ರಾಜ್ಯ

ಬೆಂಗಳೂರಿನ ಬಾಡೂಟ ಪ್ರಿಯರಿಗೆ ಶಾಕಿಂಗ್​ ನ್ಯೂಸ್; ಮೊಟ್ಟೆ, ಚಿಕನ್​ ದರದಲ್ಲಿ ಏರಿಕೆ, ಯಾವುದಕ್ಕೆ ಎಷ್ಟಿದೆ?..Chicken and Egg Prices Rise

Chicken and Egg Prices Rise in Bengaluru
Chicken and Egg Prices Rise in Bengaluru
Published on: 

ಪ್ರಮುಖ ಮುಖ್ಯಾಂಶಗಳು

  • ಬೆಂಗಳೂರಿನಲ್ಲಿರುವ ಬಾಡೂಟ ಪ್ರಿಯರಿಗೆ ಬ್ಯಾಡ್​ ನ್ಯೂಸ್​
  • ಚಿಕನ್​ ಹಾಗೂ ಕೋಳಿ ಮೊಟ್ಟೆ ದರದಲ್ಲಿ ಭಾರೀ ಏರಿಕೆ
  • 250 ರೂ. ಇದ್ದ ಚಿಕನ್​ ದರ 360 ರೂ.ಗೆ ಏರಿಕೆ, 7.50 ರೂ ಇದ್ದ ಮೊಟ್ಟೆದ 9ಕ್ಕೆ ಏರಿಕೆ
ಬೆಂಗಳೂರು: ನಿತ್ಯ ಫಿಟ್​​ನೆಸ್​ಗಾಗಿ ಕೋಳಿ ಮಾಂಸ ಹಾಗೂ ಮೊಟ್ಟೆ ತಿನ್ನುವವರಿಗೆ,  ಭಾನುವಾರ ಬಂದರೆ ಸಾಕು ಬಾಡೂಟ ಇರಲೇ ಬೇಕು ಎಂದು ಬಯಸೋ ನಾನ್​ವೆಜ್​ ಪ್ರಿಯರಿಗೆ ಕಹಿ ಸುದ್ದಿ. ಬೆಂಗಳೂರಿನಲ್ಲಿ ಕಳೆದ ಒಂದು ವಾರದಿಂದ ಮೊಟ್ಟೆ ಹಾಗೂ ಚಿಕನ್​ ಬೆಲೆ ಗಗನಕ್ಕೇರಿಕೆಯಾಗಿದೆ.
ಒಂದು ವಾರದ ಹಿಂದೆ ಕೆಜಿಗೆ 250ರೂ.ಗೆ ಸಿಗುತ್ತಿದ್ದ ಸ್ಕಿನ್​ಲೆಸ್​​​​ ಚಿಕನ್​ ಮಾಂಸದ ಬೆಲೆ ಈಗ 360 ರೂಪಾಯಿ ಆಗಿದೆ. ಇನ್ನೂ ಆರೂವರೆಯಿಂದ 7 ರೂಪಾಯಿದ್ದ ಮೊಟ್ಟೆ ಬೆಲೆ ಈಗ 9ರೂಪಾಯಿಗೆ ಏರಿಕೆಯಾಗಿದೆ ಎನ್ನಲಾಗಿದೆ.  

ಎಷ್ಟಿದೆ ಚಿಕನ್​ ದರ?

ಮಾಂಸ ಮಾರಾಟ ಮಾರುಕಟ್ಟೆ ವರದಿ ಪ್ರಕಾರ ಚರ್ಮವಿಲ್ಲದ ಬಾಯ್ಲರ್ ಚಿಕನ್​​​ ಪ್ರತಿ ಕೆಜಿಗೆ 360ರೂಪಾಯಿಯಾದರೆ, ಇನ್ನೂ  ಚಿಕನ್​ ಪ್ರತಿ ಕೆಜಿಗೆ 340 ರೂಪಾಯಿಗೆ ಮಾರಾಟವಾಗುತ್ತಿದೆ. ಆದರೆ ಕೆಲವು ದಿನದ ಹಿಂದೆ 300 ರೂಪಾಯಿ ಆಸುಪಾಸಿನಲ್ಲಿದ್ದ ಬೆಲೆ ಈಗ 350ರಿಂದ 360ಕ್ಕೆ ತಲುಪಿರುವುದು ನಾನ್​ವೆಜ್​ ಪ್ರಿಯರ ಜೇಬಿಗೆ ಕತ್ತರಿ ಹಾಕಿದಂತಾಗಿದೆ. 

ಮೊಟ್ಟೆ ದರ ಎಷ್ಟಿದೆ?

ಒಂದು ವಾರದ ಹಿಂದೆಯಷ್ಟೇ ಒಂದು ಮೊಟ್ಟೆಗೆ 6 ರಿಂದ ಏಳೂವರೆ ರೂಪಾಯಿ ಇತ್ತು. ಆದರೆ, ಈಗ 9ರಿಂದ 10 ರೂಪಾಯಿಗೆ ಮೊಟ್ಟೆ ದರ ಏರಿಕೆಯಾಗಿದೆ.  ಅಗತ್ಯ ವಸ್ತುಗಳ ಬೆಲೆ ಏರಿಕೆ, ಸಿಲಿಂಡರ್​ ದರದಿಂದ ಕೊಂಚ ಸಾವರಿಸಿಕೊಳ್ಳುತ್ತಿರುವ ಗ್ರಾಹಕರಿಗೆ ಬಿಸಿ ತಟ್ಟಿದಂತಾಗಿದೆ.

ಚಿಕನ್​, ಮೊಟ್ಟೆ ದರ ಏರಿಕೆಗೆ ಕಾರಣವೇನು?

ಈ ಬಾರಿ ಕೋಳಿ ಬೆಳವಣಿಗೆ ನಿರೀಕ್ಷಿತ ಮಟ್ಟದಲ್ಲಿ ಏರಿಕೆಯಾಗದ ಕಾರಣ  ಹಾಗೂ ಬೇರೆ ರಾಜ್ಯಕ್ಕೆ ಕೋಳಿ ಪೂರೈಕೆ ಹೆಚ್ಚಾಗುತ್ತಿರುವ ಕಾರಣ ಸ್ಥಳೀಯ ಮಾರುಕಟ್ಟೆಯಲ್ಲಿ ಮೊಟ್ಟೆ ಹಾಗೂ ಚಿಕನ್​ ದರ ಏರಿಕೆ ಕಂಡಿದೆ ಎನ್ನುವ ಮಾಹಿತಿಯನ್ನು ಮಾರಾಟಗಾರರು ಹಂಚಿಕೊಂಡಿದ್ದಾರೆ.

ಚಿಕನ್ ಬದಲಾಗಿ ಇದನ್ನು ತಿನ್ನಿ

ಚಿಕನ್ ದರ ಏರಿಕೆಯಾದ ಸಮಯದಲ್ಲೇ ಮಾಂಸಾಹಾರ ತಿನ್ನುವ ಬಯಕೆ ಹೆಚ್ಚು. ಈ ಹಿನ್ನೆಲೆ ನಿಮಗೇನಾದ್ರು ಚಿಕನ್​ ತಿನ್ನುವ ಆಸೆಯಾದರೆ, ಸೋಯಾಬೀನ್​ ಅಥವಾ ಮಶ್ರೂಮ್​ ಅನ್ನು ತಿನ್ನಲು ಪ್ಲ್ಯಾನ್​ ಮಾಡಿ. ಹೌದು ​​​ ಸೋಯಾಬೀನ್ ಚಂಕ್ಸ್ ಹಾಗೂ ಮಶ್ರೂಮ್​ ಅಥವಾ ಪನ್ನೀರ್​ಗೆ ಚಿಕನ್​ ಅಥವಾ ಮಟನ್​ ಕರಿಗಳನ್ನು ಬಳಸಿ ಅಡುಗೆ ಮಾಡಿ ಸವಿಯಬಹುದು, (ಏಜೆನ್ಸೀಸ್).
ಚಿಕನ್​ ದರ
ಮೊಟ್ಟೆ ದರ ಏರಿಕೆ
egg price hike
chicken price hike in bengaluru
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net