ಕಾಡುಹಂದಿ ಬೇಟೆಗೆ ಅಳವಡಿಸಿದ್ದ ಕರಿಮದ್ದು ಸ್ಫೋಟ Dog

ಮೈದನಹಳ್ಳಿಯ ಅಶೋಕ್​ ತಮ್ಮ ಸಾಕು ನಾಯಿಯೊಂದಿಗೆ ಬಯಲು ಶೌಚಕ್ಕೆ ತೆರಳಿದ್ದ ವೇಳೆ ಘಟನೆ ಸಂಭವಿಸಿದೆ. ಗ್ರಾಮದ ಸರ್ವೇ ನಂ.25ರ ಸಿಂಗನಹಳ್ಳಿ ಕೆರೆ ಪ್ರದೇಶದಲ್ಲಿ ಕಾಡುಹಂದಿ ಬೇಟೆಗಾಗಿ ಕರಿ ಮದ್ದು ಅಳವಡಿಸಲಾಗಿತ್ತು ಎನ್ನಲಾಗಿದ್ದು, ನಾಯಿ ಅದನ್ನು ತಿಂದ ಸಂದರ್ಭದಲ್ಲಿ ಸ್ಫೋಟಗೊಂಡಿದೆ ಎಂದು ತಿಳಿದುಬಂದಿದೆ.

ಹೆಚ್ಚುವರಿ ಎಸ್ಪಿ ಗೋಪಾಲ್​, ಡಿವೈಎಸ್ಪಿ ಮಂಜುನಾಥ್​, ಸಿಪಿಐ ಹನುಮಂತರಾಯಪ್ಪ ಹಾಗೂ ಪಿಎಸ್​ಐ ರಾಜೇಶ್​, ಪಶುವೈದ್ಯಾಧಿಕಾರಿ ಮನೋಹರ್​, ಎಫ್​ಎಸ್​ಎಲ್​ ತಜ್ಞರ ತಂಡ, ಶ್ವಾನದಳ ಸ್ಥಳಕ್ಕೆ ಭೇಟಿ ನೀಡಿ ಸ್ಫೋಟ ಸಂಭವಿಸಿದ ಪ್ರದೇಶದಲ್ಲಿ ಪರಿಶೀಲನೆ ನಡೆಸಿತು. ಕಾಡುಹಂದಿ ಬೇಟೆಗಾಗಿ ಸ್ಫೋಟಕ ಅಳವಡಿಸಿದವರು ಯಾರು ಎಂಬುದರ ಕುರಿತು ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.