ಈ ರಸ್ತೆಯಲ್ಲಿ ಬೀದಿ ದೀಪಗಳಿಲ್ಲದ್ದರಿಂದ ರಾತ್ರಿ ವೇಳೆಯಲ್ಲಿ ಸಂಚರಿಸುವುದು ಕಷ್ಟವಾಗುತ್ತಿದೆ. ಗುಂಡಿಗಳನ್ನು ಗುರುತಿಸಲು ಸಾಧ್ಯವಾಗುತ್ತಿಲ್ಲ. ಕಾರುಗಳು ಬಂದರೆ ಗುಂಡಿಗಳಲ್ಲಿ ಸಿಲುಕಿಕೊಳ್ಳುತ್ತಿವೆ. ಯಾರಾದರೂ ಇಳಿದು ತಳ್ಳುವ ಸ್ಥಿತಿ ಇದೆ. ಆಂಬುಲೆನ್ಸ್ಗಳಂತೂ ಬರುವುದಕ್ಕೂ ಸಾಧ್ಯವಾಗಲ್ಲ. ನಾವು ಎಷ್ಟು ಮನವಿ ಮಾಡಿದರೂ ಈ ರಸ್ತೆಗೆ ಮುಕ್ತಿ ಸಿಕ್ಕಿಲ್ಲ. ಸುಮಾರು 30 ವರ್ಷಗಳಿಂದ ಈ ರಸ್ತೆಗೆ ಡಾಂಬರೀಕರಣವಾಗಿಲ್ಲ. ಮಳಮಾಚನಹಳ್ಳಿಯ ಕಡೆಯಿಂದ ಬರುವ ಬಹುತೇಕ ವಾಹನ ಸವಾರರು, ಕೈವಾರಕ್ಕೆ ಹೋಗುವುದಕ್ಕೆ ಈ ರಸ್ತೆಯನ್ನು ಬಳಕೆ ಮಾಡಿಕೊಳ್ಳುತ್ತಾರೆ. ಗುಂಡಿಗಳನ್ನಾದರೂ ಮುಚ್ಚಿದರೆ ಅನುಕೂಲವಾಗಲಿದೆ ಎಂದು ಸ್ಥಳಿಯ ರೈತ ಮುನಿರಾಜಪ್ಪ ಮನವಿ ಮಾಡಿದರು.
