ಸೂಲಿಬೆಲೆ ಹೋಬಳಿ ಬೆಂಡಿಗಾನಹಳ್ಳಿಯಲ್ಲಿ ಬಮುಲ್ ನಿರ್ದೇಶಕ ಬಿ.ವಿ.ಸತೀಶಗೌಡ ಅವರನ್ನು ಹೊಸಕೋಟೆ ಶಿಬಿರದ ನಿವೃತ್ತ ಉಪ ವ್ಯವಸ್ಥಾಪಕ ಡಾ.ಶಿವಾಜಿನಾಯಕ್ ಸನ್ಮಾನಿಸಿದರು. ಜುನೈದ್ ಖಾನ್, ಹಸಿಗಾಳ ಜಗದೀಶ್, ಚಿಕ್ಕಹರಳಗೆರೆ ಜಗನ್ನಾಥ್, ಹೊಸಹಳ್ಳಿ ಜಯರಾಮ್, ಬೇಗೂರು ರಾಜಣ್ಣ ಇತರರು ಇದ್ದರು.
ಸೂಲಿಬೆಲೆ : ಹೈನುಗಾರಿಕೆ ಅವಲಂಬಿತ ಕುಟುಂಬಗಳ ಏಳಿಗೆಗೆ ನಾನು ಸದಾ ಸಹಕಾರ ನೀಡಲು ಸಿದ್ಧ ಎಂದು ಬಮುಲ್ ನಿರ್ದೇಶಕ ಬಿ.ವಿ.ಸತೀಶ್ಗೌಡ ಹೇಳಿದರು.
ಹೋಬಳಿಯ ಬೆಂಡಿಗಾನಹಳ್ಳಿಯಲ್ಲಿ ಬಮುಲ್ ನಿರ್ದೇಶಕರಾಗಿ 1 ವರ್ಷ ಪೂರೈಸಿದ ಹಿನ್ನೆಲೆಯಲ್ಲಿ ಹೊಸಕೋಟೆ ಶಿಬಿರದ ನಿವೃತ್ತ ಉಪವ್ಯವಸ್ಥಾಪಕ ಡಾ.ಶಿವಾಜಿನಾಯಕ್ ಅವರಿಂದ ಅಭಿನಂದನೆ ಸ್ವೀಕರಿಸಿ ಮಾತನಾಡಿದರು. ಸಾರ್ವಜನಿಕವಾಗಿ ತುಂಬಾ ಅಗತ್ಯವಿರುವ ಶುದ್ಧ ಕುಡಿಯುವ ನೀರಿನ ಅಗತ್ಯತೆಯನ್ನು ಪರಿಗಣಿಸಿ ಪ್ರತಿ ಗ್ರಾಮದಲ್ಲೂ ಶುದ್ಧ ಕುಡಿಯುವ ನೀರಿನ ಟಕದ ಸ್ಥಾಪನೆಗೆ ಕ್ರಮ ಕೈಗೊಳ್ಳಲಾಗುವುದು ಹಾಗೂ ಬಮುಲ್ ಅನುದಾನದಲ್ಲಿ ಹೈಮಾಸ್ಟ್ದೀಪಗಳನ್ನು ಸಹ ಆಳವಡಿಸಲು ಅನುವು ಮಾಡಿಕೊಡಲಾಗುವುದು ಎಂದರು.
ಪಶುಪಾಲನೆಯ ಕುಟುಂಬಗಳು ಹಾಗೂ ಹೈನುಗಾರಿಕೆ ಅವಲಂಬಿತ ಕುಟುಂಬಗಳಿಗೆ ಹೆಚ್ಚಿನ ಸಹಾಯ ಹಸ್ತ ನೀಡಲು ಬೆಂಗಳೂರು ಹಾಲು ಒಕ್ಕೂಟ ಸಿದ್ದವಿದ್ದು ಆರೋಗ್ಯ ವಿಮೆ, ಮರಣ ವಿಮೆ ಪಾವತಿ, ಅವಲಂಬಿತ ಕುಟುಂಬಗಳ ವಾರಸುದಾರರಿಗೆ ಚೆಕ್ ವಿತರಣೆ ಮಾಡಲಾಗಿದ್ದು ಇದರ ಜೊತೆಯಲ್ಲಿ ಪ್ರತಿಭಾ ಪುರಸ್ಕಾರವನ್ನು ನೀಡಲಾಗಿದೆ ಎಂದರು.
ಹೊಸಕೋಟೆ ಡೇರಿ ಶಿಬಿರದ ನಿವೃತ್ತ ಉಪವ್ಯವಸ್ಥಾಪಕ ಡಾ.ಶಿವಾಜಿನಾಯಕ್ ಮಾತನಾಡಿ, ಬಮುಲ್ ನಿರ್ದೇಶಕರಾಗಿ ಯಶಸ್ವಿಯಾಗಿ 1 ವರ್ಷದಲ್ಲಿ ೇತ್ರದಲ್ಲಿ ಹೈನುಗಾರಿಕೆ ಅವಲಂಬಿತರಿಗಾಗಿ ಅಪಾರ ಸೇವೆ ಸಲ್ಲಿಸಿದ್ದಾರೆ ಎಂದರು.
