ಶಿವಶಂಕರಪ್ಪ ಸಾಹುಕಾರ್‌ಗೆ ಸಿಐಡಿ ಡ್ರಿಲ್

ಪ್ರಮುಖ ಮುಖ್ಯಾಂಶಗಳು

• ಅಂದಾಜು 30ಕ್ಕೂ ಹೆಚ್ಚು ಪ್ರಶ್ನೆಗಳ ಸುರಿಮಳೆ
• 4ಗಂಟೆಗೂ ಹೆಚ್ಚು ಸಮಯ ವಿಚಾರಣೆ

ಬೆಂಗಳೂರು:

ಕರ್ನಾಟಕ ಲೋಕಸೇವಾ ಆಯೋಗದಲ್ಲಿ ನಡೆದ 400 ಪಶುವೈದ್ಯ ಅಧಿಕಾರಿಗಳ ನೇಮಕಾತಿ ಪರೀಕ್ಷೆ ಅಕ್ರಮ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಮಾನತುಗೊಂಡಿರುವ ಆಯೋಗದ ಮಾಜಿ ಅಧ್ಯಕ್ಷ ಶಿವಶಂಕರಪ್ಪ ಎಸ್. ಸಾಹುಕಾರ್ ಗುರುವಾರ ಸಿಐಡಿ ವಿಚಾರಣೆಗೆ ಹಾಜರಾಗಿದ್ದರು.

ಸಿಸಿ ಕ್ಯಾಮರಾ ದೃಶ್ಯವಾಳಿ ಡಿಲೀಟ್

ಇಬ್ಬರು ಡಿವೈಎಸ್‌ಪಿಗಳ ಭೇಡಿ!

ಸಾಹುಕಾರ್ ವಿಚಾರಣೆ ನಡುವೆಯೇ ಸಿಐಡಿಯ ಇಬ್ಬರು ಡಿವೈಎಸ್ಪಿಗಳ ತಂಡ ಕೆಪಿಎಸ್‌ಸಿ ಕಚೇರಿಗೆ ಭೇಟಿ ನೀಡಿರುವುದು ಅನುಮಾನಕ್ಕೆ ಕಾರಣವಾಗಿದೆ. ಗುರುವಾರ ಮಧ್ಯಾಹ್ನ ಶಿವಶಂಕರಪ್ಪ ವಿಚಾರಣೆಗೆ ಹಾಜರಾಗಿದ್ದರು. 45 ನಿಮಿಷಗಳ ಬಳಿಕ ಇಬ್ಬರು ಅಧಿಕಾರಿಗಳ ತಂಡ ವಾಹನದಲ್ಲಿ ಕೆಪಿಎಸ್‌ಸಿ ಕಚೇರಿಗೆ ತೆರಳಿ ಕೆಲ ಹೊತ್ತು ಕಚೇರಿಯಲ್ಲಿ ಶೋಧಿಸಿ ನಂತರ ವಾಪಸ್ ಆಗಿದ್ದಾರೆ. ಆ ಬಳಿಕ 30 ನಿಮಿಷಗಳ ಕಾಲ ವಿಚಾರಣೆ ಎದುರಿಸಿದ ಶಿವಶಂಕರಪ್ಪ ವಾಪಸ್ ಮನೆಗೆ ತೆರಳಿದ್ದಾರೆ ಎಂದು ಮೂಲಗಳು ತಿಳಿಸಿವೆ.