ವೈದ್ಯ ಲೋಕಕ್ಕೆ ಹೈಟೆಕ್​ ಸ್ಪರ್ಶ: 10 ನಿಮಿಷದಲ್ಲಿ ಲ್ಯಾಬ್​ ಮಾದರಿ ಸಾಗಿಸಲು ಬಂತು ಡ್ರೋನ್, ಎಲ್ಲೆಲ್ಲಿ ಸೇವೆ ಲಭ್ಯ? Commercial Drone

Commercial Drone : ಬೆಂಗಳೂರಿನಲ್ಲಿ ಟ್ರಾಫಿಕ್​ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ. ರಸ್ತೆ ನವೀಕರಣ, ಮೆಟ್ರೋ ಅಭಿವೃದ್ಧಿ ಸೇರಿದಂತೆ ನಾನಾ ಕಾಮಗಾರಿಗಳು ಪ್ರಗತಿಯಲ್ಲಿರುವ ಕಾರಣ, ಎಐ ಆಧಾರಿತ ಪರಿಹಾರ ಕಂಡುಕೊಂಡರೂ ವಾಹನ ಸವಾರರು ಗಂಟೆಗಟ್ಟಲೇ ರಸ್ತೆಯಲ್ಲಿ ಕಾಯೋದು ತಪ್ಪಿದ್ದಲ್ಲ. ಇನ್ನು ರೋಗಿಗಳನ್ನು ಆಸ್ಪತ್ರೆಗೆ ತುರ್ತಾಗಿ ಸೇರಿಸಬೇಕಾದರೂ ಸಹ ಈ ಸಮಸ್ಯೆ ಕಾಡುತ್ತದೆ. ಈ ಎಲ್ಲ ಲೋಪದೋಷಗಳನ್ನು ಮನಗಂಡ ಸ್ಟಾರ್ಟ್​​ಅಪ್ ಸಂಸ್ಥೆಯೊಂದು ಹೊಸದಾದ ಕ್ರಾಂತಿಗೆ ಮುಂದಾಗಿದೆ.

ಇಂತಹ ಟ್ರಾಫಿಕ್​ ಸಮಸ್ಯೆ ಹೊಂದಿರುವ ಬೆಂಗಳೂರಿನಲ್ಲಿ ವೈದ್ಯಕೀಯ ವಿಚಾರಕ್ಕೆ ಸಮಯ ವ್ಯರ್ಥ ಮಾಡದೆ, ಗೋಲ್ಡನ್​ ಅವರ್​ ಅನ್ನು ಕಾಪಾಡಿಕೊಳ್ಳಲು ಆರೋಗ್ಯ ರಕ್ಷಣ ಸಂಸ್ಥೆ ಮತ್ತು ಲಾಜಿಸ್ಟಿಕ್​ ಸ್ಟಾರ್ಟ್​ ಅಪ್​ ಸಂಸ್ಥೆ ಏರ್​​ಬೌಂಡ್ ಚಿಂತಿಸಿ, ಪೈಲೆಟ್​ ಎನ್ನುವ ಯೋಜನೆಯನ್ನು ಜಾರಿಗೆ ತಂದುಕೊಂಡಿವೆ. ಇದಕ್ಕೆ ನಾರಾಯಣ ಹೆಲ್ತ್​ ಸಿಟಿಯ ಒಪ್ಪಿಗೆಯೂ ಇದೆ.

ಲ್ಯಾಬ್​ನಲ್ಲಿ ಸಿಗುವ ಮಾದರಿಗಳನ್ನು ಅಂದರೆ, ರೋಗಿಗಳ ರಕ್ತ, ಮೂತ್ರ ಸೇರಿದಂತೆ ನಾನಾ ಪರೀಕ್ಷೆಗಳ ರಿಪೋರ್ಟ್​ ಮತ್ತು ಮಾದರಿಯನ್ನು( Bengaluru Drone Dlivery) ಡ್ರೋನ್​ ಮುಖೇನ ಜೋಪಾನವಾಗಿ, ಕಡಿಮೆ ಸಮಯದಲ್ಲಿ ಸಾಗಿಸುತ್ತವೆ.

ಬಾವಲಿಯಂತೆ ಕಾಣುವ ಡ್ರೋನ್​ ಲ್ಯಾಬ್​ನಲ್ಲಿ ಪಡೆದುಕೊಂಡ ರೋಗಿಯ ಮಾದರಿಯನ್ನ ತನ್ನ ಹೊಟ್ಟೆಗೆ ಕಟ್ಟಿಕೊಂಡು ಬೊಮ್ಮಸಂದ್ರದ ನಾರಾಯಣ ಹೆಲ್ತ್​ ಸಿಟಿಗೆ ನೀಡುತ್ತದೆ. ಟ್ರಾಫಿಕ್​ನಲ್ಲಿ ಆಸ್ಪತ್ರೆಗೆ ಸಂಬಂಧಿಸಿದ ವಾಹನಗಳು ಗಂಟೆ ಗಟ್ಟಲೇ ಕಾಯುವ ಬದಲು ಈ ಡ್ರೋನ್​ ಗಳನ್ನೇ ಬಳಕೆ ಮಾಡಿಕೊಳ್ಳಬಹುದು ಎನ್ನುವುದು ನಾರಾಯಣ ಹೆಲ್ತ್​ ಸಿಟಿ ವ್ಯವಸ್ಥಾಪಕರ ಸಲಹೆಯಾಗಿದೆ.

2026 ಜನವರಿಯಿಂದ ಈ ಪೈಲಟ್​ ಯೋಜನೆಯನ್ನು ಜಾರಿ ತರಲಾಗಿದೆ. ಅಲ್ಲಿಂದ 54 ದಿನಗಳಲ್ಲಿ ಸುಮಾರು 700 ಬಾರಿ ಡ್ರೋನ್ ​ ಬಳಕೆ ಮಾಡಿಕೊಳ್ಳಲಾಗಿದೆ. ಒಂದೊಂದು ಡ್ರೋನ್​ಗಳು 40 ರೋಗಿಯ ಲ್ಯಾಬ್​ ಮಾದರಿಗಳನ್ನು ಸಾಗಿಸಿವೆ. ಹತ್ತು ನಿಮಿಷದಲ್ಲಿ ನಾಲ್ಕು ಕಿ.ಮೀವರೆಗೂ ಈ ಡ್ರೋನ್​ ಸಂಚರಿಸುತ್ತವೆ. ಪೀಕ್​ ಅವರ್​ನಲ್ಲಿ ಟ್ರಾಫಿಕ್​ ಮಧ್ಯೆ ಕಾಯುವ ಅವಶ್ಯಕತೆ ಇಲ್ಲದೆ ಈ ಡ್ರೋನ್​ ಬಳಕೆ ಮಾಡಿಕೊಳ್ಳಬಹುದು. ಪ್ರತಿ ಒಂದು ಡ್ರೋನ್​ ಕಾರ್ಯಾಚರಣೆಯ ವೆಚ್ಚವೂ ಬಜೆಟ್​ ಫ್ರೆಂಡ್ಲಿ ಆಗಿರುತ್ತದೆ ಎಂದು ಏರ್​ಬೌಂಡ್​ ಕಂಪನಿಯ ಮಾಲೀಕರು ಹೇಳಿಕೊಂಡಿದ್ದಾರೆ.

ಈ ಬಗ್ಗೆ ನಾರಾಯಣ ಹೆಲ್ತ್​ನ ಸಂಸ್ಥಾಪಕ ಮತ್ತು ದೇವಿ ಪ್ರಸಾದ್​ ಶೆಟ್ಟಿ ಮಾತನಾಡಿದ್ದು, ಬನಶಂಕರಿಯಲ್ಲಿ ನಾರಾಯಣ ಹೆಲ್ತ್​ ಸಿಟಿ ತೆರೆಯಲು ಚಿಂತಿಸುತ್ತಿದ್ದೇವೆ. ಅಲ್ಲಿಗೆ ಈ ಡ್ರೋನ್​ ಸೇವೆಯನ್ನು ಬಳಕೆ ಮಾಡಿಕೊಳ್ಳುತ್ತೇವೆ ಎಂದು ಹೇಳಿದರು, (ಏಜನ್ಸೀಸ್).