ಜನರ ಮಹತ್ತರ ಆರೋಗ್ಯಕ್ಕೆ ಉಪಯುಕ್ತ

ಹುಮನಾಬಾದ್​: ಪಟ್ಟಣದ ಬಸ್​ ನಿಲ್ದಾಣದ ಹಿಂಭಾಗದಲ್ಲಿರುವ ಸರ್ಕಾರಿ ನೌಕರರ ಭವನದ ಸಮೀಪದ ಹರ್ಷಿತ್​ ಡಯಾಗೋಸ್ಟಿಕ್​ ಕೇರ್​ ಕೇಂದ್ರದಲ್ಲಿ ಮಂಗಳವಾರ ಪ್ರಪ್ರಥಮವಾಗಿ ಸಿಟಿ ಸ್ಕಾನ್​ ಸೆಂಟನ್​ನ್ನು ವಿದ್ಯುಕ್ತವಾಗಿ ಆರಂಭಿಸಲಾಯಿತು.

ಹಿರಿಯ ವೈದ್ಯ ಡಾ. ಶರಣಪ್ಪ ಹಳಿದೊಡ್ಡಿ ನೇತೃತ್ವದಲ್ಲಿ ಸ್ಥಾಪನೆಯಾದ ಈ ಸೌಲಭ್ಯವನ್ನು ಹಿರೇಮಠದ ಪೀಠಾಧಿಪತಿ ಶ್ರೀ ರೇಣುಕಾ ಗಂಗಾಧರ ಶಿವಾಚಾರ್ಯರು ಪೂಜೆ ನೆರವೇರಿಸಿ ಚಾಲನೆ ನೀಡಿದರು.

ನಂತರ ಮಾತನಾಡಿದ ಶ್ರೀಗಳು, ತಾಲೂಕು ಕೇಂದ್ರವಾದ ಹುಮನಾಬಾದ್​ನಲ್ಲೆ ಪ್ರಥಮ ಬಾರಿಗೆ ಸಿಟಿ ಸ್ಕಾನ್​ ಸೇವೆ ಆರಂಭವಾಗಿರುವುದು ಸ್ಥಳಿಯ ಜನರಿಗೆ ಬಹಳ ಉಪಯುಕ್ತವಾಗಿದೆ. ಈ ಸೌಲಭ್ಯ ಇಲ್ಲದ ಕಾರಣ ಜನರು ಬೀದರ್​, ಕಲಬುರಗಿ, ಸೊಲ್ಲಾಪುರ ಹಾಗೂ ಹೈದರಾಬಾದ್​ ನಗರಗಳಿಗೆ ತೆರಳಿ ಪರೀೆ ಮಾಡಿಸಿಕೊಳ್ಳಬೇಕಾಗಿತ್ತು. ಇದರಿಂದ ಸಮಯ ಮತ್ತು ಹಣ ವ್ಯರ್ಥವಾಗುತ್ತಿತ್ತು. ಇದೀಗ ಪಟ್ಟಣದಲ್ಲಿಯೇ ಈ ಸೇವೆ ಲಭ್ಯವಾಗಿರುವುದು ಸಂತಸದ ವಿಷಯವಾಗಿದ್ದು, ಜನರು ಇದರ ಸದುಪಯೋಗಪಡಿಸಿಕೊಳ್ಳಬೇಕು ಎಂದು ಹೇಳಿದರು.

ಮಾಣಿಕನಗರ ಸಂಸ್ಥಾನದ ಶ್ರೀ ಆನಂದರಾಜ ಪ್ರಭು, ಶಾಸಕ ಡಾ.ಸಿದ್ದಲಿಂಗಪ್ಪ ಪಾಟೀಲ್​, ಮಾಜಿ ಸಚಿವ ರಾಜಶೇಖರ ಪಾಟೀಲ್​, ಸರ್ಕಾರಿ ಆಸ್ಪತ್ರೆಯ ಸಿಎಂಒ ಡಾ.ನಾಗನಾಥ ಹುಲಸೂರೆ, ಡಾ.ವಿಶ್ವ ಸೈನೀರ್​, ಡಾ.ರೋಹಿತ ರೂಜಿ, ಡಾ.ಪ್ರವಿಣ ಕಡ್ಯಾಳೆ, ವಿಶಾಲ ಚಿತ್ತಾಕೋಟೆ, ಡಾ.ರಾಹುಲ್​ ಪಾಟೀಲ್​, ಡಾ.ಮುಸ್ತಾಬಾ ಇತರರು ಭಾಗವಹಿಸಿದ್ದರು.