ಕಲೆ ಸಾಹಿತ್ಯ ಸಂಸ್ಕೃತಿಗೆ ಆದ್ಯತೆ ಕೊಟ್ಟಿದ್ದ ಡಾ. ಅಪ್ಪಾ

ಕಲಬುರಗಿ : ಪೂಜ್ಯ ಡಾ.ಶರಣಬಸಪ್ಪ ಅಪ್ಪ ಅವರು ಕಲೆ, ಸಾಹಿತ್ಯ, ಸಂಸ್ಕೃತಿಗೆ ಆದ್ಯತೆ ನೀಡಿದರು ಎಂದು ಪೂಜ್ಯ ಡಾ.ದಾಕ್ಷಾಯಿಣಿ ಎಸ್.ಅಪ್ಪ ಹೇಳಿದರು.

ಮಹಾದಾಸೋಹಿ ಶರಣಬಸವೇಶ್ವರ 204ನೇ ಜಾತ್ರಾ ಮಹೋತ್ಸವದ ಉದ್ಘಾಟಿಸಿ ಮಾತನಾಡಿದರು, ಶರಣಬಸವೇಶ್ವರ ಸಂಸ್ಥೆಯು ನಿರಂತರವಾಗಿ ಕಾಯಕ ದಾಸೋಹ, ಶಿಕ್ಷಣ ಮಾಡುತ್ತಾ ಬಂದಿದೆ, ಪೂಜ್ಯ ಅಪ್ಪನವ ಜೀವನ ದರ್ಶನ ಕುರಿತು ಮತ್ತು ದಾಸೋಹ ಸೂತ್ರಗಳ ನುಪುರ ಜೇಂಕಾರ ನೃತ್ಯವು ವಿಶೇಷವಾಗಿದೆ, ಜಾತ್ರಾ ಮಹೋತ್ಸವ ಸರಳವಾಗಿ ಜರುಗಲಿ ಎಲ್ಲರೂ ಸಹಕರಿಸಿ ಎಂದು ಹೇಳಿದರು,ಕಾರ್ಯಕ್ರಮದ ಮುಖ್ಯ ಅತಿಥಿಯಾದ ಕಲಬುರಗಿ ರಂಗಾಯಣದ ನಿರ್ದೇಶಕರಾದ ಡಾ.ಸುಜಾತಾ ಜಂಗಮಶೆಟ್ಟಿ ಮಾತನಾಡಿ, ನಾಟಕಗಳು ನಿಜವಾದ ಕಲೆ ತಿಳಿಸುತ್ತವೆ, ಪೂಜ್ಯ ಅಪ್ಪ ಅವರು ಈ ಭಾಗದ ಕಲೆಗೆ ಹೆಚ್ಚು ಪ್ರೋತ್ಸಾಹ ನೀಡಿ ಬೆಳೆಸಿದ್ದಾರೆ, ಶರಣಬಸವೇಶ್ವರ ಜಾತ್ರೆಯಲ್ಲಿ ನಾಟಕಗಳು ಪ್ರದರ್ಶನಗೊಳ್ಳುತ್ತಿದ್ದವು, ಪೂಜ್ಯ ಡಾ.ಅವ್ವ ಅವರು ಒಳ್ಳೆಯ ಕಾರ್ಯಕ್ರಮಕ್ಕೆ ಕೈ ಜೋಡಿಸುತಾ ಬರುತ್ತಾರೆ ಎಂದು ಹೇಳಿದರು,

ವೇದಿಕೆ ಮೇಲೆ ಸಂಘದ ಕಾರ್ಯದರ್ಶಿ ಬಸವರಾಜ ದೇಶಮುಖ, ತಂಗಿಯರಾದ ಮಹೇಶ್ವರಿ ಎಸ್.ಅಪ್ಪ, ಅಭಿನವ ಪರುತೇಸ್ವರ ಮಹಾಸ್ವಾಮಿಗಳು, ಶರಣಬಸವ ವಿವಿಯ ಕುಲಪತಿ ಡಾ.ಅನೀಲಕುಮಾರ ಬಿಡವೆ, ಕುಲಸಚಿವೆ ಡಾ.ಲಕ್ಷ್ಮೀ ಪಾಟೀಲ ಮಾಕಾ, ಡಾ.ನೀಲಾಂಬಿಕಾ ಶೇರಿಕಾರ, ಡಾ.ಸುರೇಶಕುಮಾರ ನಂದಗಾಂವ್, ಡಾ.ಅಲ್ಲಮಪ್ರಭು ದೇಶಮುಖ, ಡಾ.ದಶರಥ ಮೇತ್ರೆ ಇದ್ದರು.

ನಂತರ ಶರಣಬಸವೇಶ್ವರ ಕಲಾ ಪದವಿ ಮಹಾವಿದ್ಯಾಲಯದ ವಿದ್ಯಾರ್ಥಿಗಳಿಂದ ಪೂಜ್ಯ ಡಾ.ಅಪ್ಪ ಅವರ ಬಾಲ್ಯ ಜೀವನ ದರ್ಶನ ನಾಟಕ ಪ್ರದರ್ಶನಗೊಂಡಿತು

ಶರಣಬಸವೇಶ್ವರ ದೇವಸ್ಥಾನದಲ್ಲಿ ಮಹಾದಾಸೋಹಿ ಶರಣಬಸವೇಶ್ವರ ಜಾತ್ರಾ ಮಹೋತ್ಸವದ ಕಾರ್ಯಕ್ರಮಗಳಿಗೆ ಶರಣಬಸವೇಶ್ವರ ಸಂಸ್ಥೆಯ 9ನೇ ಪೀಠಾಧಿಪತಿ ಪೂಜ್ಯ ದೊಡ್ಡಪ್ಪ ಎಸ್.ಅಪ್ಪ ಚಾಲನೆ ನೀಡಿದರು, ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘದ ಅಧ್ಯಕ್ಷರಾದ ಪೂಜ್ಯ ಡಾ.ದಾಕ್ಷಾಯಿಣಿ ಎಸ್.ಅಪ್ಪ, ಸಂಘದ ಕಾರ್ಯದರ್ಶಿ ಬಸವರಾಜ ದೇಶಮುಖ, ತಂಗಿಯರಾದ ಮಹೇಶ್ವರಿ ಎಸ್.ಅಪ್ಪ, ಡಾ.ಅನೀಲಕುಮಾರ ಬಿಡವೆ, ಡಾ.ಲಕ್ಷ್ಮೀ ಪಾಟೀಲ ಮಾಕಾ ಮತ್ತಿತರರು ಇದ್ದರು.