ದಕ್ಷ ಅಧಿಕಾರಿ ಫೌಜಿಯಾ ತರನ್ನುಮ್​ ವರ್ಗಾವಣೆಗೆ ಅಸಮಾಧಾನ

ಕಲಬುರಗಿ: ನೂತನ ಜಿಲ್ಲಾಧಿಕಾರಿಯಾಗಿ ಹಿರಿಯ ಐಎಎಸ್​ ಅಧಿಕಾರಿ ಮೊಹ್ಮದ್​ ಇಕ್ರಮುಲ್ಲಾ ಶರೀಫ್​ ಹಾಗೂ ಪೊಲೀಸ್​ ಆಯುಕ್ತಾಲಯ ನೂತನ ಡಿಸಿಪಿಯಾಗಿ ಐಪಿಎಸ್​ ಅಧಿಕಾರಿ ಶಾಲೂ ಅವರನ್ನು ನಿಯೋಜಿಸಿ ಸರ್ಕಾರ ಆದೇಶ ಹೊರಡಿ

ಜಿಲ್ಲಾಧಿಕಾರಿ ಬಿ.ಫೌಜಿಯಾ ತರನ್ನುಮ್​ ಅವರನ್ನು ಕರ್ನಾಟಕ ಗ್ರಾಮೀಣ ಕುಡಿವ ನೀರು ಮತ್ತು ನೈರ್ಮಲ್ಯ ಇಲಾಖೆ ಆಯುಕ್ತರನ್ನಾಗಿ ವರ್ಗಾವಣೆ ಮಾಡಲಾಗಿದೆ. ಜವಾಬ್ದಾರಿ ವಹಿಸಿಕೊಂಡ ನಂತರ ದಕ್ಷತೆಯಿಂದ ಕೆಲಸ ಮಾಡುವ ಮೂಲಕ ಜನಮಾನಸದಲ್ಲಿ ಉತ್ತಮ ಹೆಸರು ಗಳಿಸಿದ್ದರು. ಸಾರ್ವಜನಿಕರು ಅದರಲ್ಲೂ ಮಹಿಳೆಯರು ಡಿಸಿ ವರ್ಗಾವಣೆಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ನಿಯೋಜಿತ ಡಿಸಿ ಶರೀಫ್​ 2016ನೇ ಸಾಲಿನ ಐಎಎಸ್​ ಅಧಿಕಾರಿಯಾಗಿದ್ದು, ಹಣಕಾಸು (ಬಜೆಟ್​ ಮತ್ತು ಸಂಪನ್ಮೂಲ) ಇಲಾಖೆಯ ಜಂಟಿ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದರು. 1990, ಏ.3ರಂದು ಜನಿಸಿದ್ದು, ಅರ್ಥಶಾಸ ಪದವೀಧರರು. ಮಂಗಳವಾರ ಅಧಿಕಾರ ವಹಿಸಿಕೊಳ್ಳುವ ಸಾಧ್ಯತೆ ಇದೆ. ಹಿಂದೆ ಎಸಿ, ಸಿಇಒ ಇನ್ನಿತರ ಹುದ್ದೆಗಳನ್ನು ನಿಭಾಯಿಸಿದಾಗ ಉತ್ತಮ ಅಧಿಕಾರಿ ಎಂಬ ಹೆಸರು ಗಳಿಸಿದ್ದಾರೆ.

ನೂತನ ಉಪ ಪೊಲೀಸ್​ ಆಯುಕ್ತರಾಗಿ ನಿಯುಕ್ತಿಗೊಂಡಿರುವ ಶಾಲೂ ಉತ್ತರ ಪ್ರದೇಶದ ಔನಪುರದವರು. 2021ನೇ ಬ್ಯಾಚಿನ ಐಪಿಎಸ್​ ಅಧಿಕಾರಿ. ಬಿ.ಟೆಕ್​ ಕಂಪ್ಯೂಟರ್​ ಪದವೀಧರೆ. ಹೆಚ್ಚುವರಿ ಎಸ್ಪಿ, ಸಿಐಡಿ ವಿಶೇಷ ವಿಭಾಗದ ಎಸ್ಪಿಯಾಗಿ ಕಾರ್ಯನಿರ್ವಹಿಸಿದ್ದಾರೆ.