ಗುಂಡಿಗಳಲ್ಲೇ ನಿತ್ಯ ಸಂಚಾರ

ಮುಳಬಾಗಿಲು:

ನಗರದ ಹೃದಯಭಾಗದ ಸೊಸೈಟಿ ವೃತ್ತದಿಂದ ಕೆಎಸ್​ಆರ್​ಟಿಸಿ ಬಸ್​ ನಿಲ್ದಾಣದವರೆಗಿನ ಪ್ರಮುಖ ರಸ್ತೆ ಗುಂಡಿಮಯವಾಗಿ ಮಾರ್ಪಟ್ಟಿದ್ದು, ವಾಹನ ಸವಾರರು, ಪ್ರಯಾಣಿಕರು ನಿತ್ಯವೂ ಕಿರಿಕಿರಿ ಅನುಭವಿಸುವಂತಾಗಿದ್ದು, ನಗರದ ಪ್ರಮುಖ ರಸ್ತೆ ಹದಗೆಟ್ಟಿದ್ದರೂ ಸಂಬಂಧಿಸಿದ ಇಲಾಖೆ ಕಣ್ಮುಚ್ಚಿ ಕುಳಿತಿರುವುದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.

2025ರ ಆಗಸ್ಟ್​ಗೆ ರಸ್ತೆ ಗುಂಡಿ ಮುಚ್ಚುವ ಟೆಂಡರ್​ ಪ್ರಕ್ರಿಯೆ ಪೂರ್ಣಗೊಂಡಿದ್ದು, ಪ್ರಸ್ತುತ ಹೊಸ ಟೆಂಡರ್​ ಕರೆಯಲಾಗುತ್ತಿದೆ. ಆನಂತರ ರಸ್ತೆ ಸರಿಪಡಿಸುವ ಕಾರ್ಯಕ್ಕೆ ಚಾಲನೆ ನೀಡಲಾಗುವುದು. ಅದಕ್ಕೂ ಮೊದಲು ತಾತ್ಕಾಲಿಕವಾಗಿ ಕಳ್ಳ ಮುಚ್ಚುವ ಕಾರ್ಯ ಕೈಗೊಳ್ಳಲಾಗುವುದು.

— ಮೂಡಲಗಿರಿ ಎಇಇ ಪಿಡಬ್ಲ್ಯುಡಿ ಇಲಾಖೆ ಮುಳಬಾಗಿಲು

ಹಳ್ಳ ಬಿದ್ದು ರಸ್ತೆ ಹಾಳಾಗಿದ್ದರು ಟೆಂಡರ್​ ಪ್ರಕ್ರಿಯೆ ಮತ್ತಿತರ ಕಾರ್ಯ ಚಟುವಟಿಕೆ ಮಾಡಲು ಸರ್ಕಾರ ಮತ್ತು ಇಲಾಖೆ ತಡ ಮಾಡಬಾರದು. ಸರ್ಕಾರ ಅಪಘಾತವಾಗಿ ತೊಂದರೆಗೆ ಒಳಗಾದವರ ಸಮಸ್ಯೆ ಪರಿಹರಿಸಲು ಮುಂದಾಗಬೇಕು. ಜತೆಗೆ ತಕ್ಷಣ ರಸ್ತೆ ಸರಿಪಡಿಸಬೇಕು.

— ಕೆ.ಅಮರೇಶ್​ ಬಿಜೆಪಿ ನಗರ ಘಟಕದ ಮಾಜಿ ಅಧ್ಯಕ್ಷ