ಸಿಲಿಂಡರ್​ಗಾಗಿ ಮುಂಜಾನೆಯೇ ಕ್ಯೂ cylinder

ಬುಕ್ಕಿಂಗ್​ ಆದರೂ ಸಿಗುತ್ತಿಲ್ಲ: ಗ್ರಾಹಕರು ನೋಂದಣಿ ಮಾಡಿದ ಕೂಡಲೇ ಕಂಪನಿಯಿಂದ "ವಿತರಣೆ ಮಾಹಿತಿ" ಹಾಗೂ ಒಟಿಪಿ ಸಂದೇಶ ಮೊಬೈಲ್​ಗೆ ಬರುತ್ತಿದೆ. ಆದರೆ, ಸಂದೇಶ ಬಂದ ದಿನವೇ ಸಿಲಿಂಡರ್​ ಮನೆಗೆ ತಲುಪುತ್ತಿಲ್ಲ. ಇದರಿಂದ ಆತಂಕಗೊಂಡ ಗ್ರಾಹಕರು ಖಾಲಿ ಸಿಲಿಂಡರ್​ ಹಿಡಿದು ಏಜೆನ್ಸಿಗೆ ಓಡಿ ಬರುತ್ತಿದ್ದಾರೆ. ಗಂಟೆಗಟ್ಟಲೆ ಕಾದರೂ ಸ್ಟಾಕ್​ ಇಲ್ಲವೆಂಬ ಕಾರಣ ನೀಡಿ ವಾಪಸ್​ ಕಳುಹಿಸುತ್ತಿರುವುದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.

ವಿತರಣಾ ವ್ಯವಸ್ಥೆಯ ಲೋಪ: ಬೆಳಗ್ಗೆ 9 ಗಂಟೆಗೆ ಕಚೇರಿ ತೆರೆದ ನಂತರ ಸಾಲಿನಲ್ಲಿ ನಿಂತು ಹಣ ಪಾವತಿಸಿ ರಸೀದಿ ಪಡೆಯಬೇಕು. ಬಳಿಕ ಲಾರಿಯಿಂದ ಸಿಲಿಂಡರ್​ ಪಡೆಯಲು ಮತ್ತೆ ಕಾಯಬೇಕು. ಒಂದು ವೇಳೆ ಸ್ಟಾಕ್​ ಮುಗಿದರೆ ಆ ದಿನದ ಕಾಯುವಿಕೆ ವ್ಯರ್ಥವಾಗುತ್ತದೆ. ಇದರಿಂದ ದಿನಗೂಲಿ ಕಾರ್ಮಿಕರು, ಉದ್ಯೋಗಸ್ಥರು, ಮಹಿಳೆಯರು ಹಾಗೂ ವಯೋವೃದ್ಧರು ತೀವ್ರ ತೊಂದರೆ ಅನುಭವಿಸುತ್ತಿದ್ದಾರೆ.

* ನೋಂದಣಿ ಮಾಡಿದ ನಂತರ ನಿಗದಿತ ಸಮಯಕ್ಕೆ ಮನೆ ಬಾಗಿಲಿಗೆ ಸಿಲೆಂಡರ್​ ವಿತರಣೆ

* ಹಿರಿಯ ನಾಗರಿಕರು ಮತ್ತು ಮಹಿಳೆಯರಿಗೆ ಪ್ರತ್ಯೇಕ ಕೌಂಟರ್​ ವ್ಯವಸ್ಥೆ

* ಸ್ಟಾಕ್​ ಮತ್ತು ವಿತರಣಾ ಮಾಹಿತಿಯಲ್ಲಿ ಪಾರದರ್ಶಕತೆ

* ಸಮಸ್ಯೆ ಇದ್ದಲ್ಲಿ ಅಧಿಕಾರಿಗಳು ಮಧ್ಯಪ್ರವೇಶಿಸಿ ಬಗೆಹರಿಸಬೇಕಿದೆ