ಒಂದೇ ವೇದಿಕೆಯಲ್ಲಿ ಬಣ ಪ್ರದರ್ಶನ Faction

ತಾಲೂಕಿನ ಕನ್ನಸಂದ್ರ ಗ್ರಾಮದಲ್ಲಿ ಇತ್ತೀಚಿಗೆ ಹಮ್ಮಿಕೊಂಡಿದ್ದ ಸತ್ಯಮ್ಮ, ಗಂಗಮ್ಮ ಹಾಗೂ ಯಲ್ಲಮ್ಮ ದೇವರ ಕರಗ ಮಹೋತ್ಸವದಲ್ಲಿ ಮಾತನಾಡಿ, ಚುನಾವಣೆಗಳಲ್ಲಿ ಕನ್ನಸಂದ್ರ ಗ್ರಾಮ ಜೆಡಿಎಸ್​ ಕೈ ಹಿಡಿದಿದೆ. ಮುಂದೆಯೂ ಸಹ ಜೆಡಿಎಸ್​ ಪರವಾಗಿರುತ್ತದೆ ಎಂಬ ವಿಶ್ವಾಸ ಇದೆ ಎಂದರು.

ಕಾಡೇನಹಳ್ಳಿ ನಾಗರಾಜ್​ ಜತೆ ದಳಪತಿಗಳಾದ ಕೋಮುಲ್​ ನಿರ್ದೇಶಕ ಬಿ.ವಿ.ಸಾಮೇಗೌಡ, ಜೆಡಿಎಸ್​ ವಕ್ತಾರ ವಕೀಲ ಎಂ.ಎಸ್​.ಶ್ರೀನಿವಾಸರೆಡ್ಡಿ, ಜೆಡಿಎಸ್​ ಮುಖಂಡರಾದ ಎಂ.ಗೊಲ್ಲಹಳ್ಳಿ ಪ್ರಭಾಕರ್​, ಕಾಡೇನಹಳ್ಳಿ ಅಶೋಕ್​, ಗ್ರಾಮ ಪಂಚಾಯಿತಿ ಸದಸ್ಯರ ಒಕ್ಕೂಟದ ತಾಲೂಕು ಅಧ್ಯಕ್ಷ ಶಂಕರ್​, ಆಲಂಗೂರು ಭೋಗೇಶ್​ಗೌಡ, ಪೆದ್ದೂರು ವರದಪ್ಪ, ಗೊಲ್ಲಹಳ್ಳಿ ಶ್ರೀನಾಥ್​, ಗ್ರಾಮದ ಮುಖಂಡರಾದ ಚಿನ್ನಣ್ಣ ,ನಾಗರಾಜ್​, ಘಂಟಪ್ಪ, ಶ್ರೀರಾಮ ರೆಡ್ಡಿ , ವೆಂಕಟರಾಮ್​, ಬಾಬು ಇದ್ದರು.

ಕಾಡೇನಹಳ್ಳಿ ನಾಗರಾಜ್​ ಬಣದ ಒಂದು ಗುಂಪು ಗ್ರಾಮಕ್ಕೆ ಬಂದು ಹೋದಮೇಲೆ ಸಂಜೆ 8 ಗಂಟೆಗೆ ರಸಮಂಜರಿ ಕಾರ್ಯಕ್ರಮಕ್ಕೆ ಶಾಸಕ ಸಮೃದ್ಧಿ ಮಂಜುನಾಥ್​ ಗುಂಪಿನಲ್ಲಿ ಗುರುತಿಸಿಕೊಂಡಿರುವ ಡಿಸಿಸಿ ಬ್ಯಾಂಕ್​ ನಿರ್ದೇಶಕ ನಲ್ಲೂರು ರಘುಪತಿ ರೆಡ್ಡಿ, ಕೋಲಾರ ಜಿಲ್ಲಾ ಸಹಕಾರ ಯೂನಿಯನ್​ ನಿರ್ದೇಶಕ ಬಂಡಹಳ್ಳಿ ಲಕ್ಷಿ$್ಮನಾರಾಯಣ, ಗೊಲ್ಲಹಳ್ಳಿ ಜಗದೀಶ್​, ನಗವಾರ ಎನ್​.ಆರ್​.ಸತ್ಯಣ್ಣ, ಎಮ್ಮೆನತ್ತ ರೆಡ್ಡಪ್ಪರೆಡ್ಡಿ, ರಘು ಪ್ರತ್ಯೇಕವಾಗಿ ಪಾಲ್ಗೊಂಡಿದ್ದರಿಂದ ಜೆಡಿಎಸ್​ನಲ್ಲಿ ಗುಂಪುಗಾರಿಕೆ ಇರುವುದು ಬಹಿರಂಗವಾಗಿದೆ.

ದಳದ ಎರಡು ಬಣಗಳು ಬಂದು ಹೋದ ನಂತರ ಕಾಂಗ್ರೆಸ್​ ಮುಖಂಡ ಎಸ್​.ವೈ.ಶಾಂಭಯ್ಯ ಭೇಟಿ ನೀಡಿದರು.