ಪ್ರಶಸ್ತಿಯಿಂದ ಮನುಷ್ಯನ ವ್ಯಕ್ತಿತ್ವ ವೃದ್ಧಿ

ಪಟ್ಟಣದ ಸಾಲೇಶ್ವರ ದೇವಸ್ಥಾನದ ಆವರಣದಲ್ಲಿ ಈಚೆಗೆ ಕಮತಗಿಯ ಮೇಘ ಮೈತ್ರಿ ಸಾಹಿತ್ಯ ವೇದಿಕೆಯ ವತಿಯಿಂದ ಹಮ್ಮಿಕೊಂಡಿದ್ದ 2026ನೇ ಸಾಲಿನ ರಾಜ್ಯಮಟ್ಟದ ಮೇಘರತ್ನ ಪ್ರಶಸ್ತಿ ಪ್ರದಾನ ಸಮಾರಂಭ ಹಾಗೂ ಕವನ ಸಂಕಲನ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಇಂದಿನ ಸಮಾಜದಲ್ಲಿ ಉತ್ತಮ ವ್ಯಕ್ತಿತ್ವ, ಆಚಾರ-ವಿಚಾರ ಹೊಂದುವುದು ಬಹಳಷ್ಟು ಅಗತ್ಯವಾಗಿದೆ. ಬದಲಾದ ತಾಂತ್ರಿಕಯುಗದಲ್ಲಿ ಸತ್ಯಕ್ಕಿಂತ ಮಿತ್ಯ ಬಹಳಷ್ಟು ಮಹತ್ವ ಪಡೆದುಕೊಳ್ಳುತ್ತಿದೆ ಎಂದರು.

ಡಾ. ಪ್ರಕಾಶ ನರಗುಂದ ಮಾತನಾಡಿ, ಕಾವ್ಯವು ಪದಗಳ ಜೋಡಣೆಯಲ್ಲ, ಬದಲಾಗಿ ರಸ, ಛಂದಸ್ಸು, ಧ್ವನಿ ಮತ್ತು ರೂಪಕಗಳ ಮೂಲಕ ಓದುಗನ ಮನಸ್ಸನ್ನು ತಲುಪುವುದು ಸೃಜನಶೀಲ ಅಭಿವ್ಯಕ್ತಿಯಾಗಿದೆ ಎಂದು ತಿಳಿಸಿದರು.

ಮೇಘರತ್ನ ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಮಾಜಿ ಶಾಸಕ ಮಲ್ಲಿಕಾರ್ಜುನ ಬನ್ನಿ ಅವರು, ಸಮಾಜದಲ್ಲಿನ ದುಡಿಯುವ ವರ್ಗದವರ ಪರವಾಗಿ ಕಾಳಜಿವಹಿಸಿದ್ದಕ್ಕಾಗಿ ನಾನು ಸಾಹಿತ್ಯ ರಚಿಸಲು ಸಾಧ್ಯವಾಯಿತು. ಪ್ರಶಸ್ತಿ ಬಂದಿರುವುದಕ್ಕೆ ಸಂತೋಷವಾಗಿದೆ ಎಂದು ಹೇಳಿದರು.

ಸಾಹಿತ್ಯ ವೇದಿಕೆಯ ಅಧ್ಯಕ್ಷ ರಮೇಶ ಕಮತಗಿ ಮಾತನಾಡಿ, ವೇದಿಕೆಯಿಂದ ಪ್ರತಿವರ್ಷ ನಾಡಿನ ಸಾಧಕರಿಗೆ ಮೇಘರತ್ನ ಪ್ರಶಸ್ತಿ ನೀಡುವ ಕಾರ್ಯ ಮಾಡುತ್ತಿದ್ದು, ನಮಗೆ ಸಾಧಕರೇ ಪ್ರೇರಣೆಯಾಗಿದ್ದಾರೆ ಎಂದು ತಿಳಿಸಿದರು.

ಡಾ. ವಿ.ಎ.ಬೆನಕನಾಳ, ಡಾ.ಶಾಂತಾ ಕರಡಿಗುಡ್ಡ, ಡಾ. ಪಿ.ಎಂ. ಗುರುವಿನ ಮಠ, ಚೇತನ್ ಶಿವಸಿಂಪಿ, ಸಂಗಮೇಶ ಚಿಕ್ಕಾಡಿ, ಚಂದ್ರಶೇಖರ ಹೆಗಡೆ, ಶ್ರೀಕಾಂತ ಶಿರೂರು, ಸಂತೋಷ ಕಲಾಲಬಂಡಿ, ಡಾ. ಸಂತೋಷ ಕಾಳನ್ನವರ, ರವಿ ಕಂಗಳ, ಚಿದಾನಂದಸಾ ಕಾಟವಾ, ಯಲ್ಲಪ್ಪ ಮನ್ನಿಕಟ್ಟಿ, ಆನಂದ ಕಂಬಳಿಹಾಳ, ಅಶೋಕ ಚಿತ್ರಗಾರ ಉಪಸ್ಥಿತರಿದ್ದರು.