ಕುಡಿಯಲು ಹಣ ಕೊಟ್ಟಿಲ್ಲವೆಂದು ಹಲ್ಲೆ

ವಿನಾಯಕ ನಗರದ ನಿವಾಸಿ ರಾಧನ್​ (37) ಹಲ್ಲೆಗೊಳಗಾದವರು. ತಾಲೂಕಿನ ಆಲಂಬಗಿರಿ ನಾರಾಯಣಸ್ವಾಮಿ 24 ವರ್ಷಗಳ ಹಿಂದೆ ರಾಧನ್​ ಅವರನ್ನು ಮದುವೆಯಾಗಿದ್ದ. ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ.

ಮದ್ಯ ವ್ಯಸನಿಯಾಗಿದ್ದ ನಾರಾಯಣಸ್ವಾಮಿ ಹಣ ನೀಡುವಂತೆ ಪೀಡಿಸುತ್ತಿದ್ದ ಹಿನ್ನೆಲೆಯಲ್ಲಿ 4 ವರ್ಷಗಳಿಂದ ರಾಧನ್​ ಮಕ್ಕಳ ಜತೆ ತವರಿನಲ್ಲಿ ನೆಲೆಸಿದ್ದು, ಟೇಲರಿಂಗ್​ ಮಾಡಿ ಜೀವನ ನಡೆಸುತ್ತಿದ್ದಾರೆ. ಭಾನುವಾರ ಆಕೆಯ ಮನೆಗೆ ಬಂದ ಪತಿ ಮದ್ಯಪಾನಕ್ಕೆ ಹಣ ನೀಡದ್ದಕ್ಕೆ ಎಳೆದಾಡಿ ಹಲ್ಲೆ ನಡೆಸಿ ಪ್ರಾಣ ಬೆದರಿಕೆ ಹಾಕಿದ್ದಾನೆ ಎನ್ನಲಾಗಿದೆ.