ವೃದ್ಧನ ಕಾಲಿನ ಮೇಲೆ ಹರಿದ ಬಸ್​

ಚಿಂತಾಮಣಿ ತಾಲೂಕಿನ ಯರ್ರಮ್ಮರೆಡ್ಡಿಹಳ್ಳಿಯ ಕೆ.ವೈ.ನಾರಾಯಣರೆಡ್ಡಿ (65) ಅವರು ಮಂಗಳವಾರ ಕನ್ನಂಪಲ್ಲಿಯಿಂದ ಯರ್ರಮ್ಮರೆಡ್ಡಿಹಳ್ಳಿಗೆ ಹೋಗಲು ಸಂಬಂಧಿ ಚಿಂತಾಮಣಿ ಕನ್ನಂಪಲ್ಲಿ ಬಡಾವಣೆಯ ನಿವಾಸಿ ಅಮರಾವತಿ ಜತೆ ನಿಲ್ದಾಣಕ್ಕೆ ಬಂದಿದ್ದರು. ಈ ವೇಳೆ ಬೆಂಗಳೂರು&ಚಿಂತಾಮಣಿ ಮಾರ್ಗದ ಬಸ್​ ಚಾಲಕನ ಅಜಾಗರೂಕತೆಯಿಂದ ಡಿಕ್ಕಿ ಹೊಡೆದಿದೆ. ನಾರಾಯಣರೆಡ್ಡಿ ಕೆಳಗೆ ಬಿದ್ದಾಗ ಬಸ್​ನ ಮುಂಭಾಗದ ಚಕ್ರ ಬಲಗಾಲಿನ ಪಾದದ ಮೇಲೆ ಹರಿದಿದೆ. ತಕ್ಷಣ ಗಾಯಾಳುವನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರಿನ ಸಂಜಯ್​ ಗಾಂಧಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಚಿಂತಾಮಣಿ ನಗರ ಠಾಣೆಗೆ ದೂರು ನೀಡಿದ್ದಾರೆ.