ವಿದ್ಯುತ್​ ತಗುಲಿ ರೈತ ಸಾವು

ಚಿಂತಾಮಣಿ: (Farmer dies after being electrocuted) ತಾಲೂಕಿನ ಎಸ್​.ರಾಗುಟ್ಟಹಳ್ಳಿ ಗ್ರಾಪಂ ವ್ಯಾಪ್ತಿಯ ಬುಜಂಗರಾಯನ ಕೋಟೆ ಮಜರಾ ಗುಡಿವಾಪನಹಳ್ಳಿಯ ರೈತ ಎನ್​.ಶಂಕರರೆಡ್ಡಿ ವಿದ್ಯುದಾಘಾತದಿಂದ ಗಾಯಗೊಂಡು ಚಿಕಿತ್ಸೆ ಫಲಕಾರಿಯಾಗದೆ ಶನಿವಾರ ಬೆಳಗ್ಗೆ ಮೃತಪಟ್ಟಿದ್ದಾರೆ.

ತೋಟದಲ್ಲಿರುವ ದಾಳಿಂಬೆ ಗಿಡಗಳಿಗೆ ನೀರು ಹಾಯಿಸಲು ಶನಿವಾರ ಬೆಳಗ್ಗೆ ಪತ್ನಿ ಕೆ.ಸೌಭಾಗ್ಯ ಜತೆ ಶಂಕರರೆಡ್ಡಿ ಹೋಗಿದ್ದರು ಎನ್ನಲಾಗಿದೆ, ತೋಟಕ್ಕೆ ನೀರು ಹಾಯಿಸಲು ಕೊಳವೆಬಾವಿ ಪ್ಯಾನಲ್​ ಬೋರ್ಡ ಬಳಿ ಹೋಗಿ ಸ್ವಿಚ್​ ಆನ್​ ಮಾಡಿದ ಸಂದರ್ಭದಲ್ಲಿ ಶಾಕ್​ ಹೊಡೆದ ಕಿರುಚಿ ಬಿದ್ದಿದ್ದಾರೆ. ಪತ್ನಿ ಸೌಭಾಗ್ಯ ಪಕ್ಕದ ಜಮೀನಿನಲ್ಲಿದ್ದ ರೈತ ಮಹೇಶ್​ ಮತ್ತು ಮಲ್ಲಿರೆಡ್ಡಿ ಅವರನ್ನು ಕರೆದು ವಿದ್ಯುತ್​ ಸ್ಥಗಿತಗೊಳಿಸಿ ಶಂಕರರೆಡ್ಡಿಯನ್ನು ಬಟ್ಲಹಳ್ಳಿ ಆಸ್ಪತ್ರೆಗೆ, ನಂತರ ನಗರದ ಡೆಕ್ಕನ್​ ಆಸ್ಪತ್ರೆಗೆ ದಾಖಲು ಮಾಡುವಷ್ಟರಲ್ಲಿ ಮೃತಪಟ್ಟಿದ್ದಾರೆ.

ಸೌಭಾಗ್ಯ ನೀಡಿದ ದೂರಿನ ಮೇಲೆ ಬಟ್ಲಹಳ್ಳಿ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಶವವನ್ನು ಚಿಂತಾಮಣಿ ಸಾರ್ವಜನಿಕ ಆಸ್ಪತ್ರೆಗೆ ಸಾಗಿಸಿ ಅಲ್ಲಿ ಮರಣೋತ್ತರ ಪರೀೆ ನಡೆಸಿ ವಾರಸುದಾರರಿಗೆ ಒಪ್ಪಿಸಿದ್ದಾರೆ.