ಕೋರ್ಟ್ ಕೆಲಸದ ಆಸೆ ತೋರಿಸಿ 25 ಕೋಟಿ ಲೂಟಿ: ಬೆಂಗಳೂರಿನ ಕಿಲಾಡಿ ದಂಪತಿ ಅಂದರ್! Court Job Fraud

ಪೊಲೀಸರ ಮಾಹಿತಿ ಪ್ರಕಾರ, ಜೇಸನ್ ಡಿ'ಸೋಜಾ ಮತ್ತು ಲವಿನಾ ಎಂದು ಗುರುತಿಸುವ ಆರೋಪಿಗಳು ನಿರುದ್ಯೋಗಿ, ಯುವಕ ಅಥವಾ ಯುವತಿಯರನ್ನು ಗುರಿಯಾಗಿಸಿಕೊಂಡು, ತಾವು ಉನ್ನತ ನ್ಯಾಯಾಧೀಶರು ಮತ್ತು ನ್ಯಾಯಾಲಯದ ಹಿರಿಯ ಅಧಿಕಾರಿಗಳೊಂದಿಗೆ ಸಂಪರ್ಕ ಹೊಂದಿದ್ದೇವೆ. 

ಹೈಕೋರ್ಟ್ ಮತ್ತು ಸಿವಿಲ್ ಕೋರ್ಟ್‌ಗಳಲ್ಲಿ ಖಾಲಿ ಇರುವ ಎಫ್‌ಡಿಎ, ಎಸ್‌ಡಿಎ, ಬೆರಳುಚ್ಚು ತಜ್ಞರು ಹಾಗೂ ಗ್ರೂಪ್-ಡಿ ಹುದ್ದೆಗಳಿಗೆ ಹಣ ನೀಡಿದರೆ ಸುಲಭವಾಗಿ ಕೊಡಿಸುವುದಾಗಿ ಆಮಿಷವೊಡ್ಡಿ ಪ್ರತಿಯೊಬ್ಬ ಬಲಿಪಶುವಿನಿಂದ 10 ರಿಂದ 25 ಲಕ್ಷ ರೂಗಳನ್ನು ವಸೂಲಿ ಮಾಡುತ್ತಿದ್ದರು ಎಂದು ಆರೋಪಿಸಲಾಗಿದೆ.

ಆರೋಪಿಗಳು ಉದ್ಯೋಕಾಂಕ್ಷಿಗಳಿಗೆ ಯಾವುದೇ ಅನುಮಾನ ಬರದಂತೆ ತಡೆಯಲು ನ್ಯಾಯಾಧೀಶರ ಸಹಿಗಳನ್ನು ನಕಲು ಮಾಡಿ ಮೊಹರು ಇರುವ ದಾಖಲೆಗಳನ್ನು ಸೃಷ್ಟಿಸಿ ನೀಡುತ್ತಿದ್ದರು ಎಂದು ತಿಳಿದುಬಂದಿದೆ.

ನಂತರ ಬಲಿಪಶುಗಳು ತಮ್ಮ ಉದ್ಯೋಗದ ಸ್ಥಿತಿಯ ಕುರಿತು ದಾಖಲೆಗಳನ್ನು ಕೇಳಲು ಪ್ರಾರಂಭಿಸಿದಾಗ ನೆಪವನ್ನು ನೀಡಿ ಪ್ರತಿಕ್ರಿಯೆಗಳನ್ನು ವಿಳಂಬಗೊಳಿಸಿದರು. ಕೊನೆಯದಾಗಿ ಕರೆಗಳನ್ನು ನಿರ್ಬಂಧಿಸಲು ಪ್ರಾರಂಭಿಸಿದರು ಎಂದು ಉದ್ಯೋಕಾಂಕ್ಷಿಗಳು ಆರೋಪ ಮಾಡಿದ್ದಾರೆ. 

ಈ ಎಲ್ಲಾ ಚಟುವಟಿಕೆಗಳಿಂದ ಬಲಿಪಶುಗಳು ತಾವು ಮೋಸ ಹೋಗಿದ್ದೇವೆ ಎಂದು ಅರಿತುಕೊಂಡು ಸಿಸಿಬಿಯನ್ನು ಸಂಪರ್ಕಿಸಿ ದೂರು ದಾಖಲಿಸಿದ್ದಾರೆ.  ಈ ವಿಚಾರದ ಬಗ್ಗೆ ಬೆಂಗಳೂರಿನ ಪೊಲೀಸ್ ಠಾಣೆಯಲ್ಲಿ ಹೆಚ್ಚುವರಿ ಪ್ರಕರಣಗಳು ದಾಖಲಾಗಿದ್ದು, ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ. 

ಆದಾಗ್ಯೂ, ಅಧಿಕಾರಿಗಳು ದಂಪತಿಗಳನ್ನು 2024 ರಲ್ಲಿ ಇದೇ ರೀತಿಯ ಉದ್ಯೋಗ ವಂಚನೆ ಪ್ರಕರಣದಲ್ಲಿ ಬಂಧಿಸಲಾಗಿತ್ತು ಎಂದು ಕಂಡುಕೊಂಡರು. ಬಿಡುಗಡೆಯಾದ ನಂತರ, ಅವರು ತಮ್ಮ ಕಾನೂನುಬಾಹಿರ ಚಟುವಟಿಕೆಗಳನ್ನು ಮತ್ತೆ ಮುಂದುವರಿಸಿದ್ದಾರೆ ಎಂದು ಆರೋಪಿಸಲಾಗಿದೆ. 

ಆರೋಪಿಗಳು ತಮ್ಮ ವ್ಯಾಪ್ತಿಯನ್ನು ವಿಸ್ತರಿಸಲು ಏಜೆಂಟ್‌ಗಳ ಜಾಲವನ್ನು ನಿರ್ಮಿಸಿಕೊಂಡಿದ್ದರು. ಈ ಏಜೆಂಟ್​ಗಳು  ಸಂಭಾವ್ಯ ಬಲಿಪಶುಗಳನ್ನು ಗುರುತಿಸಿ, ಬೇಡಿಕೆಯ ಮೊತ್ತವನ್ನು ಪಾವತಿಸಲು ಮನವೊಲಿಸಿ, ಕಮಿಷನ್​ ತಾವು ತೆಗೆದುಕೊಂಡು ಉಳಿದ ಹಣವನ್ನು ದಂಪತಿಗೆ ನೀಡುತ್ತಿದ್ದರು (ಏಜೆನ್ಸೀಸ್​).