ಎಸ್‌ಟಿಗೆ ರಾಯರಾವತ್ ಸಮಾಜ ಸೇರಿಸಲು ಒತ್ತಾಯ

ರಾಜ್ಯದಲ್ಲಿ ಪ್ರವರ್ಗ 1ಕ್ಕೆ ಸೇರುವ 94 ಜಾತಿಗಳಿವೆ. ಈ ಜಾತಿಗಳಲ್ಲಿ ಒಳಜಾತಿ, ಉಪಜಾತಿಗಳನ್ನೊಳಗೊಂಡ ಒಟ್ಟು 380 ಜಾತಿಗಳನ್ನು ಗುರುತಿಸಲಾಗಿದ್ದು, ರಾಜ್ಯ ಸರ್ಕಾರ ಈ ವರ್ಗಕ್ಕೆ ನೀಡಿರುವ ಮೀಸಲಾತಿ ಕೇವಲ ಶೇ.0.4 ಮಾತ್ರ ಆಗಿದೆ. ಇದು ಸಣ್ಣ ಪುಟ್ಟ ಸಮುದಾಯಗಳಿಗೆ ಘೋರ ಅನ್ಯಾಯವಾಗಿದ್ದು, ಮುಖ್ಯವಾಗಿ ರಾಯರಾವತ್ ಸಮುದಾಯ ಈವರೆಗೂ ಯಾವುದೇ ರಾಜಕೀಯ ಅಧಿಕಾರ ಪಡೆಯಲು ಸಾಧ್ಯವಾಗಿಲ್ಲ. ದೇಶದ ಭೂಸೇನಾ ಮಹಾದಂಡನಾಯಕರಾಗಿದ್ದ ಬಿಪಿನ್ ರಾವತ್‌ರಂತಹ ದಿಗ್ಗಜರು ದೇಶ ಸೇವೆಗಾಗಿ ತಮ್ಮ ಪ್ರಾಣವನ್ನೇ ಮುಡಿಪಾಗಿಟ್ಟರು.

ರಾಯರಾವತ್ ಸಮಾಜದಲ್ಲಿ ಕೃಷಿಕರು ಮತ್ತು ಕುಶಲಕರ್ಮಿಗಳಿದ್ದು, ಸರ್ಕಾರ ಹಿಂದುಳಿದ ವರ್ಗಗಳ ಆಯೋಗದಿಂದ ಸಮುದಾಯದ ಗಣತಿಕಾರ್ಯ ನಡೆಸಿ ಎಸ್‌ಟಿ ಸಮುದಾಯಕ್ಕೆ ಸೇರ್ಪಡೆಗೊಳಿಸಬೇಕೆಂದು ಹೇಳಿಕೆಯಲ್ಲಿ ಆಗ್ರಹಿಸಿದ್ದಾರೆ.