ಹೈನುಗಾರಿಕೆಯಿಂದ ರೈತರ ಆರ್ಥಿಕ ಅಭಿವೃದ್ಧಿ ಸಾಧ್ಯ

ಅಂಗೊಂಡಹಳ್ಳಿ ಹಾಲು ಉತ್ಪಾದಕರ ಸಹಕಾರ ಸಂಘದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಸರ್ವ ಸದಸ್ಯರ ಸಾಮಾನ್ಯ ಸಭೆಯಲ್ಲಿ ಮಾತನಾಡಿ, ಅಂಗೊಂಡಹಳ್ಳಿ ಡೇರಿ ಪ್ರಸಕ್ತ ಸಾಲಿನಲ್ಲಿ 10 ಲಕ್ಷ ರೂ. ಹೆಚ್ಚಿನ ಲಾಭಗಳಿಸಿದೆ. ಮಳೆ ಕೊರತೆಯಿಂದ ಕೃಷಿ ಕ್ಷೇತ್ರದಲ್ಲಿ ಅನಿಶ್ಚಿತತೆ ಎದುರಾಗಿದ್ದು, ಹೈನುಗಾರಿಕೆಯೇ ಅನೇಕ ಕುಟುಂಬಗಳಿಗೆ ಆದಾಯದ ಮೂಲವಾಗಿದೆ ಎಂದರು.

ಹಿರಿಯ ವಕೀಲ ಎಂ.ಎಸ್​. ಶ್ರೀನಿವಾಸರೆಡ್ಡಿ ಮಾತನಾಡಿ, ಅಂಗನವಾಡಿ ಹಂತದಿಂದಲೇ ಮಕ್ಕಳಿಗೆ ಉತ್ತಮ ಸಂಸ್ಕಾರ, ಗುಣಮಟ್ಟದ ಶಿಕ್ಷಣ ಹಾಗೂ ಸಹಕಾರ ಮನೋಭಾವ ಬೆಳೆಸಬೇಕು. ಹಾಲಿನ ಗುಣಮಟ್ಟದಷ್ಟೇ ಸಹಕಾರ ಸಂಘಗಳ ಆಡಳಿತವೂ ಪಾರದರ್ಶಕ ಹಾಗೂ ಪರಿಶುದ್ಧವಾಗಿದ್ದರೆ ಹಾಲು ಉತ್ಪಾದಕ ರೈತರ ಆರ್ಥಿಕ ಸ್ಥಿತಿ ಸುಧಾರಿಸಲಿದೆ. ಸಂಗಳಲ್ಲಿ ನಿರ್ವಹಣೆಯಲ್ಲಿ ರಾಜಕೀಯ ಹಸ್ತಕ್ಷೇಪ ಇರಬಾರದು. ರೈತರ ಹಿತವೇ ಸಂದ ಆದ್ಯತೆ ಎಂದರು.

ಡೇರಿ ಅಧ್ಯಕ್ಷ ಎ.ಎಂ.ಚಲಪತಿ, ಗ್ರಾಪಂ ಮಾಜಿ ಅಧ್ಯಕ್ಷ ಅಮರಾವತಿ ಕೇಶವರೆಡ್ಡಿ, ಮಾಜಿ ಸದಸ್ಯರಾದ ಚಿನ್ನಪ್ಪ, ಶಂಕರಪ್ಪ, ಮುಖಂಡರಾದ ಚಂದ್ರಮೋಹನ್​, ಚೊಕ್ಕೆಗೌಡ, ಪುರುಷೋತ್ತಮರೆಡ್ಡಿ, ನಾರಾಯಣಸ್ವಾಮಿ, ತಾಲೂಕು ಶಿಬಿರ ಕಚೇರಿಯ ವಿಸ್ತರಣಾಧಿಕಾರಿಗಳಾದ ಎನ್​.ವೇಣು, ರವಿ, ಸಂಘದ ಸಿಇಒ ಎನ್​.ಶ್ರೀನಿವಾಸ್​ ಇದ್ದರು.