ಇಂಧನ ಉಳಿತಾಯ ದೇಶದ ಆರ್ಥಿಕತೆಗೆ ಬಲ economy

ನಗರದಲ್ಲಿ ಎಬಿವಿಪಿ ಕಾರ್ಯಕರ್ತರು, ವಕೀಲರ ಸಂಘ ಹಾಗೂ ನಗರ ಬಿಜೆಪಿ ಘಟಕದಿಂಧ ಹಮ್ಮಿಕೊಂಡಿದ್ದ ಇಂಧನ ಉಳಿತಾಯ ಕುರಿತ ಸೈಕಲ್​ ಜಾಥಾಗೆ ಚಾಲನೆ ನೀಡಿ ಮಾತನಾಡಿ, ಹೆಚ್ಚುತ್ತಿರುವ ಪೆಟ್ರೋಲ್​ ಮತ್ತು ಡೀಸೆಲ್​ ದರಗಳ ಹಿನ್ನೆಲೆಯಲ್ಲಿ ಅನಾವಶ್ಯವಾಗಿ ವಾಹನಗಳನ್ನು ಬಳಸದೇ ಮಿತವ್ಯಯ ಮಾಡಬೇಕಿದೆ ಎಂದರು.

ಸಾಧ್ಯವಾದಷ್ಟು ಸರ್ಕಾರಿ ಬಸ್​ಗಳನ್ನು ಬಳಸಬೇಕು. ಖಾಸಗಿ/ವೈಯಕ್ತಿಕ ವಾಹನಗಳಿಗೆ ಕಡಿವಾಣ ಹಾಕಿ ಅನಿವಾರ್ಯವಿದ್ದಲ್ಲಿ ಮಾತ್ರ ಸ್ವಂತ ವಾಹನಬಳಸಿ, ಇತರರೊಂದಿಗೆ ಕಾರ್​ ಪುಲ್ಲಿಂಗ್​ ಮಾಡಲು ಆದ್ಯತೆ ನೀಡಿ. ರಸ್ತೆ ಸಾರಿಗೆ ಬದಲು ರೈಲುಗಳನ್ನು ಹೆಚ್ಚು ಅವಲಂಭಿಸಬೇಕು ಎಂದರು.

ತಾಲೂಕು ವಕೀಲರ ಸಂಘದ ಅಧ್ಯಕ್ಷ ಎಸ್​.ಎನ್​.ರಾಜಗೋಪಾಲಗೌಡ ಮಾತನಾಡಿ, ಪೆಟ್ರೋಲ್​ ಬೆಲೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವುದರಿಂದ ಜನರು ಪರದಾಡುವ ಸ್ಥಿತಿ ಎದುರಾಗಿದೆ. ಕೆಲವು ಸಣ್ಣ ಬದಲಾವಣೆ ಮಾಡುವುದರಿಂದ ಪೆಟ್ರೋಲ್​ ಅಥವಾ ಡೀಸೆಲ್​ ಉಳಿತಾಯ ಮಾಡುವ ಮೂಲಕ ಹಣ ಉಳಿಸಬಹುದು. ಲಾಂಗ್​ ಡೆವ್​ಗೆ ಹೋಗುತ್ತಿರಲಿ ಅಥವಾ ದೈನಂದಿನ ಪ್ರಯಾಣಕ್ಕೆ ಹೋಗುತ್ತಿರಲಿ ಸ್ಥಿರ ಮತ್ತು ಸೀಮಿತ ವೇಗದಿಂದ ಇಂಧನ ಉಳಿತಾಯ ಮಾಡಬಹುದು ಎಂದರು.

ಇಂಧನ ಬೆಲೆ ಏರಿಕೆಯ ಬಿಸಿ ಸಾರ್ವಜನಿಕರ ಮೇಲೂ ಬಿದ್ದಿದ್ದು, ರಾಜ್ಯದಲ್ಲಿ ಬಸ್​ ಟಿಕೆಟ್​ ದರಗಳು ದುಬಾರಿಯಾಗಿವೆ. ದೇಶದಲ್ಲಿ ಇಂಧನದ ಯಾವುದೇ ಕೊರತೆಯಿಲ್ಲವಾದರೂ, ಪಶ್ಚಿಮ ಏಷ್ಯಾದ ಸಂಘರ್ಷದ ಪರಿಣಾಮ ಮುಂಜಾಗ್ರತಾ ಕ್ರಮವಾಗಿ ಇಂಧನ ಉಳಿತಾಯಕ್ಕೆ ಸರ್ಕಾರ ಮನವಿ ಮಾಡಿದೆ. ಇಂಧನ ದರಗಳ ನಿಖರ ವಿವರಗಳ ಬಳಕೆಗೆ ಪ್ರಧಾನಿ ಮನವಿ ಬೆನ್ನಲ್ಲೇ ದೇಶದಲ್ಲಿ ಪೆಟ್ರೋಲ್​, ಡೀಸೆಲ್​ ಕೊರತೆ ಇಲ್ಲ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ ಎಂದರು.

ನಗರದ ಗಾಂಧಿ ವೃತದಿಂದ ಪ್ರಾರಂಭವಾದ ಸೈಕಲ್​ ಜಾಥಾ ಸೂರಜ್​ಮಲ್​ ವೃತ್ತ, ಗೀತಾ ರಸ್ತೆ, ಡಾ.ರಾಜ್​ಕುಮಾರ್​ ರಸ್ತೆ, ಪ್ರಿಚರ್ಡ್​ ರಸ್ತೆ ಮೂಲಕ ಸಾಗಿ ಸಾರ್ವಜನಿಕರಿಗೆ ಇಂಧನ ಉಳಿತಾಯ ಕುರಿತು ಅರಿವು ಮೂಡಿಸಿದರು.

ನಿವೃತ್ತ ಶಿಕ್ಷಕ ಗೋವಿಂದ್​ರಾಜ್​, ನಗರಸಭೆ ಮಾಜಿ ಸದಸ್ಯೆ ವಿಜಿಕುಮಾರ್​, ಜಿಲ್ಲಾ ಬಿಜೆಪಿ ಸಂಚಾಲಕ ಸುರೇಶ್​ ನಾರಾಯಣ್​ ಕುಟ್ಟಿ ಇದ್ದರು.