ಬಿಜೆಪಿಯಿಂದ ದೇಶದಲ್ಲಿ ಭಯದ ವಾತಾವರಣ ಸೃಷ್ಟಿ

ಸೇಡಂ: ಮನುವಾದಿ ತತ್ವ-ಸಿದ್ಧಾಂತಗಳನ್ನು ಹೊಂದಿರುವ ಬಿಜೆಪಿ ದೇಶದಲ್ಲಿ ಭಯದ ವಾತಾವರಣ ಸೃಷ್ಟಿಸಲು ಹೊರಟಿದ್ದು, ಇದಕ್ಕೆ ರಾಷ್ಟ್ರೀಯ ಸ್ವಯಂಸೇವಕ ಸಂಘ ಶಕ್ತಿಯಾಗಿ ನಿಂತಿದೆ ಎಂದು ಕೃಷಿಕ ಸಮಾಜದ ರಾಜ್ಯ ಪ್ರತಿನಿಧಿ ಬಸವರಾಜ ಪಾಟೀಲ್​ ಊಡಗಿ ದೂರಿದರು.

ಉತ್ತರಾಖಂಡದ ಹಲ್ದವಾನಿಯಲ್ಲಿ ಎಐಸಿಸಿ ಅಧ್ಯಕ್ಷ ಡಾ.ಮಲ್ಲಿಕಾರ್ಜುನ ಭಾಷಣ ಮಾಡಿದ ಮೈದಾನ ಸ್ವಚ್ಛಗೊಳಿಸಿದ ಘಟನೆ ಖಂಡಿಸಿ ಕಾಂಗ್ರೆಸ್​ ಪಕ್ಷದಿಂದ ಬಸವೇಶ್ವರ ವೃತ್ತದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಮಾತನಾಡಿ, ಈ ದೇಶ ಕಂಡಂತಹ ಅಪ್ರತಿಮ ನಾಯಕ ಮಲ್ಲಿಕಾರ್ಜುನ ಖರ್ಗೆ ಅವರಾಗಿದ್ದಾರೆ. ಆದರೆ ಅಸ್ಪಶ್ಯತೆಯ ಭಾವನೆಯೊಂದಿಗೆ ಬದುಕು ನಡೆಸುತ್ತಿರುವ ಮನುವಾದಿಗಳು ಖರ್ಗೆ ಅವರು ಭಾಷಣ ಮಾಡಿದ ವೇದಿಕೆ ಸ್ವಚ್ಛಗೊಳಿಸಿ ಅಪಮಾನ ಮಾಡಿದ್ದಾರೆ ಎಂದು ಕಿಡಿಕಾರಿದರು.

ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ನಾಗೇಶ್ವರರಾವ ಮಾಲಿಪಾಟೀಲ್​ ಮಾತನಾಡಿ, ಜಗತ್ತು ಮಂಗಳ, ಚಂದ್ರನತ್ತ ಪಯಣ ಮಾಡುತ್ತಿರುವ ಸಂದರ್ಭದಲ್ಲಿ ನಾವು ಅಸ್ಪಶ್ಯತೆ ಮಧ್ಯೆ ಬದುಕು ನಡೆಸುತ್ತಿರುವುದು ನೋವಿನ ಸಂಗತಿ. ಕಲ್ಯಾಣ ಕರ್ನಾಟಕದ ಜನರ ಬಾಳು ಬೆಳಗಿದ ಮಹಾನ್​ ಪುರುಷ ಮಲ್ಲಿಕಾರ್ಜುನ ಖರ್ಗೆ ಅವರಿಗೆ ಆದ ಅವಮಾನ ಸಹಿಸಲು ಸಾಧ್ಯವಿಲ್ಲ. ಸಂಬಂಧಪಟ್ಟವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.

ಮುಧೋಳ ಬ್ಲಾಕ್​ ಎಸ್ಸಿ ಟಕದ ಅಧ್ಯಕ್ಷ ಜೈಭೀಮ ಊಡಗಿ, ಸೇಡಂ ಬ್ಲಾಕ್​ ಎಸ್ಸಿ ಘಟಕದ ಅಧ್ಯಕ್ಷ ಜಗನ್ನಾಥ ಚಿಂತಪಳ್ಳಿ, ಕೃಷಿಕ ಸಮಾಜದ ತಾಲೂಕು ಅಧ್ಯಕ್ಷ ಬಸವರಾಜ ರೇವಗೊಂಡ, ತಾಪಂ ಮಾಜಿ ಅಧ್ಯಕ್ಷ ರಾಮಯ್ಯ ಪೂಜಾರಿ, ಯುವ ಟಕದ ತಾಲೂಕು ಉಪಾಧ್ಯಕ್ಷ ವಿಲಾಸಗೌತಂ ನಿಡಗುಂದಾ, ಶ್ರೀನಿವಾಸರೆಡ್ಡಿ ಪಾಟೀಲ್​, ಹಾಜಿ ನಾಡೇಪಲ್ಲಿ ಮಾತನಾಡಿದರು.

ಬ್ಲಾಕ್​ ಕಾಂಗ್ರೆಸ್​ ಅಧ್ಯಕ್ಷರಾದ ಶಿವಶರಣರೆಡ್ಡಿ ಪಾಟೀಲ್​ (ಸೇಡಂ), ರವೀಂದ್ರ ನಂದಿಗಾಮ (ಮುಧೋಳ), ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ವಿಶ್ವನಾಥ ಪಾಟೀಲ್​ ಬೊಮ್ನಳ್ಳಿ, ಪ್ರಮುಖರಾದ ಜಗದೇವಪ್ಪ ಪಾಟೀಲ್​ ಕೊಂಕನಹಳ್ಳಿ, ವೆಂಕಟರಾಮರೆಡ್ಡಿ ಕಡತಾಲ, ಹೇಮ್ಲಾನಾಯಕ, ಅಬ್ದುಲ್​ ಗಫೂರ್​, ಸೈಯದ್​ ನಜಮೋದ್ದಿನ್​, ರಾಜಶೇಖರ ಪುರಾಣಿಕ, ವೀರೇಂದ್ರ ರುದ್ನೂರ, ಶ್ರೀನಿವಾಸ ಸಂಗಾವಿ, ಗುರುನಾಥರೆಡ್ಡಿ ಹೂಡಾ, ಮಹೇಶ ಪಾಟೀಲ್​ ತರನಳ್ಳಿ, ವಿಶ್ವನಾಥ ಪಾಟೀಲ್​ ಕುಕ್ಕುಂದಾ, ಮಹೆಮೂದ್​ ಮದನಾ, ಭೀಮಾಶಂಕರ ಕೊಳ್ಳಿ, ಸತೀಶ ಪೂಜಾರಿ, ಈರಣ್ಣಗೌಡ ರೆಮ್ಮಣ್ಣಿ, ಅಶೋಕ ಮಹಾಡಿಕ್​, ಮುರಳಿಧರರೆಡ್ಡಿ ಕೊಂತನಪಲ್ಲಿ, ಸತೀಶ ಬಾಂಜಿ, ದೇವರಾಜ ತಡಕಲ್​, ಜಗದೇವಯ್ಯ ಬಂಡಾ, ಲಿಂಗರಾಜ ಕುರಕುಂಟಾ, ಗೋಪಾಲ ರಾಠೋಡ್​, ಅಶೋಕ ಮಹೇಂದ್ರಕರ್​, ವಿಜಯಕುಮಾರ ಶರ್ಮಾ, ರಾವೇಂದ್ರ ವಾಲೀಕಾರ, ಈರಪ್ಪ ಗುಂಡಗುರ್ತಿ, ಮಹಾಂತೇಶ ಸುತಾರ, ಸಿದ್ದು ನಾಯ್ಕೋಡಿ, ಸತೀಶ ದುಧನಿ ಇತರರಿದ್ದರು.

ಕಾಂಗ್ರೆಸ್​ ಕಚೇರಿಯಿಂದ ಆರಂಭವಾದ ಮೆರವಣಿಗೆ ಪ್ರಮುಖ ಬೀದಿಗಳ ಮೂಲಕ ಬಸವೇಶ್ವರ ವೃತ ತಲುಪಿತು. ಬಳಿಕ ಕಾರ್ಯಕರ್ತರು ಸರ್ಕಲ್​ನಲ್ಲಿ ಸಂಚಾರ ತಡೆದು 1 ಗಂಟೆಗೂ ಅಧಿಕ ಸಮಯ ಹೋರಾಟ ನಡೆಸಿದರು. ಇದರಿಂದಾಗಿ ಕೆಲ ಕಾಲ ವಾಹನ ಸವಾರರು ಪರದಾಡಿದರು.