ಕಾಯಿಲೆ ಉಲ್ಬಣಕ್ಕೂ ಮುನ್ನ ರೋಗ ಪತ್ತೆ

ನಗರದ ಸರ್ಕಾರಿ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ವೋಲ್ವೋ ಗ್ರೂಪ್​ ಮತ್ತು ನಾರಾಯಣ ಹೆಲ್ತ್​ ಸಹಯೋಗದ ವೆಲ್ನೆಸ್​ ಆನ್​ವೀಲ್​ ಸಂಚಾರಿ ಆರೋಗ್ಯ ಕೇಂದ್ರಕ್ಕೆ ಚಾಲನೆ ನೀಡಿ ಮಾತನಾಡಿ, ವೋಲ್ವೋ ಗ್ರೂಪ್​ ಮತ್ತು ನಾರಾಯಣ ಹೆಲ್ತ್​ ಸಹಯೋಗದ ವೆಲ್ನೆಸ್​ ಆನ್​ ವೀಲ್​ ಸಂಚಾರಿ ವಾಹನ ನೇರವಾಗಿ ಹಳ್ಳಿಗಳಿಗೆ ಹೋಗುವುದರಿಂದ ಮುಂಚಿತವಾಗಿಯೇ ರೋಗ ಪತ್ತೆಯಾಗುತ್ತದೆ. ಹೃದಯಾಘಾತ ಮತ್ತು ಕ್ಯಾನ್ಸರ್​ನಿಂದ ಆಗುವ ಸಾವಿನ ಪ್ರಮಾಣವನ್ನು ತಗ್ಗಿಸುವುದು ನಮ್ಮ ಮುಖ್ಯ ಗುರಿ ಎಂದು ತಿಳಿಸಿದರು.

ನಾರಾಯಣ ಹೆಲ್ತ್​ ಕ್ಯಾಂಪ್​ ಮ್ಯಾನೇಜರ್​ ದೇವರಾಜ ನಾಯಕ್​ ಮಾತನಾಡಿ, ತಾಲೂಕುಮಟ್ಟದಲ್ಲಿ ಇದೇ ಮೊದಲ ಬಾರಿಗೆ ಈ ಮಾದರಿಯ ಸಮಗ್ರ ತಪಾಸಣಾ ಸೇವೆ ಆರಂಭಿಸಿದ್ದೇವೆ. ಈಗಾಗಲೇ 9 ಜಿಲ್ಲೆಗಳಲ್ಲಿ ಯಶಸ್ವಿಯಾಗಿ ನಡೆಯುತ್ತಿದೆ. ಶಿರಾ ತಾಲೂಕಿನ ಎಲ್ಲ ಪ್ರಾಥಮಿಕ ಆರೋಗ್ಯ ಕೇಂದ್ರಗಳ ವ್ಯಾಪ್ತಿಯಲ್ಲಿ ಆಶಾ ಕಾರ್ಯಕರ್ತರ ಮೂಲಕ 30 ವರ್ಷ ಮೇಲ್ಪಟ್ಟವರನ್ನು ಗುರುತಿಸಿ ಕ್ಯಾಂಪ್​ಗೆ ಕರೆತರಲಾಗುವುದು. ಪರೀಕ್ಷೆಯಲ್ಲಿ ಸಮಸ್ಯೆ ಕಂಡು ಬಂದರೆ ನಾರಾಯಣ ಹೆಲ್ತ್​ ಆಸ್ಪತ್ರೆಗಳಲ್ಲಿ ರಿಯಾಯಿತಿ ದರದಲ್ಲಿ ಚಿಕಿತ್ಸೆ ನೀಡಲಾಗುವುದು ಎಂದರು.

ಈ ಮೊಬೈಲ್​ ಘಟಕದಲ್ಲಿ ಹೃದ್ರೋಗ ಮತ್ತು ಕ್ಯಾನ್ಸರ್​ಗೆ ಸಂಬಂಧಿಸಿದ ಪರೀಕ್ಷೆಯನ್ನು ಉಚಿತವಾಗಿ ಮಾಡಲಾಗುತ್ತದೆ. ಡಿಜಿಟಲ್​ ಎಕ್ಸ್​ರೇ, ಇಸಿಜಿ, 2ಡಿ ಎಕೋ, ಸ್ತನ ಕ್ಯಾನ್ಸರ್​ ಸ್ಕ್ರೀನಿಂಗ್​, ಗರ್ಭಕಂಠ ಕ್ಯಾನ್ಸರ್​ ತಪಾಸಣೆ, ಮಧುಮೇಹ, ರಕ್ತದೊತ್ತಡ ಸೇರಿ 25ಕ್ಕೂ ಹೆಚ್ಚು ರಕ್ತ ಪರೀಕ್ಷೆ ಲಭ್ಯವಿವೆ ಎಂದರು.

ಈ ಸಂಚಾರಿ ಘಟಕ ಮುಂದಿನ ದಿನಗಳಲ್ಲಿ ಶಿರಾ ತಾಲೂಕಿನ ಎಲ್ಲ ಹೋಬಳಿಗಳಲ್ಲಿ ಸಂಚರಿಸಲಿದೆ. ದಿನವೊಂದಕ್ಕೆ 80ರಿಂದ 100 ಜನರಿಗೆ ತಪಾಸಣೆ ಮಾಡುವ ಗುರಿ ಹೊಂದಲಾಗಿದೆ. ಬೆಳಗ್ಗೆ 9ರಿಂದ ಸಂಜೆ 4ರವರೆಗೆ ಸೇವೆ ಲಭ್ಯವಿದೆ. ಆಧಾರ್​ ಕಾರ್ಡ್​ ಕಡ್ಡಾಯ ಎಂದು ತಿಳಿಸಿದರು.