ರಾಜ್ಯ

ಡಿಕೆ ಶಿವಕುಮಾರ್​ ಭಾಷಣದ ವೇಳೆ ಮೋದಿ..ಮೋದಿ ಎಂದ ಜನ; ಮೋದಿನೇ ಡಿಕೆ..ಡಿಕೆ ಅಂತಾರೆ ಎಂದು ಟಾಂಗ್​ ಕೊಟ್ಟ ಸಿಎಂ, ವಿಡಿಯೋ ವೈರಲ್

ಸಿಎಂ ಡಿಕೆ ಶಿವಕುಮಾರ್​ ಭಾಷಣದ ವೇಳೆ ಮೋದಿ ಹೆಸರ ಕೂಗಿದ ಜನ
ಸಿಎಂ ಡಿಕೆ ಶಿವಕುಮಾರ್​ ಭಾಷಣದ ವೇಳೆ ಮೋದಿ ಹೆಸರ ಕೂಗಿದ ಜನ
Published on: 

ಪ್ರಮುಖ ಮುಖ್ಯಾಂಶಗಳು

  • ಮೋದಿನೇ ಡಿಕೆ ಡಿಕೆ ಅಂತಾ ನೀವ್ಯಾಕೆ ತಲೆ ಕೆಡಿಸಿಕೊಳ್ಳುತ್ತೀದ್ದೀರಾ ಎಂದ ಟಾಂಗ್​ ಕೊಟ್ಟ ಸಿಎಂ
  • ಡಿಕೆ ಶಿವಕುಮಾರ್​ ಅವರ ಭಾಷಣದ ವೇಳೆ ಮೋದಿ ಹೆಸರ ಘೋಷಣೆ
  • ಯುವಜನರು ಸಂತೋಷವಾಗಿರಬೇಕು, ಫ್ರೀಡಂ ಇಸ್​ ಪಲ್ಸ್​ ಯೂತ್​ ಇಸ್​ ಪವರ್​ ಎಂದ ಸಿಎಂ ಡಿಕೆ ಶಿವಕುಮಾರ್
ಬೆಂಗಳೂರು: 80ನೇ ಸ್ವಾತಂತ್ರ್ಯೋತ್ಸವದ ಹಿನ್ನೆಲೆ ಬೆಂಗಳೂರಿನ ವಿಧಾನಸೌಧದ ಆವರಣದಲ್ಲಿ ಫ್ರೀಡಂ ಹಬ್ಬ ಹಮ್ಮಿಕೊಳ್ಳಲಾಗಿತ್ತು. ಈ ವೇಳೆ ಸಿಎಂ ಡಿಕೆ ಶಿವಕುಮಾರ್​ ಅವರು ಮಾತನಾಡುತ್ತಿರುವಾಗ ಮೋದಿ..ಮೋದಿ ಎಂದ ಯುವಕರಿಗೆ ಕ್ಷಣಾರ್ಧದಲ್ಲೇ ಕೊಟ್ಟ ಟಾಂಗ್​​​ ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ  ಭಾರೀ ಚರ್ಚೆಗೆ  ಕಾರಣವಾಗಿದೆ.
ಸಿಎಂ ಡಿಕೆ ಶಿವಕುಮಾರ್​ ಅವರು ವಿಧಾನಸೌಧದ ಆವರಣದಲ್ಲಿ  ಮಾತನಾಡಲು ಶುರು ಮಾಡಿದಾಗ, ಕೆಲ ಯುವಕರು ಮೋದಿ, ಮೋದಿ ಎಂದು ಕೂಗಲು ಶುರು ಮಾಡಿದರು. ಈ ವೇಳೆ ಕೊಂಚ ಕಾಲ ಮಾತನಾಡದೆ ನಿಂತ ಸಿಎಂ ನಂತರ ನಗುತ್ತಾ ಪ್ರಧಾನಿ ಮೋದಿಯವ್ರೇನೆ ಡಿಕೆ, ಡಿಕೆ ಎನ್ನುತ್ತಾರೆ ನೀವ್ಯಾಕೆ ತಲೆ ಕೆಡಿಸಿಕೊಳ್ಳುತ್ತೀದ್ದೀರಾ ಎಂದರು. ಆಗ ಮತ್ತೆ ಅಲ್ಲಿ ನೆರೆದಿದ್ದ ಜನರು ಡಿಕೆ,...ಡಿಕೆ ಎನ್ನುವ ಘೋಷಣೆಗಳನ್ನು ಕೂಗಿದರು. ಆ ಮಧ್ಯೆ ಸಿಎಂ ಭಾಷಣ ಆರಂಭಿಸಿದರು.

ಏನಿದು ಫ್ರೀಡಂ ಹಬ್ಬ 

ಮೊದಲ ಬಾರಿಗೆ ಗ್ರೇಟರ್​ ಬೆಂಗಳೂರು ಪ್ರಾಧಿಕಾರ ವಿಧಾನಸೌಧ ಆವರಣದಲ್ಲಿ ಫ್ರೀಡಂ ಹಬ್ಬ ಹಮ್ಮಿಕೊಂಡಿತ್ತು. ಈ ಕಾರ್ಯಕ್ರಮ್ಮೆ ಸಾವಿರಾರು ಜನರು ಆಗಮಿಸಿದ್ದರು.  ಸಚಿವ ಕೃಷ್ಣ ಬೈರೇಗೌಡ ಅವರು ಈ ಸಮಾರಂಭದ ರುವಾರಿಯಾಗಿದ್ದರು.   ಸಿಂಗರ್​ ರಘು ದೀಕ್ಷಿತ್​, ಸಂಚಿತ್​​ ಹೆಗ್ಡೆ ಹಾಡುಗಳಿಗೆ ಬೆಂಗಳೂರಿಗರು ಕುಣಿದು ಕುಪ್ಪಳಿಸಿದ್ದರು. 

ಏನೆಲ್ಲ ಇತ್ತು?

 ಮಕ್ಕಳು ಹಾಗೂ ಹಿರಿಯರು ಸೇರಿದಂತೆ ಎಲ್ಲರೂ ವಿಧಾನಸೌಧದ ವಾಸ್ತು ಶಿಲ್ಪವನ್ನು ಹತ್ತಿರದಿಂದ ಕಾಣುವಂತೆ ಮಾಡಲು ವಿಶೇಷ ಮಾರ್ಗದರ್ಶಿತ ಪ್ರವಾಸ ಮಾಡಲಾಗಿತ್ತು. ಲಿವಿಂಗ್​  ಮ್ಯೂಸಿಯಂ, ವೇಷಭೂಷಣ ಸ್ಪರ್ಧೆ, ರಸ ಪ್ರಶ್ನೆ, ಚಿತ್ರ ಕಲೆ, 120ಕ್ಕೂ ಹೆಚ್ಚು ಮೇಳಗಳಲ್ಲಿ ಕರಕುಶಲ ವಸ್ತು, ಹಸ್ತ ಪ್ರತಿ, ನೈಸರ್ಗಿಕ ಉಡುಪು ಆಹಾರ ಮೇಳ ಇತ್ತು. 
ಇದನ್ನೂ ಓದಿ: 

ರೈಲು ಪ್ರಯಾಣಿಕರೇ ಎಚ್ಚರ!; ಎರ್ನಾಕುಲಂನಿಂದ ಬೆಂಗಳೂರಿಗೆ ಹೊರಟಿದ್ದ Vande Bharat ಎಕ್ಸ್​ಪ್ರೆಸ್​ನಲ್ಲಿ ಸತ್ತ ಮಂಡಲ ಹಾವು ಪತ್ತೆ

ಮೋದಿನೆ ಡಿಕೆ ಅಂತಾರೆ

ಈ ಕಾರ್ಯಕ್ರಮವನ್ನು ಉದ್ದೇಶಿಸಿ ಸಿಎಂ ಡಿಕೆ ಶಿವಕುಮಾರ್​ ಅವರು ಮಾತನಾಡುವ ಸರದಿ  ಬಂದಿತ್ತು. ಈ ವೇಳೆ  ವೇದಿಕೆ ಮೇಲೆ ಬಂದ ಅವರು ಭಾಷಣ ಶುರು ಮಾಡುವ ಮುನ್ನವೇ ನೆರೆದಿದ್ದ ಕೆಲ ಜನ ಮೋದಿ ಎಂದು ಕೂಗಿದರು. ಆಗ ಮೋದಿನೆ ಡಿಕೆ ಎನ್ನುತ್ತಾರೆ. ನೀವ್ಯಾಕೆ ಮೋದಿ ಎನ್ನುತ್ತೀರ ಎಂದು ಹಾಸ್ಯಭರಿತ ಟಾಂಗ್​ ಕೊಟ್ಟರು. 

ಸಾರಿ ಎಂದಿದ್ಯಾಕೆ ಸಿಎಂ 

ಕಾರಣಾಂತರದಿಂದ ಫ್ರೀಡಂ ಹಬ್ಬಕ್ಕೆ ಪ್ರವೇಶವನ್ನು ಸೀಮಿತಗೊಳಿಸಿದ್ದೇವೆ. ಇದಕ್ಕೆ ಕ್ಷಮೆಯಾಚಿಸುತ್ತೇನೆ. ಲಕ್ಷಾಂತರ ಜನರು ಬಂದು ವಾಪಸ್ ತೆರಳಿದ್ದಾರೆ.  ಮುಂದಿನ ದಿನಗಳಲ್ಲಿ ಹೆಚ್ಚಿನ ಜನರಿಗೆ ವೀಕ್ಷಣೆಗೆ ಅವಕಾಶ ಮಾಡಿಕೊಡುತ್ತೇವೆ ಎಂದು  ಸಿಎಂ ಡಿಕೆ ಶಿವಕುಮಾರ್​ ಭರವಸೆ ಕೊಟ್ಟರು. 

ಫ್ರೀಡಂ ಇಸ್​ ಪಲ್ಸ್​ ಯೂತ್​ ಇಸ್​ ಪವರ್​

ಫ್ರೀಡಂ ಇಸ್​ ಪಲ್ಸ್​ ಯೂತ್​ ಇಸ್​ ಪವರ್​. ನೀವೆಲ್ಲಾ ನಗುತ್ತಾ ಸಂತೋಷವಾಗಿ ಇರಬೇಕು ಕೃಷ್ಣಬೈರೇಗೌಡ ಅವರ ನೇತೃತ್ವದಲ್ಲಿ ಈ ಕಾರ್ಯಕ್ರಮ ತುಂಬಾ ಚೆನ್ನಾಗಿ ಬಂದಿದೆ. 

ನನಗೆ ಈ ಭಾಷಣ ಮುಖ್ಯ ಅಲ್ಲ. ನಿಮ್ಮನ್ನು ಕಾಣಲು ನಾನು ಇಲ್ಲಿಗೆ ಬಂದಿದ್ದು ಎಂದು ಸಿಎಂ ಡಿಕೆ ಶಿವಕುಮಾರ್​ ಹೇಳಿದರು, (ಏಜೆನ್ಸೀಸ್).

Vidhana Soudha
ಸಿಎಂ ಡಿಕೆ ಶಿವಕುಮಾರ್​
freedom spirit at habba
people chants modi during dk shivakumarspeech in freedom habba bengaluru
ಫ್ರೀಡಂ ಹಬ್ಬ ಬೆಂಗಳೂರು
ಡಿಕೆ ಶಿವಕುಮಾರ್​ ಭಾಷಣ ಮೋದಿ ಜಪ
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net