ಸುಖ, ಶಾಂತಿಗಾಗಿ ದೇವಸ್ಥಾನಗಳ ಅಭಿವೃದ್ಧಿ

ಅರಕೆರೆ ಗ್ರಾಮದ ಶ್ರೀ ಬಸವೇಶ್ವರ ದೇವಸ್ಥಾನದ ಬಳಿ ಅಭಿವೃದ್ಧಿ ಕಾಮಗಾರಿಗೆ ಇತ್ತೀಚೆಗೆ ಭೂಮಿಪೂಜೆ ನೆರವೇರಿಸಿ ಮಾತನಾಡಿದರು.

ಸುಖ ಶಾಂತಿ ನೆಮ್ಮದಿಗಾಗಿ ಗ್ರಾಮಗಳಲ್ಲಿ ದೇವಸ್ಥಾನಗಳ ಅಭಿವೃದ್ಧಿ ಆಗಬೇಕು. ಅದರಲ್ಲೂ ಅರಕೆರೆ ಗ್ರಾಮದಲ್ಲಿರುವ ಈ ಬಸವೇಶ್ವರ ಶಕ್ತಿಶಾಲಿ, ಭಕ್ತಿಯಿಂದ ಬೇಡಿದ ವರವನ್ನು ಕರುಣಿಸುತ್ತಾನೆ. ದೇವರ ಪವಾಡಗಳು ಈಗಾಗಲೇ ನಮಗೆ ಅನುಭವ ಆಗಿದೆ. ಕಳೆದ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ದಿ.ಧ್ರುವನಾರಾಯಣ ಅವರ ನೇತೃತ್ವದಲ್ಲಿ ರವಿಶಂಕರ್ ಅವರು ಇದೇ ದೇವಸ್ಥಾನದಲ್ಲಿ ಮೊದಲ ಪೂಜೆ ಸಲ್ಲಿಸಿ ಜನಾಶೀರ್ವಾದ ಕಾರ್ಯಕ್ರಮವನ್ನು ಪ್ರಾರಂಭಿಸಿದರು. ಬಸವೇಶ್ವರರ ಆಶೀರ್ವಾದದಿಂದ ಅಧಿಕ ಮತಗಳಿಂದ ರವಿಶಂಕರ್ ವಿಧಾನಸಭಾ ಕ್ಷೇತ್ರದಲ್ಲಿ ಆಯ್ಕೆಯಾಗಿ ಶಾಸಕರಾಗಿದ್ದಾರೆ. ಹಾಗಾಗಿ ಈ ದೇವಸ್ಥಾನ ನಿರ್ಮಾಣ ಮಾಡುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿದೆ ಎಂದರು.

ದೇವಸ್ಥಾನ ಪೂರ್ಣಗೊಳ್ಳಲು ಸುಮಾರು 50 ಲಕ್ಷ ರೂ. ಆಗುತ್ತದೆ ಎಂಬ ಮಾಹಿತಿ ಇದ್ದು, ಮೊದಲ ಅನುದಾನ 25 ಲಕ್ಷ ಬಿಡುಗಡೆ ಆಗಿದೆ. ಜತೆಗೆ ಇನ್ನಷ್ಟು ಅನುದಾನ ಮಂಜೂರು ಮಾಡಿಸುವ ಮೂಲಕ ದೇವಸ್ಥಾನ ನಿರ್ಮಾಣ ಮಾಡಲು ಮುಂದಾಗೋಣ. ಒಂದಷ್ಟು ದಾನಿಗಳು ಸೇರಿದಂತೆ ಗ್ರಾಮದ ಎಲ್ಲರ ಸಹಕಾರ ಈ ದೇವಸ್ಥಾನಕ್ಕೆ ಇನ್ನಷ್ಟು ಹೆಚ್ಚಿನ ರೀತಿಯಲ್ಲಿ ಹರಿದು ಬರಲಿ ಎಂದು ಎಲ್ಲರಲ್ಲಿ ಮನವಿ ಮಾಡಿದರು.

ಸಂದರ್ಭದಲ್ಲಿ ಗ್ಯಾರಂಟಿ ಯೋಜನೆಗಳ ತಾಲೂಕು ಸಮಿತಿ ಅಧ್ಯಕ್ಷ ಉದಯ್‌ಶಂಕರ್, ಎಸ್‌ಟಿ ಘಟಕದ ಕಾಂಗ್ರೆಸ್ ಅಧ್ಯಕ್ಷ ನರಸಿಂಹ ನಾಯಕ, ಗ್ರಾಪಂ ಮಾಜಿ ಸದಸ್ಯ ಯತಿರಾಜ್, ಎಸ್.ಕುಮಾರ್ ಮಂಜಪ್ಪ, ಸಿ.ಪಿ.ಕುಮಾರ್, ಸ್ವಾಮಿ, ಶಿವರಾಜ್, ಮಹದೇವ, ಪ್ರಕಾಶ್, ಆರ್.ಮಂಜಪ್ಪ, ಶಂಕರಪ್ಪ, ಪಾಟೀಲ್, ಚಂದ್ರಪ್ಪ, ಶಿವಣ್ಣ, ನಾಡಗೌಡ ಕುಮಾರಸ್ವಾಮಿ , ಬೋರಪ್ಪನಾಯಕ, ಗಾರೆಕೃಷ್ಣ, ಕೆಂಚನಹಳ್ಳಿಪ್ರಸನ್ನ, ಕಾಂತರಾಜ್, ಕಲಾವಿದ, ವೆಂಕಟೇಶ್, ಮಹದೇವ್ ನಾರಾಯಣಪ್ಪ, ರಾಜಣ್ಣ, ಮಂಜು, ಅಪ್ಪು, ಕಾಳೇಗೌಡ, ನಾಗರಾಜೇಗೌಡ, ರಘು, ಮಂಜು ಇತರರಿದ್ದರು.