ರಾಜ್ಯದಲ್ಲಿ ಎಸ್‌ಐಆರ್ ಸಮಯ ವಿಸ್ತರಣೆ ಮಾಡಿ

ಬೆಂಗಳೂರು: ಕೇಂದ್ರ ಚುನಾವಣಾ ಆಯೋಗವು 3ನೇ ಹಂತದ ವಿಶೇಷ ಸಮಗ್ರ ಪರಿಷ್ಕರಣೆ (ಎಸ್‌ಐಆರ್) ಅಡಿಯಲ್ಲಿ 16 ರಾಜ್ಯಗಳ ಮತ್ತು 3 ಕೇಂದ್ರಾಡಳಿತ ಪ್ರದೇಶಗಳ ಮತದಾರರ ಪಟ್ಟಿಯ ಪರಿಷ್ಕರಣೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದೆ.

ಈ ಹಿನ್ನೆಲೆಯಲ್ಲಿ ನಗರದ ಕೆ.ಆರ್.ವೃತ್ತದ ಬಳಿಯ ಮುಖ್ಯ ಚುನಾವಣಾಧಿಕಾರಿ ಕಚೇರಿಯಲ್ಲಿ ಮುಖ್ಯ ಚುನಾವಣಾಧಿಕಾರಿ ಅನ್ಬುಕುಮಾರ್ ಅಧ್ಯಕ್ಷತೆಯಲ್ಲಿ ಎಸ್‌ಐಆರ್ ಕುರಿತು ರಾಜಕೀಯ ಪಕ್ಷಗಳ ಸಭೆ ನಡೆಸಲಾಗಿದೆ. ಎಲ್ಲ ರಾಜಕೀಯ ಪಕ್ಷಗಳ ಸಲಹೆ-ಸೂಚನೆಗಳನ್ನು ಲಿಖಿತವಾಗಿ ಪಡೆದ ಅನ್ಬುಕುಮಾರ್, ಕೇಂದ್ರ ಚುನಾವಣಾ ಆಯೋಗಕಕ್ಕೆ ಕಳುಹಿಸಿ ಕೊಡುವುದಾಗಿ ಭರವಸೆ ನೀಡಿದ್ದಾರೆ.

ಕಾಂಗ್ರೆಸ್ ಪರವಾಗಿ ಹಾಜರಾಗಿದ್ದ ವಿಧಾನ ಪರಿಷತ್ತಿನ ಸದಸ್ಯ ರಮೇಶ್ ಬಾಬು, 1951 ರಿಂದ ಇಲ್ಲಿಯವರೆಗೆ 8 ಬಾರಿ ಮತದಾರರ ಪಟ್ಟಿಯ ಎಸ್‌ಐಆರ್ ಆಗಿದೆ. ಆದರೆ, ಕಳೆದ 21 ವರ್ಷಗಳಲ್ಲಿ ಯಾಕೆ ಕಾರ್ಯ ನಡೆಸಿಲ್ಲ. ಇದಕ್ಕೆ ಇಲ್ಲಿಯವರೆಗೆ ಆಯೋಗ ಸಕಾರಣ ನೀಡಿರುವುದಿಲ್ಲ.

ಇತ್ತೀಚಿಗೆ ಕೆಲವು ರಾಜಕೀಯ ಪಕ್ಷಗಳನ್ನು ಗುರಿಯಾಗಿಸಿಕೊಂಡು ಮತದಾರರ ಪಟ್ಟಿ ಪರಿಷ್ಕರಣೆ ಮಾಡಿ ಚುನಾವಣಾ ಫಲಿತಾಂಶವು ಏರುಪೇರಾಗಿರುವುದರ ಹಿನ್ನೆಲೆಯಲ್ಲಿ ರಾಜ್ಯದಲ್ಲಿ ಯಾವುದೇ ಅಕ್ರಮಗಳಿಗೆ ಅವಕಾಶ ಇಲ್ಲದಂತೆ ಆಯೋಗ ನಡೆದುಕೊಳ್ಳಬೇಕಾಗಿದೆ. ಜತೆಗೆ ರಾಜ್ಯದಲ್ಲಿ ವಿಧಾನಸಭೆ ಮತ್ತು ಲೋಕಸಭೆ ಚುನಾವಣೆ ಇಲ್ಲದ ಕಾರಣ ಸಮಯ ವಿಸ್ತರಣೆ ಮಾಡಬೇಕೆಂದು ರಮೇಶ್ ಬಾಬು ಮನವಿ ಮಾಡಿದ್ದಾರೆ.

ಮೇ 30ರಿಂದ ಮನೆ ಮನೆಗೆ ಬಿಎಲ್‌ಒಗಳು ಭೇಟಿ ಕೊಟ್ಟು ಖುದ್ದು ಮತದಾರರಿಗೆ ನೋಟಿಸ್ ಕೊಟ್ಟು ಮಾಹಿತಿ ಕಲೆ ಹಾಕಬೇಕೆಂಬುದು ನಿಯಮವಿದೆ. ಆದರೆ, ಮತದಾರ ಕೆಲಸಕ್ಕೆ, ಪ್ರವಾಸಕ್ಕೆ ಸೇರಿದಂತೆ ಇನ್ನಿತ್ತರ ಕೆಲಸದ ಮೇರೆಗೆ ಬೇರೆಡೆಗೆ ಹೋದಾಗ ಬಿಎಲ್‌ಒಗಳು ಲಾಕ್ ಡೌನ್ ಎಂದು ವಾಪಸ್ ಬಂದರೆ ಅಥವಾ ಅರ್ಜಿ ಕೊಡಲಾಗಿದೆ ಎಂದು ಮಾಹಿತಿ ಅಪ್‌ಡೇಟ್ ಮಾಡಿದರೇ ಮತದಾರರ ಹಕ್ಕು ಕಳೆದುಕೊಳ್ಳುತ್ತಾರೆ. ಆದರಿಂದ ಮನೆ ಮನೆ ಭೇಟಿ ಕೊಟ್ಟಾಗ ಆ್ಯಪ್‌ನಲ್ಲಿ ಲೈವ್‌ಪೋಟ್, ಜಿಪಿಎಸ್ ಆಧಾರಿತ ಮಾಹಿತಿ ಅಪ್‌ಡೇಟ್ ಮಾಡಲು ಸೂಚನೆ ಕೊಡಬೇಕೆಂದು ಬಿಜೆಪಿಯ ಬಿಜೆಪಿಯ ಎಸ್. ದತ್ತಾತ್ರೀ, ಚುನಾವಣಾ ಆಯೋಗಕ್ಕೆ ಮನವಿ ಮಾಡಿದ್ದಾರೆ.

ಸಭೆಯಲ್ಲಿ ಜೆಡಿಎಸ್‌ನ ಎಚ್.ಎನ್.ದೇವರಾಜ್, ಆಮ್ ಆದ್ಮಿ ಪಾರ್ಟಿಯ ದರ್ಶನ ಜೈನ್, ಬಹುಜನ ಸಮಾಜವಾದಿ ಪಕ್ಷದ ಅರುಣ್ ಪ್ರಸಾದ್, ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಮಾರ್ಕ್ಸಿಸ್ಟ್) ಮುನಿವೆಂಕಟಪ್ಪ.ಎಂ.ಪಿ. ನ್ಯಾಷನಲ್ ಪೀಪಲ್ಸ್ ಪಾರ್ಟಿಯ ಎಸ್. ಸರವಣನ್ ಭಾಗವಹಿಸಿದರು.

1.ಕರ್ನಾಟಕದಲ್ಲಿ 2008ರ ಡಿಲಿಮಿಟೇಷನ್ ಕಾರಣ ಅನೇಕ ವಿಧಾನಸಭಾ ಕ್ಷೇತ್ರಗಳು ಈಗ ಅಸ್ತಿತ್ವದಲ್ಲಿ ಇರುವುದಿಲ್ಲ. ಮ್ಯಾಪಿಂಗ್ ಪ್ರಕ್ರಿಯೆಯಲ್ಲಿ 2002ರ ಮತದಾರರ ಪಟ್ಟಿಗೆ ಹೊಂದಾಣಿಕೆಯಾಗದ ಮತದಾರರು

2.ಮೂಲತಃ ಕರ್ನಾಟಕದಲ್ಲಿ ಜನಿಸಿ ಕಾರಣಾಂತರಗಳಿಂದ ಮತದಾರರ ಪಟ್ಟಿಯನ್ನು ಬೇರೆ ಬೇರೆ ವಿಧಾನಸಭಾ ಕ್ಷೇತ್ರಗಳಿಗೆ ಬದಲಾಯಿಸಿಕೊಂಡಿರುವ ಮತದಾರರು.

3.ಮದುವೆ, ಶಿಕ್ಷಣ ಅಥವಾ ಉದ್ಯೋಗದ ಕಾರಣಕ್ಕೆ ಮತದಾರರ ಪಟ್ಟಿಯಲ್ಲಿ ಕ್ಷೇತ್ರ ಬದಲಾವಣೆ ಆಗಿರುವ ಹೆಣ್ಣುಮಕ್ಕಳ ಹೆಸರು

4.ವರ್ಗಾವಣೆಯ ಕಾರಣಕ್ಕೆ ಬೇರೆ ಬೇರೆ ಕ್ಷೇತ್ರಗಳಿಗೆ ಮತದಾರರ ಪಟ್ಟಿಯಲ್ಲಿ ಬದಲಾವಣೆ ಆಗಿರುವ ಸರ್ಕಾರಿ ನೌಕರರು

5.ವ್ಯಾಪಾರ, ಉದ್ಯೋಗ ಅಥವಾ ಜೀವನೋಪಾಯಕ್ಕಾಗಿ ಸ್ಥಳಾಂತರಗೊಂಡಿರುವ ಮತದಾರರು.

6. ಅಲೆಮಾರಿ, ಆದಿವಾಸಿ ಮತ್ತು ಬುಡಕಟ್ಟು ಸಮುದಾಯಗಳ ಮತದಾರರು

8. ಸ್ಥಳೀಯ ಸಂಸ್ಥೆಗಳಿಂದ ಅಥವಾ ಸರ್ಕಾರಿ, ಅರೆ ಸರ್ಕಾರಿ ಸಂಸ್ಥೆಗಳಿಂದ ವಾಸ ದೃಡೀಕರಣ ಹೊಂದಿರುವ ಮತದಾರರು