ದೇಶದಲ್ಲಿಯೇ ಹೆಚ್ಚು ಕಾಲೇಜು ಹೊಂದಿರುವ ನಗರ ಬೆಂಗಳೂರು ಅಗ್ರ

ಕಳೆದ ಹಲವಾರು ವರ್ಷಗಳಿಂದ ಬೆಂಗಳೂರು ನಗರವು ಈ ವಿಭಾಗದಲ್ಲಿ ದೇಶದಲ್ಲಿಯೇ ಅಗ್ರಸ್ಥಾನವನ್ನು ಕಾಯ್ದುಕೊಂಡಿದೆ. 2022-23ರ ಅಂಕಿಅಂಶಗಳ ಪ್ರಕಾರ, ಬೆಂಗಳೂರು ನಗರವು 1,107ರೊಂದಿಗೆ ಗರಿಷ್ಠ ಸಂಖ್ಯೆಯ ಕಾಲೇಜುಗಳನ್ನು ಹೊಂದಿದೆ ಮತ್ತು 2023-24 ರಲ್ಲಿ ಸೇರಿಸಲಾದ ಕಾಲೇಜುಗಳ ಸಂಖ್ಯೆಯಲ್ಲಿ ಸ್ವಲ್ಪ ಹೆಚ್ಚಳ ಕಂಡುಬಂದಿದೆ. 2021-22 ರಲ್ಲಿಯೂ ಸಹ ನಗರವು 1,106 ಕಾಲೇಜುಗಳೊಂದಿಗೆ ಅತ್ಯಧಿಕ ಸಂಖ್ಯೆಯ ಕಾಲೇಜುಗಳನ್ನು ಹೊಂದಿರುವ ದಾಖಲೆ ಹೊಂದಿದೆ.

ನಂತರದ ಸ್ಥಾನದಲ್ಲಿ ಜೈಪುರ 742, ಪುಣೆ 742, ಹೈದರಾಬಾದ್ 465 ಮತ್ತು ಪ್ರಯಾಗ್‌ರಾಜ್ 408 ಕಾಲೇಜುಗಳನ್ನು ಹೊಂದಿವೆ.

ರಾಜ್ಯವಾರು ಕಾಲೇಜುಗಳ ಸಂಖ್ಯೆಯನ್ನು ನೋಡುವುದಾದರೆ, ಕರ್ನಾಟಕವು 4,524 ಕಾಲೇಜುಗಳೊಂದಿಗೆ ರಾಷ್ಟ್ರೀಯವಾಗಿ ಮೂರನೇ ಸ್ಥಾನದಲ್ಲಿದೆ. ಉತ್ತರ ಪ್ರದೇಶವು 8,310 ರೊಂದಿಗೆ ಗರಿಷ್ಠ ಸಂಖ್ಯೆಯ ಕಾಲೇಜುಗಳನ್ನು ಹೊಂದಿದೆ, ನಂತರ ಮಹಾರಾಷ್ಟ್ರ (5390) ಸ್ಥಾನದಲ್ಲಿದೆ.

ಕಾಲೇಜುಗಳಿಗೆ ನೆಲೆಯಾಗಿರುವುದಷ್ಟೇ ಅಲ್ಲ, ಗರಿಷ್ಠ ವಿದ್ಯಾರ್ಥಿಗಳ ದಾಖಲಾತಿಯನ್ನು ಹೊಂದಿರುವ ಆರು ರಾಜ್ಯಗಳಲ್ಲಿ ಕರ್ನಾಟಕವೂ ಒಂದಾಗಿದೆ. ಒಟ್ಟು ದಾಖಲಾತಿಯಲ್ಲಿ ಕರ್ನಾಟಕವು ಶೇ.52.8 ರಷ್ಟಿದೆ. ಉತ್ತರ ಪ್ರದೇಶವು 72.4 ಲಕ್ಷ ವಿದ್ಯಾರ್ಥಿಗಳೊಂದಿಗೆ ಅಗ್ರಸ್ಥಾನದಲ್ಲಿದೆ, ನಂತರ ಮಹಾರಾಷ್ಟ್ರ 48.6 ಲಕ್ಷ, ತಮಿಳುನಾಡು 34.0 ಲಕ್ಷ, ಮಧ್ಯಪ್ರದೇಶ 27.4 ಲಕ್ಷ, ಪಶ್ಚಿಮ ಬಂಗಾಳ 26.9 ಲಕ್ಷ ವಿದ್ಯಾರ್ಥಿಗಳೊಂದಿಗೆ ಮತ್ತು ಕರ್ನಾಟಕ 26.4 ಲಕ್ಷ ವಿದ್ಯಾರ್ಥಿಗಳೊಂದಿಗೆ ನಂತರದ ಸ್ಥಾನದಲ್ಲಿದೆ.

ಅಖಿಲ ಭಾರತ ಮಟ್ಟದಲ್ಲಿ ಅರ್ಹ ಜನಸಂಖ್ಯೆಗೆ (18-23 ವರ್ಷ ವಯಸ್ಸಿನ ಜನಸಂಖ್ಯೆ) ಪ್ರತಿ ಲಕ್ಷ ಕಾಲೇಜುಗಳ ಸಂಖ್ಯೆ 31. ಕರ್ನಾಟಕ (68), ತೆಲಂಗಾಣ (54), ಆಂಧ್ರಪ್ರದೇಶ (50), ಹಿಮಾಚಲ ಪ್ರದೇಶ (49), ಮತ್ತು ಕೇರಳ (48) ಪ್ರತಿ ಲಕ್ಷ ಜನಸಂಖ್ಯೆಗೆ ಹೆಚ್ಚಿನ ಸಂಖ್ಯೆಯ ಕಾಲೇಜುಗಳನ್ನು ಹೊಂದಿರುವ ರಾಜ್ಯಗಳಾಗಿವೆ.

ಎಲ್ಲ ಕಾಲೇಜುಗಳಲ್ಲಿ ಕಲಾ ವಿಭಾಗವು ಅತ್ಯಂತ ಜನಪ್ರಿಯ ವಿಭಾಗವಾಗಿದೆ. ಪದವಿ ಹಂತದಲ್ಲಿ ಕಲಾ ವಿಭಾಗಕ್ಕೆ ಶೇ.32.1 ವಿದ್ಯಾರ್ಥಿಗಳು ಪ್ರವೇಶ ಪಡದರೆ, ನಂತರ ವಿಜ್ಞಾನ- ಶೇ.13.5 ಮತ್ತು ಇಂಜಿನಿಯರಿಂಗ್ ಮತ್ತು ತಂತ್ರಜ್ಞಾನ ಕೋರ್ಸ್‌ಗಳಲ್ಲಿ ಶೇ.12.9 ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದಾರೆ.

ಪ್ರಮುಖ ಅಂಶಗಳು (ರಾಷ್ಟ್ರ ಮಟ್ಟ)

- ಒಟ್ಟು ದಾಖಲಾತಿ ಪ್ರಮಾಣ 4.50 ಕೋಟಿ

- 2019-20ಕ್ಕಿಂತ ಶೇ.17ರಷ್ಟು ಹೆಚ್ಚಳ

- ವಿದ್ಯಾರ್ಥಿನಿಯರ ಪ್ರಮಾಣ 2.2 ಕೋಟಿ

- 59,553 ಉನ್ನತ ಶಿಕ್ಷಣ ಸಂಸ್ಥೆಗಳು ಭಾಗಿ