ರೈತರಿಂದ ಜೆಸ್ಕಾಂ ಮುಖ್ಯದ್ವಾರಕ್ಕೆ ತಂತಿ ಬೇಲಿ

ಯಾದಗಿರಿ: ಇಲ್ಲಿನ ಜೆಸ್ಕಾಂ ಕಚೇರಿ ಎದುರು ಬಾಚವಾರ ಸೇರಿ ಇತರೆ ಗ್ರಾಮಗಳು ರೈತರು ಪ್ರತಿಭಟನೆ ನಡೆಸಿದರೇ, ಅತ್ತ ಯರಗೋಳದ ವಿದ್ಯುತ್ ಕಚೇರಿ ಎದುರು ಶನಿವಾರ ಗ್ರಾಮಸ್ಥರು ಸಹ ಪ್ರತಿಭಟನೆ ನಡೆಸಿ ಯರಗೋಳ ಮಾರ್ಗದ ಮೂಲಕ ಬಾಚವಾರಕ್ಕೆ ವಿದ್ಯುತ್ ಸಂಪರ್ಕ ನೀಡಬಾರದು ಎಂದು ಆಗ್ರಹಿಸಿ ಪ್ರತಿಭಟನೆ ನಡೆಸಿದರು. ಯರಗೋಳದಿಂದ ಬೇರೆ ಊರಿನ ರೈತರ ಪಂಪ್‌ಸೆಟ್‌ಗಳಿಗೆ ವಿದ್ಯುತ್ ಪೂರೈಕೆ ಮಾಡಿದರೇ ಇಲ್ಲಿ ನಮಗೆ ಸಮಸ್ಯೆಯಾಗುತ್ತಿದೆ. ಹೀಗಾಗಿ ಆ ಊರುಗಳಿಗೆ ಹತ್ತಿಕುಣಿ ೩೩ಕೆವಿ ಸ್ಟೇಷನ್ ಮೂಲಕ ಸಂಪರ್ಕ ಕಲ್ಪಿಸಿ ಎಂದು ರೈತರು ಈ ವೇಳೆ ಆಗ್ರಹಿಸಿದರು. ಇದೇ ವೇಳೆ ಸ್ಥಳಕ್ಕೆ ಆಗಮಿಸಿದ ಜೆಸ್ಕಾಂ ಎಇಇ ಮಾರ್ಕಂಡೇಶ್ವರ ಅವರು, ಮನವಿ ಆಲಿಸಿ, ಇನ್ನೂ ಮುಂದೆ ಯರಗೋಳ ಗ್ರಾಮದ ರೈತರಿಗೆ ತೊಂದರೆಯಾಗದAತೆ ವ್ಯವಸ್ಥೆ ಮಾಡಲಾಗುವುದು. ಅವರಿಗೆ ಬೇರೆ ವ್ಯವಸ್ಥೆ ಮಾಡಿಕೊಡಲಾಗುವುದೆಂದು ಭರವಸೆ ನೀಡಿದರು. ನಂತರ ಪ್ರತಿಭಟನೆ ವಾಪಸ್ ಪಡೆದರು. ಪ್ರಮುಖ ರೈತರಾದ ಚನ್ನಬಸ್ಸು, ಸಾಬಣ್ಣಾ ಮಚ್ಚಿ, ಶಿವಯೋಗಿ ಭೀಮನಳ್ಳಿ, ವಿಶ್ವ ಮಾನೇಗಾರ, ಮನೋಹರ ಲಿಂಗಸನಳ್ಳಿ, ಮೊನಪ್ಪ ಇದ್ಲಿ, ಭೀಮರಾಯ ಹಲಕಟ್ಟಿ, ಬಸವರಾಜ ಜೋಗಿ, ಶಿವರಾಜ ಜೋಗಿ ಇತರರಿದ್ದರು.