ಆಳಂದ ತಾಲ್ಲೂಕಿನ ಪಡಸಾವಳಗಿ ಸರಕಾರಿ ಪ್ರೌಢ ಶಾಲೆಯ ಕಾವೇರಿ, ಚಿತಲಿಯ ಸರಕಾರಿ ಪ್ರೌಢ ಶಾಲೆಯ ಸಾಕ್ಷಿ, ಸೇಡಂ ತಾಲೂಕಿನ ಬಿಬ್ಬಳ್ಳಿಯ ಆರ್.ಎಂ.ಎಸ್.ಎ ಪ್ರೌಢ ಶಾಲೆಯ ಸಪ್ನಾ ಪಾಟೀಲ, ಕೊಡದೂರ ಪ್ರೌಢ ಶಾಲೆಯ ರಾಜು, ಜೇವರ್ಗಿ ತಾಲ್ಲೂಕಿನ ವರ್ಷ, ಚಿತ್ತಾಪೂರ ತಾಲ್ಲೂಕಿನ ಶಾಂತರೆಡ್ಡಿ, ಹೀಗೆ ವಿವಿಧ ತಾಲೂಕುಗಳಿಂದ ಹಾಗೂ ಯಾದಗಿರಿ ಜಿಲ್ಲೆಯಿಂದಲೂ ವಿದ್ಯಾರ್ಥಿಗಳು ಕರೆ ಮಾಡಿ ತಮ್ಮಲ್ಲಿ ಅಡಗಿರುವ ಪ್ರಶ್ನೆಗೆ ಉತ್ತರ ಕಂಡುಕೊಂಡರು. ಎಲ್ಲಾ ಪ್ರಶ್ನೆಗಳನ್ನು ಶಾಂತಚಿತ್ತದಿಂದ ಆಲಿಸಿದ ಜಿಲ್ಲಾಧಿಕಾರಿಗಳು ಮತ್ತು ಜಿಲ್ಲಾ ಪಂಚಾಯತ್ ಸಿ.ಇ.ಓ ಅವರು ವಿದ್ಯಾರ್ಥಿಗಳ ಪರೀಕ್ಷಾ ಭಯ ನಿವಾರಣೆ, ಪಲಿತಾಂಶ ಸುಧಾರಣೆ ಮತ್ತು ಅಭ್ಯಾಸಕ್ಕಾಗಿ ಪ್ರೇರಣೆಗೊಳಿಸುವ ಮಾತನಾಡಿ, ಮಕ್ಕಳಿಗೆ ಚೆನ್ನಾಗಿ ಪರೀಕ್ಷೆ ಬರೆಯುವಂತೆ ಹುರಿದುಂಬಿಸಿದರು.
