diesel: ಸಿಗದ ಡೀಸೆಲ್ ಕೃಷಿ ಚಟುವಟಿಕೆ ಸ್ತಬ್ಧ

ಮುಂಗಾರು ಪೂರ್ವ ಮಳೆ ಈ ಬಾರಿ ಉತ್ತಮವಾಗಿದೆ. ಹೀಗಾಗಿ ರೈತರು ಬಿತ್ತನೆಗೆ ಭೂಮಿ ಸಜ್ಜುಗೊಳಿಸುವ ಕಾರ್ಯದಲ್ಲಿ ನಿರತರಾಗಿದ್ದಾರೆ. ಆದರೆ, ಕೃಷಿ ಕಾರ್ಯಕ್ಕೆ ಡೀಸೆಲ್ ಸಿಗದೆ ರೈತರು ಕಂಗಾಲಾಗಿದ್ದು, ಕೆಲಸ ಬಿಟ್ಟು ಡೀಸೆಲ್‌ಗಾಗಿ ಕಾಯುವ ಸ್ಥಿತಿ ಅನ್ನದಾತರದ್ದಾಗಿದೆ.

ಈಗಾಗಲೇ ಎಲ್ಲೆಡೆ ಮಳೆ ಉತ್ತಮವಾಗಿದೆ. ಹರಗುವುದು ಸೇರಿದಂತೆ ಹೆಸರು, ಶೇಂಗಾ, ಸೋಯಾ, ಉದ್ದು ಬೆಳೆಗಳ ಬಿತ್ತನೆಗೆ ರೈತರು ಸಿದ್ಧವಾಗುತ್ತಿದ್ದಾರೆ. ಬಹುತೇಕ ರೈತರು, ಬಿತ್ತಲು, ಹರಗಲು, ಎಡೆ ಹೊಡೆಯಲು ಸಹ ಟ್ರ್ಯಾಕ್ಟರ್ ಅವಲಂಬಿಸಿದ್ದಾರೆ. ಇಂತಹ ಅವಧಿಯಲ್ಲಿ ಡೀಸೆಲ್ ದೊರೆಯದಿರುವುದು ರೈತರನ್ನು ಸಂಕಷ್ಟಕ್ಕೆ ತಳ್ಳುವಂತಾಗಿದೆ. ಇದೇ ತಿಂಗಳಿಂದ ಬಿತ್ತನೆ ಕಾರ್ಯ ಬಹುತೇಕ ಚುರುಕುಗೊಳ್ಳಲಿರುವುದರಿಂದ ಡೀಸೆಲ್ ಕೊರತೆ ರೈತರನ್ನು ಬಾಧಿಸಲಿದೆ.

"

ಇದೀಗ ಕೃಷಿ ಚಟುವಟಿಕೆಗಳು ಭರದಿಂದ ಸಾಗಿವೆ. ಇಂತಹ ಸಂದರ್ಭದಲ್ಲಿ ಡೀಸೆಲ್‌ಗಾಗಿ ಹಗಲು-ರಾತ್ರಿ ಕಾಯುವ ಗೋಳು ಬಂದಿದೆ. ಒಟ್ಟಿನಲ್ಲಿ ರೈತರ ಬದುಕು ಹೋರಾಟದಿಂದಲೇ ಕೂಡಿದೆ. ರೈತರಿಗೆ ಸಮರ್ಪಕ ಡೀಸೆಲ್ ದೊರೆಯುವಂತೆ ನೋಡಿಕ್ಳೋಬೇಕು.

— ನಂದೀಶ ಬಂಡಿವಾಡ, ರೈತ