ಪ್ರಕೃತಿ ಸೊಬಗಿನ ಅಂಕನಹಳ್ಳಿ village natural beauty

ಜಿಲ್ಲಾ ಕೇಂದ್ರ ರಾಮನಗರದಿಂದ 9 ಕಿಮೀ ಅಂತರದಲ್ಲಿರುವ, ಕೈಲಾಂಚ ಹೋಬಳಿಯ ಅಂಕನಹಳ್ಳಿ ತನ್ನದೇ ಪ್ರಕೃತಿ ಸೊಬಗು ಹೊಂದಿದೆ. ಗ್ರಾಮದಲ್ಲಿ 2 ಸಾವಿರ ಜನಸಂಖ್ಯೆ, ಈ ಪೈಕಿ 1300 ಮತದಾರರಿದ್ದು, ಇಲ್ಲಿ ವ್ಯವಸಾಯವೇ ಪ್ರಧಾನ. ಬಹುತೇಕರು ರೇಷ್ಮೆ, ಮಾವು, ತರಕಾರಿ ಬೆಳೆಯುತ್ತಾರೆ. ಹೈನುಗಾರಿಕೆ ಆದಾಯದ ಮೂಲ.

ಹಳೇ ಗ್ರಾಮ ಈಗಿನ ಊರಿನಿಂದ ಬಹಳ ಹೊರಗೆ ಇತ್ತೆಂದೂ, ಆ ಗ್ರಾಮದ ಜನ ಅಂಕನಹಳ್ಳಿಗೆ ಬರಲಿಲ್ಲವೆಂದು ಹಿರಿಯರು ಹೇಳುತ್ತಾರೆ. ಸದ್ಯ ಅಂಕನಹಳ್ಳಿಯು ಎರಡ್ಮೂರು ತಲೆಮಾರಿನಲ್ಲಷ್ಟೇ ಹೊಸ ಗ್ರಾಮವಾಗಿ ಉದಯವಾಗಿದೆ. ಕೂಟಗಲ್ ಹೊಸೂರಿನಿಂದ ಗಿರೀಗೌಡ ಎಂವಬುವರು ಕುಟುಂಬ ಸಮೇತ ಗ್ರಾಮ ತೊರೆದು ಎತ್ತರದ ಪ್ರದೇಶ ಅಂಕನಹಳ್ಳಿಗೆ ಬಂದು ಸೇರಿ ಮಾರಮ್ಮ ದೇವಾಲಯ ಕಟ್ಟಿಕೊಂಡು ವಾಸಿಸುತ್ತಿದ್ದರು. ನಂತರ ಅವರ ಮಕ್ಕಳಾದ ಕೃಷ್ಣೇಗೌಡ, ನಿಂಗೇಗೌಡ ಎಂಬುವರು ಗ್ರಾಮವನ್ನು ಮತ್ತಷ್ಟು ವಿಸ್ತರಿಸಿದರು. ಬೇರೆ ಬೇರೆ ಗ್ರಾಮಗಳಿಂದ ಜನರು ನೆಲೆನಿಂತ ಪರಿಣಾಮ ಗ್ರಾಮ ದೊಡ್ಡದಾಗಿ ಬೆಳೆದಿದೆ ಎನ್ನಲಾಗುತ್ತಿದೆ. ಅಂಕನಹಳ್ಳಿ ಹೆಸರು ಹೇಗೆ ಬಂದಿದೆ?ಎನ್ನುವುದಕ್ಕೆ ಯಾರ ಬಳಿಯೂ ಸರಿಯಾದ ಉತ್ತರ ಇಲ್ಲ.

ಗ್ರಾಮದಲ್ಲಿ ಅಂಗನವಾಡಿ, ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ, 1ರಿಂದ 7ನೇ ತರಗತಿವರೆಗೆ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಇದೆ. ಹೈಕೋರ್ಟ್ ನಿವೃತ್ತ ಜಡ್ಜ್ ಹೊನ್ನಪ್ಪ ಅವರು ಈ ಶಾಲೆಯಲ್ಲೇ ವ್ಯಾಸಂಗ ಮಾಡಿದ್ದರು ಎಂದು ಗ್ರಾಮದವರು ಹೇಳುತ್ತಾರೆ.

"