ಶ್ಯಾಂಪೂ ಬದಲಿಸಲು ಹೇಳುವುದು ಕ್ರೌರ್ಯವಲ್ಲ| High court

ಇದನ್ನು ಆಲಿಸಿದ ನ್ಯಾಯಮೂರ್ತಿ ಎಂ. ನಾಗಪ್ರಸನ್ನ ಅವರಿದ್ದ ಏಕಸದಸ್ಯ ನ್ಯಾಯಪೀಠ, ಹೌದು ಮೇಡಂ, ನಿಮ್ಮ ಆರೋಪಗಳ ಆಧಾರದಲ್ಲಿ ಕೌಟುಂಬಿಕ ನ್ಯಾಯಾಲಯದಲ್ಲಿ ವಿಚ್ಚೇದನ ಕೋರಬಹುದು. ಆದರೆ, ಇದರ ಆಧಾರದಲ್ಲಿ ಪತಿಯ ತಾಯಿ, ತಂದೆ ಮತ್ತು ಇತರ ಸಂಬಂಧಿಕರ ವಿರುದ್ಧ ವರದಣೆ ಕಿರುಕುಳ, ಕ್ರೌರ್ಯದ ಆರೋಪ ಹೊರಿಸಲಾಗದು. ದಂಪತಿಗಳ ನಡುವೆ ಮತ್ತು ಕುಟುಂಬದೊಳಗೆ ಭಿನ್ನಾಭಿಪ್ರಾಯಗಳು ಏರ್ಪಡುವುದು ಸಾಮಾನ್ಯ. ಅದಕ್ಕೆಲ್ಲ ಕ್ರಿಮಿನಲ್​ ಪ್ರಕರಣ ದಾಖಲಿಸಲಾಗುವುದೇ ಎಂದು ಪ್ರಶ್ನಿಸಿತು.

ರಾಗಿಮುದ್ದೆ, ದೋಸೆ ಮಾಡಿಕೊಡು ಎಂದು ಅತ್ತೆ ಕೇಳುವುದು ತಪ್ಪೇ ಎಂಬ ನ್ಯಾಯಪೀಠದ ಪ್ರಶ್ನೆಗೆ ಉತ್ತರಿಸಿದ ಅರ್ಜಿದಾರರು, ಇಲ್ಲ ಸ್ವಾಮಿ, ನನ್ನ ಆರೋಪ ಏನೆಂದರೆ ನನ್ನನ್ನು ಅಡುಗೆ ಮನೆಗೆ ಹೋಗಲು ಬಿಡುತ್ತಿರಲಿಲ್ಲ. ಸರಿಯಾದ ಆಹಾರವನ್ನು ಕೊಡುತ್ತಿರಲಿಲ್ಲ. ಎಲ್ಲರ ಊಟ ಆದ ನಂತರ ನಾನು ಸೇವಿಸಬೇಕಿತ್ತು. ಗಂಡನನ್ನು ನನ್ನ ಜತೆ ಮಲಗಲು ಬಿಡದೆ ಬೇರೆ ಕೋಣೆಯಲ್ಲಿ ಮಲಗಲು ಅತ್ತೆ ಹೇಳುತ್ತಿದ್ದರು. ಐದೂವರೆ ತಿಂಗಳು ಅವರ ಮನೆಯಲ್ಲಿ ನಾನು ಕ್ರೌರ್ಯ ಅನುಭವಿಸಿದ್ದೇನೆ ಎಂದು ಅಳಲು ತೋಡಿಕೊಂಡರು. 

ಅರ್ಜಿದಾರರು ವಾದ ಮುಂದುವರಿಸಿ, ಪತಿಯ ಮನೆಯವರು ನೆರೆಹೊರೆಯವರ ಮುಂದೆ ತನ್ನ ಬಗ್ಗೆ ತೀವ್ರ ಅಪಪ್ರಚಾರ ನಡೆಸಿ, ಕಳಂಕ ಹೊರಿಸಿದ್ದಾರೆ. ನಾನು ತವರು ಮನೆಗೆ ಬಂದಾಗ, ಅಲ್ಲಿಗೂ ಬಂದು ನನ್ನ ಚಾರಿತ್ರ್ಯದ ಬಗ್ಗೆ ಅವಹೇಳನಕಾರಿಯಾಗಿ ಮಾತನಾಡಿದ್ದಾರೆ. ಈ ಕೃತ್ಯಕ್ಕೆ ಅತ್ತೆಗೆ ಅವರ ಸಹೋದರ ಮತ್ತು ಪತಿಯ ಸ್ನೇಹಿತ ಸಾಥ್​ ನೀಡಿದ್ದಾರೆ. ಕಿರುಕುಳದ ಬಗ್ಗೆ ಪೊಲೀಸರಿಗೆ ದೂರು ನೀಡಲು ಹೊದರೆ, ಅವರು ಕೂಡ ಅನ್ಯಾಯ ಮಾಡಿದ್ದಾರೆ. ನನ್ನ ದೂರು ದಾಖಲಿಸುವ ಬದಲು ನನ್ನ ವಿರುದ್ಧವೇ ಪ್ರಕರಣ ದಾಖಲಿಸಿಕೊಂಡಿದ್ದಾರೆ ಎಂದರು.