ಜಮೀನು ದೊರೆತರೆ ಬಸ್​ ನಿಲ್ದಾಣ ನಿರ್ಮಾಣ

ತಾಲೂಕಿನ ದಂಡಿನಶಿವರದಲ್ಲಿ ಇನ್ನರ್​ ವೀಲ್​ ಕ್ಲಬ್​ ಆಪ್​ ಸಂಕಲ್ಪದಿಂದ ನಿರ್ಮಿಸಲಾದ ಪ್ರಯಾಣಿಕರ ವಿಶ್ರಾಂತಿ ತಾಣವನ್ನು ಲೋಕಾರ್ಪಣೆ ಮಾಡಿ ಮಾತನಾಡಿ, ದಂಡಿನಶಿವರ ಹೋಬಳಿ ಕೇಂದ್ರ, ಇಲ್ಲಿಗೆ ಸುಸಜ್ಜಿತ ಬಸ್​ ನಿಲ್ದಾಣ ಅವಶ್ಯಕವಾಗಿದೆ. ನಿಲ್ದಾಣಕ್ಕಾಗಿ ಸ್ಥಳ ಕೊರತೆ ಇರುವ ಕಾರಣ ಬಸ್​ ನಿಲ್ದಾಣ ಮಾಡಲಾಗಿಲ್ಲ. ಸ್ಥಳಿಯರು ಜಮೀನು ಒದಗಿಸಿದಲ್ಲಿ ಸಾರಿಗೆ ಸಚಿವರಿಂದ 2 ಕೋಟಿ ರೂ. ಅನುದಾನ ತಂದು ಬಸ್​ ನಿಲ್ದಾಣ ಮಾಡಲಾಗುವುದು ಎಂದರು.

ಈ ಜಮೀನನ್ನು ಶಿಕ್ಷಣ ಇಲಾಖೆ ನೀಡಲು ಒಪ್ಪಿದರೇ ಶಿಕ್ಷಣ ಸಚಿವರ ಹತ್ತಿರ ಮಾತನಾಡಿ ಕೆಎಸ್​ಆರ್​ಟಿಸಿ ನಿಗಮಕ್ಕೆ ವರ್ಗಾವಣೆ ಮಾಡಿಸಿ ನಂತರ ಬಸ್​ ನಿಲ್ದಾಣ ಮಾಡಲು ರೂಪುರೇಷೆ ಸಿದ್ಧಪಡಿಸಲಾಗುವುದು ಎಂದರು.

ಮಹಿಳೆಯರು ಅಡುಗೆ ಮನೆಗೆ ಸೀಮಿತರಾಗಿಲ್ಲ. ಇಂದು ಎಲ್ಲ ಕ್ಷೇತ್ರದಲ್ಲಿ ಸಾಧನೆ ಮಾಡುತ್ತಿದ್ದಾರೆ. ಇನ್ನರ್​ವೀಲ್​ ಕ್ಲಬ್​ ಮೂಲಕ ಮಹಿಳೆಯರೆ ಒಟ್ಟುಗೂಡಿ ತಮ್ಮ ಒತ್ತಡದ ಬದುಕಿನ ನಡುವೆ ಸಮಾಜ ಸೇವೆ ಮಾಡುತ್ತಿದ್ದಾರೆ. ಜನಪರ ಕಾರ್ಯಕ್ರಮಗಳ ಜತೆ 3 ಪ್ರಯಾಣಿಕರ ವಿಶ್ರಾಂತಿ ತಾಣ ನಿರ್ಮಿಸಿ ಸಾರ್ವಜನಿಕರಿಗೆ ಅನುಕೂಲ ಮಾಡಿದ್ದಾರೆ. ಇದರಿಂದ ಪ್ರಯಾಣಿಕರಿಗೆ, ವಿದ್ಯಾರ್ಥಿಗಳಿಗೆ ಅನುಕೂಲವಾಗಲಿದೆ. ಇಂತಹ ಜನಪರ ಕಾರ್ಯಕ್ರಮಗಳು ನಡೆಯಲಿ ಎಂದರು.

ಇನ್ನರ್​ ವೀಲ್​ ಅಧ್ಯಕ್ಷೆ ಇಂದಿರಾ ಪ್ರಭಾಕರ್​ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಗುಡಿಗೌಡ ಸಿದ್ಧೇಗೌಡ, ಮುಖಂಡ ಶಂಕರೇಗೌಡ, ಕ್ಲಬ್​ನ ಸ್ಥಾಪಕ ಅಧ್ಯೆ ಗೀತಾಸುರೇಶ್​, ಗೌರವ ಸಲಹೆಗಾರ ಡಾ.ಆಶಾಚೌದ್ರಿ, ಪಿಡಿಒ ಸಾವಿತ್ರಮ್ಮ, ರೋಟರಿ ಕ್ಲಬ್​ ಅಧ್ಯಕ್ಷ ಪ್ರಕಾಶ್​ಗುಪ್ತ, ಮಾಜಿ ಅಧ್ಯಕ್ಷ ಜಯರಾಮ್​, ಗ್ಯಾಸ್​ ಪ್ರಭು, ಕ್ಲಬ್​ ಕಾರ್ಯದರ್ಶಿ ಮಮತ ಅಶೋಕ್​, ಮಾಜಿ ಅಧ್ಯಕ್ಷೆ ಲತಾ ಪ್ರಸನ್ನಕುಮಾರ್​ ಇತರರಿದ್ದರು.