ರಾಜ್ಯ

ಆರ್ಥಿಕ ಶಕ್ತಿ ಹೆಚ್ಚಿಸಲು ಹೈನುಗಾರಿಕೆ ಸಹಕಾರಿ / DEVANAHALLI

ದೇವನಹಳ್ಳಿಯಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಸೈಲೇಜ್​ ಯಂತ್ರವನ್ನು ಸಚಿವ ಕೆ.ಎಚ್​. ಮುನಿಯಪ್ಪ ಉದ್ಘಾಟಿಸಿದರು. ಬೆಂಗಳೂರು ಸಹಕಾರ ಹಾಲು ಒಕ್ಕೂಟದ ನಿರ್ದೇಶಕ ಎಸ್​.ಪಿ. ಮುನಿರಾಜು, ಜಿಲ್ಲಾ ಗ್ಯಾರಂಟಿ ಯೋಜನೆಯ ಅಧ್ಯಕ್ಷ ಬಿ. ರಾಜಣ್ಣ, ಬಯಪ ಅಧ್ಯಕ್ಷ ವಿ. ಶಾಂತಕುಮಾರ್​, ನಿರ್ದೇಶಕ ಸಿ ಪ್ರಸನ್ನ ಕುಮಾರ್​ ಇದ್ದರು.
ದೇವನಹಳ್ಳಿಯಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಸೈಲೇಜ್​ ಯಂತ್ರವನ್ನು ಸಚಿವ ಕೆ.ಎಚ್​. ಮುನಿಯಪ್ಪ ಉದ್ಘಾಟಿಸಿದರು. ಬೆಂಗಳೂರು ಸಹಕಾರ ಹಾಲು ಒಕ್ಕೂಟದ ನಿರ್ದೇಶಕ ಎಸ್​.ಪಿ. ಮುನಿರಾಜು, ಜಿಲ್ಲಾ ಗ್ಯಾರಂಟಿ ಯೋಜನೆಯ ಅಧ್ಯಕ್ಷ ಬಿ. ರಾಜಣ್ಣ, ಬಯಪ ಅಧ್ಯಕ್ಷ ವಿ. ಶಾಂತಕುಮಾರ್​, ನಿರ್ದೇಶಕ ಸಿ ಪ್ರಸನ್ನ ಕುಮಾರ್​ ಇದ್ದರು.
ಬೆಂಗಳೂರು ಗ್ರಾಮಾಂತರ ಡೆಸ್ಕ್
Published on: 
ದೇವನಹಳ್ಳಿ : ರೇಷ್ಮೆ ಮತ್ತು ಹೈನುಗಾರಿಕೆ ರೈತರಿಗೆ ಎರಡು ಕಣ್ಣುಗಳಿದ್ದಂತೆ. ಹೈನುಗಾರಿಕೆ ಆರ್ಥಿಕ ಶಕ್ತಿ ಹೆಚ್ಚಲು ಸಹಕಾರಿಯಾಗುತ್ತದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಚ್​. ಮುನಿಯಪ್ಪ ತಿಳಿಸಿದರು.
ದೇವನಹಳ್ಳಿ ಹಾಲು ಶಿಬಿರ ಕಚೇರಿ ಆವರಣದಲ್ಲಿ ಬೆಂಗಳೂರು ಸಹಕಾರ ಹಾಲು ಒಕ್ಕೂಟ ವತಿಯಿಂದ ಹಮ್ಮಿಕೊಂಡಿದ್ದ ಸೈಲೇಜ್​ ಯಂತ್ರ ಉದ್ಘಾಟನೆ ಹಾಗೂ ಟ್ರಾ$್ಯಕ್ಟರ್​ ಮತ್ತು ಹಸು ಮ್ಯಾಟ್​ ವಿತರಣಾ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.
ಹೊಸ ತಂತ್ರಜ್ಞಾನ ಬಳಸಿಕೊಂಡು ರೈತರು ಹೈನುಗಾರಿಕೆ ಮಾಡಿಕೊಂಡು ಹೋಗಬೇಕು. ಹಸಿ ಮೇವನ್ನು ಹೆಚ್ಚು ಹಾಕುವುದರಿಂದ ಹಾಲು ಉತ್ಪಾದನೆ ಹೆಚ್ಚಿಸಲು ಸಹಕಾರಿಯಾಗಲಿದೆ. ಸೈಲೇಜ್​ ಯಂತ್ರ ಮೂಲಕ ಹಸಿ ಜೋಳದ ಮೇವು ಸಂಗ್ರಹಿಸಿ ಸೈಲೇಜ್​ ಮೂಲಕ ಶೇಖರಿಸಿ ಒಂದು ವರ್ಷ ಆ ಬ್ಯಾಗಿನಲ್ಲಿ ಇಡುವುದರಿಂದ ಹಸುಗಳಿಗೆ ಹೆಚ್ಚು ಉಪಯುಕ್ತವಾಗಿ ಹೆಚ್ಚು ಅನುಕೂಲವಾಗಲಿದೆ ಎಂದರು.
ಬೆಂಗಳೂರು ಸಹಕಾರ ಹಾಲು ಒಕ್ಕೂಟದ ನಿರ್ದೇಶಕ ಎಸ್​.ಪಿ. ಮುನಿರಾಜು ಮಾತನಾಡಿ, ಜೋಳದ ಹಸಿ ಮೇವು ಸಂಗ್ರಹಿಸಿ ಸೈಲೇಜ್​ ಬ್ಯಾಗಿನಲ್ಲಿಟ್ಟು ಒಂದು ವರ್ಷ ಹಾಲು ಉತ್ಪಾದಕ ರೈತರು ಬಳಸಬಹುದು. ಸೈಲೇಜ್​ ಯಂತ್ರದಲ್ಲಿ ಖಾಸಗಿ ಅವರು ಒಂದು ಕೆಜಿಗೆ 10 ರೂಪಾಯಿ ತೆಗೆದುಕೊಳ್ಳುತ್ತಾರೆ. ಆದರೆ, ನಾವು ರೈತರು ಜೋಳದ ಕಡ್ಡಿಗಳನ್ನು ತೆಗೆದುಕೊಂಡು ಬಂದರೆ ಕಾರ್ಮಿಕರ ಕೂಲಿ ವೆಚ್ಚ, ಡೀಸೆಲ್​ ಖರ್ಚು, ಸೈಲೇಜ್​ 50 ರಿಂದ 60 ಕೆಜಿ ಬ್ಯಾಗ್​ ದರ ಮಾತ್ರ ತೆಗೆದುಕೊಳ್ಳುತ್ತೇವೆ ಎಂದು ಹೇಳಿದರು.
ದೇವನಹಳ್ಳಿ ಬ್ಲಾಕ್​ ಕಾಂಗ್ರೆಸ್​ ಅಧ್ಯಕ್ಷ ಕೆ.ಸಿ. ಮಂಜುನಾಥ್​, ವಿಜಯಪುರ ಬ್ಲಾಕ್​ ಕಾಂಗ್ರೆಸ್​ ಅಧ್ಯಕ್ಷ ದಿನ್ನೂರು ವೆಂಕಟೇಶ್​, ಜಿಲ್ಲಾ ಕಾಂಗ್ರೆಸ್​ ಎಸ್​.ಸಿ. ವಿಭಾಗದ ಅಧ್ಯಕ್ಷ ಚೌಡಪ್ಪನಹಳ್ಳಿ ಲೋಕೇಶ್​, ದೇವನಹಳ್ಳಿ ಶಿಬಿರ ಕಚೇರಿಯ ಮುಖ್ಯಸ್ಥ ಮುನಿರಾಜು, ದೇವನಹಳ್ಳಿ ಶಿಬಿರ ಕಚೇರಿಯ ಪಶು ಮುಖ್ಯಸ್ಥ ಡಾ. ಭರತ್​, ಡಾ. ಮಹದೇವ್​, ದೇವನಹಳ್ಳಿ ಶಿಬಿರ ಕಚೇರಿಯ ಸಿಬ್ಬಂದಿ ಇದ್ದರು.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net