Vote Thieves | ಮತ ಕಳ್ಳತನ ಮಾಡುವವರು ಕಂಡರೆ ಹೊಡೆಯಿರಿ ಎಂದ ಠಾಕ್ರೆ ಬ್ರದರ್ಸ್​

ಇದನ್ನೂ ಓದಿ:Kashibugga Stampede | ನನ್ನ ಜಾಗ, ನನ್ನ ದೇವಸ್ಥಾನ, ನಾನ್ಯಾಕೆ ಪೊಲೀಸರಿಗೆ ಮಾಹಿತಿ ನೀಡಲಿ..?

ಮುಂಬೈನಲ್ಲಿ ವಿರೋಧ ಪಕ್ಷದ ಮಹಾ ವಿಕಾಸ್ ಅಘಾಡಿ (MVA) ಮೈತ್ರಿಕೂಟ ಆಯೋಜಿಸಿದ್ದ ಸತ್ಯಾಚಾ ಮೋರ್ಚಾ (ಸತ್ಯಕ್ಕಾಗಿ ಮೆರವಣಿಗೆ) ಬಳಿಕ ಬೆಂಬಲಿಗರನ್ನು ಉದ್ದೇಶಿಸಿ ಮಾತನಾಡಿದ ಉದ್ಧವ್​, ಎಲ್ಲಾದರು ಮತ ಕಳ್ಳನನ್ನು ಕಂಡರೆ ಅವನನ್ನು ಹೊಡೆಯಿರಿ ಎಂದಿದ್ದಾರೆ ಎಂದು ವರದಿಯಾಗಿದೆ.

ರಾಜ್ಯದ ಮತದಾರರ ಪಟ್ಟಿಯಲ್ಲಿ ದೊಡ್ಡ ಪ್ರಮಾಣದಲ್ಲಿನ ಅಕ್ರಮಗಳ ದೂರುಗಳ ನಡುವೆಯೇ ಮಹಾರಾಷ್ಟ್ರದ ಮಾಜಿ ಸಿಎಂರಿಂದ ಈ ಹೇಳಿಕೆಗಳು ಹೊರಬಿದ್ದಿದ್ದು, ಒಂದೇ ವಿಳಾಸದಡಿಯಲ್ಲಿ ನೂರಾರು ಮತದಾರರನ್ನು ನೋಂದಾಯಿಸಿದ ಪ್ರಕರಣಗಳನ್ನು ಠಾಕ್ರೆ ಇದೇ ವೇಳೆ ಉಲ್ಲೇಖಿಸಿದ್ದಾರೆ, ಒಮ್ಮೆ ಒಂದೇ ನಿವಾಸಕ್ಕೆ 800 ಹೆಸರುಗಳನ್ನು ಲಿಂಕ್ ಮಾಡಲಾಗಿತ್ತು ಮತ್ತು ಇನ್ನೊಮ್ಮೆ ಸಾರ್ವಜನಿಕ ಶೌಚಾಲಯದಲ್ಲಿ ಮತದಾರರನ್ನು ನೋಂದಾಯಿಸಲಾಗಿತ್ತು ಎಂದು ಆರೋಪಿಸಿದ್ದಾರೆ.

ದೇಶದ ಎಲ್ಲಾ ಮತದಾರರು ಮತದಾರರ ಪಟ್ಟಿಯಲ್ಲಿ ತಮ್ಮ ಹೆಸರುಗಳನ್ನು ಪರಿಶೀಲಿಸಲಿ, 100 ಜನರು ಶೌಚಾಲಯದಲ್ಲಿ ವಾಸಿಸಬಹುದಾದರೆ, ನಿಮ್ಮ ಮನೆಯಲ್ಲಿ ಎಷ್ಟು ಜನರು ವಾಸಿಸಬಹುದು ಎಂದು ನಿವೇ ಊಹಿಸಿ ಎಂದು ಎಚ್ಚರಿಕೆ ನೀಡಿದ್ದಾರೆ.

ಸತ್ಯಕ್ಕಾಗಿ ಮೆರವಣಿಗೆಯಲ್ಲಿ ರಾಷ್ಟ್ರೀಯತಾವಾದಿ ಕಾಂಗ್ರೆಸ್ ಪಕ್ಷದ (ಎಸ್‌ಪಿ) ಮುಖ್ಯಸ್ಥ ಶರದ್ ಪವಾರ್, ಮಹಾರಾಷ್ಟ್ರ ನವನಿರ್ಮಾಣ ಸೇನಾ (ಎಂಎನ್‌ಎಸ್) ಅಧ್ಯಕ್ಷ ರಾಜ್ ಠಾಕ್ರೆ ಮತ್ತು ಕಾಂಗ್ರೆಸ್ ನಾಯಕ ಬಾಳಾಸಾಹೇಬ್ ಥೋರಟ್ ಸೇರಿದಂತೆ ಪ್ರಮುಖ ವಿರೋಧ ಪಕ್ಷದ ನಾಯಕರು ಒಗ್ಗಟ್ಟಿನಿಂದ ಹೆಜ್ಜೆ ಹಾಕಿದರು, ಮತದಾರರ ಪಟ್ಟಿಯಲ್ಲಿನ ವ್ಯತ್ಯಾಸಗಳನ್ನು ಸರಿಪಡಿಸುವವರೆಗೆ ಸ್ಥಳೀಯ ಸಂಸ್ಥೆಗಳ ಚುನಾವಣೆಯನ್ನು ಮುಂದೂಡಬೇಕೆಂದು ಇದೇ ವೇಳೆ ಚುನಾವಣಾ ಆಯೋಗವನ್ನು ಒತ್ತಾಯಿಸಿದರು.

ಚುನಾವಣಾ ಆಯೋಗದ ಸಕ್ಷಮ್ ಆ್ಯಪ್‌ನಲ್ಲಿ ನಕಲಿ ಮೊಬೈಲ್ ಸಂಖ್ಯೆಯನ್ನು ಬಳಸಿಕೊಂಡು ಯಾರೋ ಇತ್ತೀಚೆಗೆ ತಮ್ಮಂತೆ ನಟಿಸಲು ಪ್ರಯತ್ನಿಸಿದ್ದಾರೆ ಎಂದು ಉದ್ಧವ್ ಠಾಕ್ರೆ ಹೇಳಿಕೊಂಡಿದ್ದು, ಮತದಾರರ ಪಟ್ಟಿಯಿಂದ ನನ್ನ ಹೆಸರನ್ನು ತೆಗೆದುಹಾಕಲು ಈ ರೀತಿಯ ಪ್ರಯತ್ನಗಳನ್ನು ಕೂಡ ಮಾಡಲಾಗಿದೆ ಎಂಬ ಅನುಮಾನವಿದೆ ಎಂದರು.

ಗೃಹ ಸಚಿವ ಅಮಿತ್ ಷಾರನ್ನು ಪರೋಕ್ಷವಾಗಿ ಟೀಕಿಸಿದ ಉದ್ಧವ್​, ತಮ್ಮ "ಅನಕೊಂಡ" ಹಾಸ್ಯವನ್ನು ಬ್ಲಾಕ್ಬಸ್ಟರ್ ಶೋಲೆ ಚಿತ್ರದ ಒಂದು ಸಾಲಿನಿಂದ ಆರಿಸಿಕೊಂಡು, "ಜಬ್ ಬಚ್ಚಾ ರೋಟಾ ಹೈ ತೋ ಮಾ ಕೆಹತೀ ಹೈ ಸೋ ಜಾ, ನಹಿ ತೋ ಗಬ್ಬರ್ ಆ ಜಾಯೇಗಾ" ಎಂಬ ಡೈಲಾಗ್‌ನಂತೆ, ನಾನು ನಿಮಗೆಲ್ಲರಿಗೂ ಎಚ್ಚರವಾಗಿರಿ, ಇಲ್ಲದಿದ್ದರೆ ಅನಕೊಂಡ ಬರುತ್ತಾನೆ ಎಂದು ಹೇಳಲು ಬಯಸುತ್ತೇನೆ ಎಂದು ಸಭೀಕರಿಗೆ ತಿಳಿಸಿದರು.

ನೀವು ನನ್ನ ಪಕ್ಷ, ನನ್ನ ಚಿಹ್ನೆ, ನನ್ನ ತಂದೆಯ ಹೆಸರನ್ನು ಕೂಡ ಕದ್ದಿದ್ದೀರಿ ಮತ್ತು ಈಗ ಮತಗಳನ್ನು ಕದಿಯುವ ಯತ್ನ ಮಾಡುತಿದ್ದೀರಿ ಎಂದು ಅವರು ಮಹಾಯುತಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದರು. ತಮ್ಮ ಸಹೋದರನ ಆರೋಪಗಳಿಗೆ ಧ್ವನಿಗೂಡಿಸಿದ ರಾಜ್ ಠಾಕ್ರೆ, ಮುಂಬೈನ ಮತದಾರರ ಪಟ್ಟಿಯಲ್ಲಿ ಎರಡು ಕಡೆ ಹೆಸರಿದ್ದವರು ಲಕ್ಷಾಂತರ ಮತದಾರರು ಇದ್ದಾರೆ ಎಂದು ಆರೋಪಿಸಿದರು.