ವಾರ್ಡ್​ಗಳ ಸಮಸ್ಯೆಗೆ ಕಿವಿಯಾಗುವಂತೆ ಮನವಿ problems

ವೇಮಗಲ್​ನಲ್ಲಿ ಚಥುಷ್ಪಥ ನಿರ್ಮಾಣವಾಗುತ್ತಿದ್ದೂ ಎಲ್ಲೂ ್ಲೆ$ ಓವರ್​ ಬಾರದಂತೆ ರಸ್ತೆ ನಿರ್ಮಿಸಿ, ಸಂಜೆ ಡೇರಿಗೆ ಹಾಲು ಹಾಕಲು ಬರುವವರನ್ನು ಹೆಲ್ಮೆಟ್​ ನೆಪದಲ್ಲಿ ಹಿಡಿದು ದಂಡ ವಿಧಿಸಬಾರದು ಎಂದು 6ನೇ ವಾರ್ಡ್​ನ ಉಪಾಧ್ಯಕ್ಷ ಸಿ.ಎಸ್​.ವೆಂಕಟೇಶ್​ ಸಭೆಗೆ ತಿಳಿಸಿದರು. problems

14ನೇ ವಾರ್ಡ್​ ಸದಸ್ಯ ವಿ.ಎಂ.ನಾಗೇಶ್​ ಮಾತನಾಡಿ, ಪಟ್ಟಣದಲ್ಲಿ ಯಾರಾದರೂ ಮೃತಪಟ್ಟರೆ ಅಂತ್ಯಕ್ರಿಯೆಗೆ ಜಾಗವಿಲ್ಲ, ಸರ್ವೇ ನಂ. 33ರಲ್ಲಿ 2 ಎಕರೆ ಗ್ರಾಂಟ್​ ಆಗಿದ್ದು, ಪರಿಶೀಲಿಸಿ ಕಾಂಪೌಂಡ್​ ನಿರ್ಮಿಸಿಕೊಡಬೇಕು. ಆರೋಗ್ಯ ಕೇಂದ್ರದಲ್ಲಿ ವೈದ್ಯಾಧಿಕಾರಿಗಳ ಕೊರತೆ ನೀಗಿಸಿ ಪಕ್ಕದ ಹಾಸ್ಟೆಲ್​ಗೆ ಸೌಕರ್ಯ ಒದಗಿಸಬೇಕು ಎಂದು ತಿಳಿಸಿದು ಪ್ರತಿಕ್ರಿಯಿಸಿದ ತಾಲೂಕು ಆರೋಗ್ಯ ಅಧಿಕಾರಿ ಡಾ.ನಾರಾಯಣಸ್ವಾಮಿ 24 ಗಂಟೆಗಳ ಕಾಲ ವೈದ್ಯರು ಇರುವಂತೆ ಮಾಡುತ್ತೇವೆ ಎಂದು ತಿಳಿಸಿದರು.

9ನೇ ವಾರ್ಡ್​ ಸದಸ್ಯ ಕೆ.ಎಸ್​.ರಮೇಶ್​ ಮಾತನಾಡಿ, ಕುರುಗಲ್​ ಗೇಟ್​ನ ಸೈಟ್​ಗಳಲ್ಲಿರುವವರಿಗೆ ಓವರ್​ ಹೆಡ್​ ಟ್ಯಾಂಕ್​, ಬೋರ್​ವೆಲ್​, ರಸ್ತೆ, ಚರಂಡಿ ಮಾಡಿಕೊಡಬೇಕಿದೆ ಎಂದರು.

ನಾಮಿನಿ ಸದಸ್ಯ ಸನಾವುಲ್ಲ ಖಾನ್​ ಮಾತನಾಡಿ, ವಿಶ್ವ ನಗರದಲ್ಲಿ ಆಂಜನೇಯ ಸ್ವಾಮಿ ಚಾವಣಿ ನಿರ್ಮಿಸುವಂತೆ ತಿಳಿಸಿದರೆ, ಸಿಂಗೇನಹಳ್ಳಿ ಬಳಿಯ ಮುರಾರ್ಜಿ ದೇಸಾಯಿ ಶಾಲೆಗೆ ರಸ್ತೆ ಹಾಗೂ ಸ್ಮಶಾನದ ಸಮಸ್ಯೆ ಕುರಿತು 12ನೇ ವಾರ್ಡ್​ ಸದಸ್ಯ ಮುನಿರಾಜು ಗಮನಸೆಳೆದರು.ಬಸ್​ ನಿಲ್ದಾಣದಲ್ಲಿರುವ ಅಂಗಡಿಗಳನ್ನು ತೆರವು ಮಾಡಿ ನಿಲ್ದಾಣ ಪ್ರಗತಿ ಮಾಡಬೇಕು ಎಂದು 5ನೇ ವಾರ್ಡಿನ ಸದಸ್ಯ ಲೋಕೇಶ್​ ಮನವಿ ಮಾಡಿದರು.

1ನೇ ವಾರ್ಡಿನ ಸದಸ್ಯೆಅಂಜಲಿ ಪ್ರಕಾಶ್​ ಮಾತನಾಡಿ, ಕುರುಬರಹಳ್ಳಿಯಲ್ಲಿ ಕೆಲವರಿಗೆ ಹಕ್ಕುಪತ್ರ ನೀಡದೆ ಖಾತೆ ಮಾಡಿಕೊಂಡಿದ್ದಾರೆ. ಅಂತಹವರಿಗೆ ಹಕ್ಕುಪತ್ರ ನೀಡಬೇಕಿದೆ. ಕನಕ ಭವನಕ್ಕೆ ಅನುದಾನ ಬೇಕಾಗಿದೆ ಎಂದರು.

ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಜನರೇಟರ್​ ಸಮಸ್ಯೆ ಇದ್ದು, ರಾತ್ರಿ ವೈದ್ಯರ ಕೊರತೆ ಕುರಿತು ಸದಸ್ಯೆ ಸುಜಾತಾ ಮುನಿರಾಜು ತಿಳಿಸಿದರು. 13ನೇ ವಾರ್ಡಿನ ಸದಸ್ಯೆ ಶಿಲ್ಪಾ ಶಿವಶಂಕರ್​ ಮಾತನಾಡಿ, ಬಸ್​ನಿಲ್ದಾಣ ವೃತ್ತದ ಸಿಗ್ನಲ್​ ಬಳಿ ಒಬ್ಬ ಪೊಲೀಸರನ್ನು ನಿಯೋಜನೆ ಮಾಡಬೇಕು. ಇತ್ತೀಚಿನ ದಿನಗಳಲ್ಲಿ ಅಪಘಾತ ಹೆಚ್ಚಾಗಿವೆ ಎಂದರು.

15ನೇ ವಾರ್ಡ್​ ಸದಸ್ಯೆ ದೀಪಾ ವೆಂಕಟೇಶ್​ ಮಾತನಾಡಿ, ಇತ್ತೀಚಿಗಷ್ಟೇ ವೇಮಗಲ್​ನಿಂದ ಬೆಂಗಳೂರಿಗೆ ಬಸ್​ ವ್ಯವಸ್ಥೆ ಮಾಡಲಾಗಿತ್ತು. ಅದನ್ನು ಸಂಜೆಯ ಸಮಯದಲ್ಲಿ ಬೆಂಗಳೂರಿನಿಂದ ವೇಮಗಲ್​ಗೆ ಬರುವ ವ್ಯವಸ್ಥೆ ಮಾಡಬೇಕು ಎಂದು ಹೇಳಿದರು.

17ನೇ ವಾರ್ಡ್​ ಸದಸ್ಯೆ ಶಶಿಕಲಾ ನಾಗೇಶ್​ ಮಾತನಾಡಿ, ಪಟ್ಟಣ ಪಂಚಾಯಿತಿಯಲ್ಲಿ ಅತಿ ಹೆಚ್ಚು ಕಡು ಬಡವರು ಇರುವ ವಾರ್ಡ್​ ನಮ್ಮದಾಗಿದೆ. ಸೈಟ್​, ನಿವೇಶನ ಸೇರಿಚರಂಡಿ, ಬೀದಿದೀಪ, ಸಿಸಿರೋಡ್​ ಅಭಿವೃದ್ಧಿ ಕೆಲಸ ಮಾಡಲು ಶಾಸಕರು ಸಹಾಯ ಮಾಡಬೇಕು ಎಂದರು.

2ನೇ ವಾರ್ಡಿನ ಸದಸ್ಯ ರಾಮು ಮಾತನಾಡಿ, ಗ್ರಾಮದ ಬಳಿ ಜಲ್ಲಿ ಕ್ರಷರ್​ನಿಂದ ಶಬ್ದ ಮಾಲಿನ್ಯವಾಗುತ್ತಿದೆ. ರಾತ್ರಿ ಸಮಯದಲ್ಲಿ ನಿದ್ದೆ ಮಾಡಲು ಆಗುತ್ತಿಲ್ಲ. ಲಾರಿಗಳಲ್ಲಿ ಓವರ್​ ಲೋಡ್​ ಹಾಕಿಕೊಂಡು ಹೋಗಿ ರಸ್ತೆಗಳನ್ನು ಹಾಳು ಮಾಡಿದ್ದಾರೆ ಎಂದರು.

ಸದಸ್ಯರಾದ ಗಂಗಪ್ಪ, ನಾಮನಿ ಸದಸ್ಯರಾದ ವಿ.ಎನ್​. ನಟರಾಜ್​, ತಿರುಮಳಪ್ಪ, ಸದಸ್ಯರಾದ ಮಂಜುಳಾ ಮುನಿರಾಜು, ತಾಸುಫ್​ ಖಾನ್​, ರವಿ, ಕೆ.ವಿ.ಸುಬ್ರಹ್ಮಣಿ ಸಿಬ್ಬಂದಿ ಇದ್ದರು