ಚರಂಡಿಯಾಯಿತೇ ಚಿಕೋತ್ರಾ ನದಿ!

Published on:

10 Aug 2026, 3:43 pm

ಪ್ರಮುಖ ಮುಖ್ಯಾಂಶಗಳು

ಚರಂಡಿಯಾಯಿತೇ ಚಿಕೋತ್ರಾ ನದಿ
ಚಿಕ್ಕೋಡಿಲಿ ಹಳ್ಳ ಹಿಡಿದ ಸ್ವಚ್ಛ ಭಾರತ ಪರಿಕಲ್ಪನೆ
ಚರಂಡಿ ನೀರಿನಿಂದ ತುಂಬಿದ ಹಳ್ಳ

ಚರಂಡಿಯಾಯಿತೇ ಚಿಕೋತ್ರಾ ನದಿ!

ಚಿಕ್ಕೋಡೀಲಿ ಹಳ್ಳ ಹಿಡಿದ ಸ್ವಚ್ಛ ಭಾರತ ಪರಿಕಲ್ಪನೆ

ಆನಂದ ಭಮ್ಮನ್ನವರ ಚಿಕ್ಕೋಡಿ

ಪಟ್ಟಣದ ಹೃದಯ ಭಾಗದಲ್ಲಿ ಹರಿಯುವ ನದಿ ಸ್ವಚ್ಛಗೊಂಡ ಪರಿಣಾಮ ಮೂಲ ರೂಪ ಕಳೆದುಕೊಂಡು ನೀರು ಹರಿಯುವ ಹಳ್ಳವಾಗಿ ಮಾರ್ಪಟ್ಟಿದೆ. ಕಸ ಸುರಿಯುತ್ತಿರುವ ಪರಿಣಾಮ ನೀರು ಸರಾಗವಾಗಿ ಹರಿಯದೇ ದುರ್ವಾಸನೆ, ಸೊಳ್ಳೆ ಉತ್ಪತ್ತಿ ತಾಣವಾಗಿದೆ. ಈ ಮೂಲಕ ಸ್ವಚ್ಛ ಭಾರತದ ಹಳ್ಳ ಹಿಡಿದಂತಾಗಿದೆ.

ಚಿಕ್ಕೋಡಿ ಪ್ರಸ್ತುತ 23 ವಾರ್ಡ್ ಹೊಂದಿದ್ದು, ಅಂದಾಜು 45 ಸಾವಿರ ಜನಸಂಖ್ಯೆಯನ್ನು ಹೊಂದಿದೆ. ಪಟ್ಟಣದ ಮಧ್ಯ ಭಾಗದಲ್ಲಿ ಹಾದು ಹೋಗಿರುವ ಚಕೋತ್ರಾ ನದಿ ಸ್ವಚ್ಛತೆ, ಕಾಳಜಿ ವಹಿಸಿದ ಪರಿಣಾಮ ಕಸ ಎಸೆಯುವ, ಚರಂಡಿ ನೀರು ಹರಿಯುವ ಹಳ್ಳವಾಗಿ ಮಾರ್ಪಾಡಾಗಿದೆ. ಪುರಸಭೆ ಮತ್ತು ತಾಲೂಕು ಆಡಳಿತ ನಿರ್ಲಕ್ಷÈದಿಂದ ಹಳ್ಳ ಕಸದ ರಾಶಿ, ಗಿಡಗಂಟಿ, ಪ್ಲಾಸ್ಟಿಕ್ ತ್ಯಾಜ್ಯದಿಂದ ತುಂಬಿ ಗಬ್ಬು ನಾರುತ್ತಿದೆ, ಅದರ ಜಾಗವು ಒತ್ತುವರಿಯಾಗಿದೆ ಎಂದು ಜನರು ಮಾತನಾಡುತ್ತಿದ್ದಾರೆ.

ನದಿಯಿಂದ ಬದಲಾದ ಹಳ್ಳ:

ಮೊದಲು ಚಿಕೋತ್ರಾ ಎಂಬ ಹೆಸರಿನಿಂದ ಕರೆಯುತ್ತಿದ್ದ ನದಿ ನಿರ್ಲಕ್ಷದಿಂದ ಕಾಲಾಂತರದಲ್ಲಿ ಚರಂಡಿ ನೀರು ಹರಿಯುವ ಹಳ್ಳವಾಗಿ ದುಸ್ತಿತಿಯತ್ತ ತಲುಪಿದೆ. ಕರೋಶಿ ಘಟ್ಟಿ ಬಸವೇಶ್ವರ ದೇವಸ್ಥಾನದ ಗುಡ್ಡದಿಂದ ಹರಿದು ಬರುವ ನೀರು, ಹಾಲಟ್ಟಿ ಮಾರ್ಗವಾಗಿ ಪಟ್ಟಣದಲ್ಲಿ ಅಂದಾಜು ೧ ಕಿಮೀ ಸಾಗಿ ಯಕ್ಸಂಬಾ ರಸ್ತೆ, ಹಿರೇಕೊಡಿ, ನಂದಿವಾಡಿ, ನನದಿವಾಡಿ ಮಾರ್ಗವಾಗಿ ಯಕ್ಸಂಬಾ ಪಟ್ಟಣ ದಾಟಿ ದೂಧಗಂಗಾ ನದಿ ಸೇರುತ್ತದೆ. ಆದರೆ, ಕಾಲಕ್ಕೆ ಸ್ವಚ್ಛತೆ, ಕಾಳಜಿ ವಹಿಸಿದ ಪರಿಣಾಮ ನದಿಯಿಂದ ಚರಂಡಿ ನೀರು ಹರಿಯುವ ಹಳ್ಳವಾಗಿದೆ.

ರೋಗ ರುಜಿನುಗಳಿಗೆ ಆಹ್ವಾನ :

ಇಲ್ಲಿನ ಪ್ರವಾಸಿ ಮಂದಿರ, ಪುರಸಭೆ ಹಳೇ ಕಾರ್ಯಾಲಯ, ಗುರುವಾರ ಪೇಟೆ, ಚರಮೂರ್ತಿ ಮಠ, ಹೊಸ ಪೇಟಗಲ್ಲಿ, ಝಾರಿ ಗಲ್ಲಿ ಮಾರ್ಗವಾಗಿ ಹಳ್ಳ ಹರಿಯುತ್ತದೆ. ಅಂದಾಜು 50-100 ಅಡಿ ಅಗಲವಿರುವ ಹಳ್ಳದಲ್ಲಿ ತೆರೆದ ಚರಂಡಿ, ಶೌಚಗೃಹದ ನೀರು, ಕಟ್ಟಡದ ತ್ಯಾಜ್ಯದ ರಾಶಿ ಬಿದ್ದ ಪರಿಣಾಮ ನೀರು ಸರಾಗವಾಗಿ ಹರಿಯದೇ ನೀರು ನಿಂತು ಸೊಳ್ಳೆ ಉತ್ಪತ್ತಿಗೆ ಕಾರಣವಾಗಿ ಹಳ್ಳದ ದಡದಲ್ಲಿ ವಾಸಿಸುವ ಜನರು ನರಕಯಾತನೆ ಅನುಭವಿಸುತ್ತಿದ್ದಾರೆ.

ಸ್ವಚ್ಛತೆಗೆ ಒತ್ತಾಯ:

ಪಟ್ಟಣದ ಕೇಂದ್ರ ಹಾದು ಹೋಗಿರುವ ಈ ಹಚಕೋತ್ರಾ ನದಿ (ನಗರ) ಪುರಸಭೆ ವತಿಯಿಂದ ಸ್ಚಚ್ಛಗೊಳಿಸಬೇಕು, ಜೊತೆಗೆ ಚರಂಡಿ ನೀರಿಗೆ ಪರ್ಯಾಯ ವ್ಯವಸ್ಥೆ, ತ್ಯಾಜ್ಯ ಸುರಿಯದಂತೆ ಪುರಸಭೆ ಕ್ರಮವಹಿಸಬೇಕು. ಜೊತೆಗೆ ಹಳ್ಳದ ಒತ್ತುವರಿ ತಡೆಯಲು ತಾಲೂಕು ಆಡಳಿತ ಮುಂದಾಗಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.

------------

ಸಾಕ್ಷಿ ನೀಡುತ್ತಿವೆ ದೇವಾಲಯಗಳು:

ನದಿ ದಡದಲ್ಲಿ ದೇವಸ್ಥಾನ ಇರುವ ಪ್ರತೀತಿ ಇದೆ. ಅದರಂತೆ ಚಿಕ್ಕೋಡಿ ಪಟ್ಟಣದಲ್ಲಿ ಈ ಮೊದಲು ಚಕೋತ್ರಾ ಹೆಸರಿನ ನದಿ ಹರಿಯುತ್ತಿದೆ ಎಂಬುದಕ್ಕೆ ಹಳ್ಳದ ದಡದಲ್ಲಿರುವ ದತ್ತಾತ್ರೇಯ ಮಂದಿರ, ಮಹಾದೇವ ಮಂದಿರ ಹಾಗೂ ವೆಂಕಟೇಶ್ವರ ದೇವಸ್ಥಾನ ಸಾಕ್ಷಿಯಾಗಿದೆ. ಅವ್ಯವಸ್ಥೆಯಿಂದ ದೇವಸ್ಥಾನಗಳ ಸುತ್ತದಂತೆ ಮರಿಚೀಕೆಯಾಗಿದೆ.

------------

ಕೋಟ್-

ಪ್ರತಿ ವರ್ಷ ಹಳ್ಳವನ್ನು ಸ್ವಚ್ಚಗೊಳಿಸದಿದ್ದರೆ. ಚರಂಡಿ ನೀರು ಹಳ್ಳಕ್ಕೆ ಸೇರದಂತೆ ಹಿರೆಕೋಡಿಯಲ್ಲಿರುವ ಎಸ್‌ಟಿಪಿ ಘಟಕಕ್ಕೆ ಸೇರಿಸುವ ಕುರಿತು 4 ಕೋಟಿ ರೂ. ವೆಚ್ಚದಲ್ಲಿ ಕಾಮಗಾರಿ ನಡೆಯುತ್ತಿದೆ. ಶೀಘ್ರ ಕಾಮಗಾರಿ ಆರಂಭಿಸುವ ಜೊತೆಗೆ ಹಳ್ಳದ ಮುಚ್ಚಳಕ್ಕೆ ಆದ್ಯತೆ ನೀಡಲಾಗುವುದು.

|ಜಗದೀಶ ಈಟಿ

ಪುರಸಭೆ ಮುಖ್ಯಾಧಿಕಾರಿ, ಚಿಕ್ಕೋಡಿ

ಬೆಳಗಾವಿ,