ಸಾರ್ವಜನಿಕರಿಂದ ಅಹವಾಲು ಸ್ವೀಕರಿಸಿದ ಡಿಸಿ dc

ಕಂದಾಯ ಇಲಾಖೆ ಸಿಬ್ಬಂದಿ ಸಭೆ ಕರೆದು ಬಾಕಿ ಇರುವ ಪಿನಂಬರ್​ ಪೋಡಿ, ದರಖಾಸ್ತು, ಮಾಸಾಶನ, ಕೆರೆ ಒತ್ತುವರಿ, ನಿವೇಶನಗಳ ಹಂಚಿಕೆ, ಈ ಎಲ್ಲ ವಿಷಯಗಳ ಪ್ರಗತಿ ವರದಿ ಪರಿಗಣಿಸಿ ನಂತರ ಸಾರ್ವಜನಿಕರಿಂದ ಅಹವಾಲು ಸ್ವೀಕರಿಸಲಾಯಿತು.

ಕೃಷಿಗೆ ಬೇಕಾದ ಡ್ರಿಪ್​, ಪೇಪರ್​, ಟೈನ್​ ಉರಿ, ಪೈಪ್​, ಇತರೆ ಸಲಕರಣೆಗಳನ್ನು ತಾಲೂಕಿನ ಅಂಗಡಿಗಳಲ್ಲಿ ಮಾಲೀಕರು ಏಕಾಏಕಿ ದಿಢೀರನೆ ಬೆಲೆ ಏರಿಕೆ ಮಾಡಿರುವುದರಿಂದ ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಇವರ ಮೇಲೆ ಸೂಕ್ತ ಕ್ರಮ ಜರುಗಿಸಬೇಕೆಂದು ರಾಜ್ಯ ಸಂಘ ಹಾಗೂ ಹಸಿರು ಸೇನೆ ಮುಖಂಡರು ಮನವಿ ಮಾಡಿದರು.

ಕೇತಗಾನಹಳ್ಳಿ ರೈತ ನಾಗರಾಜ್​ ಅವರು, ನ್ಯಾಯಾಲಯದ ಆದೇಶವಿದ್ದರೂ ನಮ್ಮ ಜಮೀನುಗಳನ್ನು ಉಳುಮೆ ಮಾಡಲು ಅರಣ್ಯ ಇಲಾಖೆ ಅಧಿಕಾರಿಗಳು ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ. ಕೂಡಲೇ ವ್ಯವಸಾಯ ಮಾಡಲು ಅನುವು ಮಾಡಿಕೊಡಬೇಕು ಎಂದು ಮನವಿ ಸಲ್ಲಿಸಿದರು.