21ರಂದು ಬೃಹತ್ ತಾಲೂಕು ಹೋರಾಟಕ್ಕೆ ನಿರ್ಧಾರ

ನಗರದ ಜಿಎಲ್‌ಬಿಸಿ ಅತಿಥಿಗಹದಲ್ಲಿ ಸೋಮವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಹೋರಾಟ ಸಮಿತಿ ಅಧ್ಯಕ್ಷ ಸಂಗಪ್ಪ ಹಲ್ಲಿ, ರೈತ ಮುಖಂಡರಾದ ಬಸವಂತ ಕಾಂಬಳೆ, ಗಂಗಾಧರ ಮೇಟಿ ಹಾಗೂ ಜಿಪಂ ಮಾಜಿ ಸದಸ್ಯ ಮಹಾಂತೇಶ ಹಿಟ್ಟಿನಮಠ ಈ ಮಾಹಿತಿ ನೀಡಿದರು.

ಅಂದು ರೈತರ ಹಕ್ಕುಗಳಿಗಾಗಿ ಪ್ರಾಣ ತ್ಯಾಗ ಮಾಡಿದ ರೈತ ಹುತಾತ್ಮರಿಗೆ ಶ್ರದ್ಧಾಂಜಲಿ ಸಲ್ಲಿಸಿ, ಅವರ ತ್ಯಾಗ ಮತ್ತು ಹೋರಾಟದ ಆದರ್ಶವನ್ನು ಸ್ಮರಿಸುವ ಕಾರ್ಯಕ್ರಮ ನಡೆಯಲಿದೆ. ಬಳಿಕ ನಗರದ ಬಸವೇಶ್ವರ ವತ್ತದಿಂದ ಬಹತ್ ಮೆರವಣಿಗೆ ಆರಂಭವಾಗಿ ಪ್ರಮುಖ ರಸ್ತೆಗಳಲ್ಲಿ ಸಂಚರಿಸಿ ರಾಣಿ ಚನ್ನಮ್ಮ ವತ್ತದ ಸಮೀಪದ ಹೋರಾಟದ ವೇದಿಕೆ ತಲುಪಲಿದೆ. ನಂತರ ನಡೆಯುವ ಸಾರ್ವಜನಿಕ ಸಭೆಯಲ್ಲಿ ರಾಜ್ಯದ ವಿವಿಧ ರೈತ ನಾಯಕರು ಪಾಲ್ಗೊಳ್ಳಲಿದ್ದಾರೆ.

ಸುಮಾರು 5 ಸಾವಿರದಿಂದ 10 ಸಾವಿರಕ್ಕೂ ಅಕ ಜನರು ಹೋರಾಟದಲ್ಲಿ ಭಾಗವಹಿಸುವ ನಿರೀಕ್ಷೆಯಿದ್ದು, ರೈತ, ಕನ್ನಡಪರ, ಕಾರ್ಮಿಕ, ಮಹಿಳಾ, ಯುವಜನ ಹಾಗೂ ವಿವಿಧ ಸಾಮಾಜಿಕ ಸಂಘಟನೆಗಳು ಒಂದೇ ವೇದಿಕೆಯಲ್ಲಿ ಸೇರಲಿವೆ ಎಂದು ಮುಖಂಡರು ತಿಳಿಸಿದರು.

ಇದು ಯಾವುದೇ ರಾಜಕೀಯ ಪಕ್ಷ ಅಥವಾ ವ್ಯಕ್ತಿಯ ವಿರುದ್ಧದ ಪ್ರತಿಭಟನೆ ಅಲ್ಲ. ಮಹಾಲಿಂಗಪುರಕ್ಕೆ ತಾಲೂಕು ಸ್ಥಾನಮಾನ ದೊರಕಿಸುವ ಉದ್ದೇಶದ ಅಭಿವದ್ಧಿ ಪರ ಜನಾಂದೋಲನವಾಗಿದ್ದು, ಹೋರಾಟದಲ್ಲಿ ಯಾವುದೇ ರಾಜಕೀಯ ಪಕ್ಷದ ಧ್ವಜ, ಬ್ಯಾನರ್ ಅಥವಾ ಘೋಷಣೆಗಳಿಗೆ ಅವಕಾಶ ಇರುವುದಿಲ್ಲ. ಪಕ್ಷಾತೀತವಾಗಿ ಎಲ್ಲರೂ ಭಾಗವಹಿಸಿ ತಾಲೂಕು ಘೋಷಣೆಗೆ ಒಗ್ಗಟ್ಟಿನ ಧ್ವನಿ ಎತ್ತುವಂತೆ ಅವರು ಮನವಿ ಮಾಡಿದರು.

ಯಂಕಣ್ಣ ಮಳಲಿ, ಮಹಾದೇವ ಮಡಿವಾಳ, ಸಿದ್ದು ಉಳ್ಳಾಗಡ್ಡಿ, ಶ್ರೀಕಾಂತ ಗುಳನ್ನವರ, ಹೊನ್ನಪ್ಪ ಬಿರಡಿ, ವಿರೇಶ ಆಸಂಗಿ, ಹನುಮಂತ ಜಮಾದಾರ, ಮುರಿಗೆಪ್ಪ ತೇರದಾಳ, ಅಶೋಕ ದೇಸಾಯಿ, ಪರಮಾನಂದ ಸಂಕ್ರಟ್ಟಿ, ಸಿದ್ದು ಶಿರೋಳ, ಭೀಮಶಿ ಕರಿಗೌಡರ ಸೇರಿ ಹಲವು ರೈತ ಮುಖಂಡರು ಹಾಗೂ ವಿವಿಧ ಸಂಘಟನೆಗಳ ಪದಾಧಿಕಾರಿಗಳು ಉಪಸ್ಥಿತರಿದ್ದರು.