ಬೆಸ್ಕಾಂ ಜಾಗೃತ ದಳ ಪೇದೆ ಸಾವು

ಮೇ 28 ರಂದು ಬೆಂಗಳೂರಿನಲ್ಲಿನ ಇಲಾಖೆಯ ಮುಖ್ಯ ಕಚೇರಿಗೆ ಕೆಲಸದ ನಿಮಿತ್ತ ಹೋಗಿ ಬೈಕ್​ನಲ್ಲಿ ವಾಪಸ್ಸಾಗುತ್ತಿದ್ದಾಗ ವೆಂಕಟಗಿರಿಕೋಟೆ ಕ್ರಾಸ್​ ರಸ್ತೆಯಲ್ಲಿ ಮತ್ತೊಂದು ಬೈಕ್​ ಡಿಕ್ಕಿ ಹೊಡೆದಿದ್ದು ಈ ಅಪಘಾತದಲ್ಲಿ ಮನುವಿನ ತಲೆಗೆ ಗಂಭೀರ ಗಾಯವಾಗಿತ್ತು. ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಜೂ.1ರಂದು ಮೃತಪಟ್ಟಿದ್ದಾರೆ.

ನೋವಿನಲ್ಲೂ ಕುಟುಂಬಸ್ಥರು ಮೃತದೇಹದ ಹೃದಯ, ಕಿಡ್ನಿ, ಲಿವರ್​, ಕಣ್ಣು ಸೇರಿ ವಿವಿಧ ಅಂಗಾಂಗ ದಾನ ಮಾಡಿದ್ದಾರೆ. ಅಂತ್ಯಕ್ರಿಯೆ ಸೂಲುಕುಂಟೆಯಲ್ಲಿ ಪೊಲೀಸ್​ ಗೌರವದೊಂದಿಗೆ ನೆರವೇರಿತು. ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಕುಶಾಲ್​ ಚೌಕ್ಸೆ ಮೃತರ ಅಂತಿಮ ದರ್ಶನ ಪಡೆದು, ಕುಟುಂಬಸ್ಥರಿಗೆ ಸ್ವಾಂತನ ಹೇಳಿದರು.