿ ಪೊಲೀಸರ ಕಾರ್ಯದ ಕುರಿತು ಮೆಚ್ಚುಗೆ ವ್ಯಕ್ತವಾಗುತ್ತಿದೆ.